شقة العجمي

#شقة_العجمي 

#part1

من فترة مش بعيدة الشقة اللي انا ساكن فيها طول عمري بدأت أحس فيها بحركات غريبة و حاجات بيتغير مكانها لكن مهتمتش كنت دائما بقول اكيد انا غيرت المكان و مش فاكر اكيد انا بيتهيألي لكن من عشر ايام بالظبط غيرت مواعيد نومي و حرفيا كل يوم بسمع صوت ولد و بنت اطفال بيتحايلوا ع مامتهم تفتحلهم الباب أو ترجع تقعد معاهم وهما هيسمعوا الكلام و مش هيزعلوها اول يوم قولت ممكن تكون معقباهم و عاوزاهم يناموا مثلا لأن الوقت متاخر تاني يوم سمعتهم بدأت أحس بحاجة مش مريحة فوقفت اسمع من المناور الصوت جاي من انهي شقة بس بردو معرفتش أحدد تالت يوم حاولت اكلم الاولاد من المنور و اقولهم انتم في شقة كام مامتكم اسمها ايه انتم عارفين رقمها او رقم بابا فين لحد ما الولد قالي أنا عارف رقم ماما بالفعل كلمت الرقم لكن الرقم كان مقفول .... قولتلهم انتوا عارفين انتوا شقة رقم كام قال لاءا كلمت جاري لقيته صاحي قولتله قوم معايا في الأطفال محبوسين تحت بقالهم 3 ايام بيبكوا في نفس المعاد ده و أنا عاوز اشوف حل ما اهلهم معد.ومي الاحساس دول بس مش عاوز انزل لوحدي ليكون امهم لوحدها معاهم و فعلا نزلنا و خبطنا ع كل الشقق اللي في العمارة لكن مفيش الكل صحي محدش عنده الصوت و فعلا لما طلعت شقتي ملقتش في صوت ليهم فقررت انام صحيت ع صوت طفل بيبكي في الصالة قمت شفت طفل في الصالة وشه مش.وه و بيقولي رجعلي ماما.. قربت منه حاولت المسه الطفل اتحول لمسخ و جسمه بدأ يطول و صوت ضحكة عالية و مخيفة مسمع في المكان و بدأت الشقة تلف بيا كأني د.ايخ و أرضية الشقة بالتدريج بتنهار و أنا بجري في كل مكان بحاول مقعش في الحفرة اللي ظهرت نتيجة انهيار أرضية الشقة و لكن في النهاية وقعت في حفرة ملهاش نهاية من الخوف و الذعر صحيت ..

و بدأت سلسلة كوابيس مبتنتهيش .. 

طبعا تاني يوم نزلت الشغل و انا نازل قابلك عم ايمن البواب سألته عن لو حد عنده اطفال بيبكوا بليل و حكيت اللي حصل بليل و رد البواب ..

عم ايمن البواب : يابيه كل الشقق المتسكنه هنا معندهاش اطفال صغيرة هنا بالسن و الوصف ده .. كمان المنور اللي عند حضرتك ده مفيهوش غير شقة الباشمهندش احمد و ده قافل الشقة لأنه مسافر و بينزل في السنة مرة ولا مرتين حتى هو عارضها للإيجار او للبيع معندكش مشتري ...

بصيت لعم ايمن البواب بإستغراب كدة قولتله 

مروان : هو محدش اشتكى خالص من العمارة امبارح أو اي يوم من حاجة زي دي حصلت 

عم ايمن بمكر : ها .. لا محدش اشتكى يمكن يا بيه انت كنت مضغوط من الشغل شوية بس و بعدين مانت نزلت مع محمد بيه بردو و خبطت ع الشقق كلها ملقتش حاجة ..

مروان : تمام يا عم ايمن لو حد سمع حاجة زي دي او حسيت بحاجة غريبة في العمارة ممكن تبلغني .. و اديته اللي في النصيب 

عم ايمن : ايوا طبعا ده احنا عنينا ليك يابيه 

و رحت اركب العربية مدارتش اجرب مرة اتنين تلاتة مفيش فايدة قررت اركب اي مواصلة وخلاص ركبت المشروع كان فاضل فيه الكرسيين اللي جنب السواق ، و استغليت اني ركبت مواصلة مش انا اللي سائق و بدأت ارد ع رسائل الواتس لقيت جاري محمد اللي نزل معايا امبارح باعتلي ريكورد بيقولي 

محمد بذعر : مروان اللي انت سمعته صح يامروان انا كمان سامع صوت بكى الطفلين لكن سامعه في شقتي صوت الطفلين خايفين جدا و سامع ضحكة ب.ش.عة مع صوتهم انا شا... شايفهم قدامي دلوقتي .. بيرقبوا .. عليا فيه كائن لا لا ظل ظل مضلم عليا الأوضة انا حاسس ان جسمي بي.غلي و مش عارف اتحرك لو تقدر تيجي تلحقني أو تبلغ حد من اهلي ... الحقني يامروان فيه حاجة غريبة بتحصل هنا انا ..انا... أاا و بعد كدة سمعت صوته و هو بيصر.خ بشكل هستيري ... برفع عيني و بقول للسواق اقف لو سمحت لقيت نفس المسخ سايق العربية و ابتسملي و قال ...

الكاتبة نورهان أحمد فتحي 

#part2

مكنش لازم تسمع يا احمد كنت ممكن متكملش لكن انت اللي اخترت انا من الخوف حاولت افتح باب العربية و انزل منها و أنا سامع صوت كلاب بتزوم في العربية بلف اشوف الصوت و أنا بحاول افتح الباب لقيت كل اللي في العربية عبارة عن كائنات كلها عبارة عن سواد و بيتكلموا بلغة مش مفهومة بيقولوها بنفس نبرة الصوت و الترتيب بس انا مش فاهم الكلام رجعت بنظري للسواق ملقتش حد سايق رجعت اشوف الركاب ملقتش حد في العربية و العربية ماشية بالسرعة القصوى و في طريق مش طريق الشغل اصلا ده طريق فاضي و فجأة ظهر المسخ في مقابل العربية و قلبها و أنا في العربية وفضلت تتقلب بيا مرة و اتنين و تلاتة لحد ما وقفت ... 

أنا من كتر اللي حصل اتصا.بت في دماغي قرب الكيان أو صاحب الظل الاسود مني و كسر مد أيده من شباك العربية وهي مقلوبة و مسكني من دماغي و طلعني من العربية كأن ماسك لعبة و فضل يع.صر في دماغي حرفيا لحد ما بقيت اصرخ و احاول اني أفلت منه .. فجأة سمعت صوت من بعيد بيقول يا استاذ يا استاذ لا إله إلا الله احنا ناقصين ملابيس ع الصبح قوم يا استاذ ، فتحت عيني و لقتني كل ده كنت نايم و السواق شافني بيحصلي تشن.جات و بصر.خ زي الاطفال حاول يصحيني و يهديني وكان فيه واحد في العربية شاف حالتي فضل يقرأ قرآن لحد ما صحيت انا اول ما قمت لقيت اني مبعدناش عن البيت كتير رجعت جري و طلعت العمارة و فضلت اخبط ع محمد بشكل هستيري .. فتحلي محمد و كان كويس جدا مفيهوش حاجة

مروان بذعر : انت كويس فيك حاجة 

محمد بتعجب : ايوا يامروان خد نفسك بس في ايه مالك 

مروان : امال ايه الريكورد اللي انت. بعته ع الواتس ده 

محمد : واتس واتس ايه انا مبعتش حاجة 

مروان بفتح الموبايل : اهو الريكورد اهو 

شغلت التسجيل الصوتي و طلع فعلا فاضي رد محمد و قال ..

محمد : ياعم ده ريكورد فاضي تلاقي ايدي ضغطت بالغلط عليه و أنا نائم تعالى بس اهدي و احكيلي ايه اللي حصل و أنا اعملنا حاجة نفطرها ولا انت متأخر ع الشغل ..

مروان : لا شغل ايه انا شكلي هاخد انهاردة اجازة 

محمد طب تعالي انا لسه قدامي ساعة ع ماانزل احكيلي فيها اللي مخليك في الحالة دي 

مروان برفع عيني عشان احكي لمحمد و اطمنه شفت تابلوه في الصالة عند محمد عينة بتتحرك و بتاخد شكل طفلة تبتسم ابتسامة الچوكر و عينها كلها سواد بس .. 

قولتله ..

مروان : ها لا لا انا هسيبك انا شكلي تعبان شويه هحاول ارتاح انهاردة ولا انزل اتمشى ع الكورنيش اشم شوية هوا 

محمد : طب استنى انزل معاك 

مروان : لا لا أنا هبقى كويس مش انت تمام 

محمد : انا زي الفل انت اللي حالك مش عاجبني 

مروان لا متقلقش عليا ..

نزلت و قررت اني أتأخر شوية ع الشغل بس هاخدها مشي شوية انا مش مآمت اركب اي حاجة بعد اللي شوفته ده 

بس لاحظت من اول ما نزلت تاني من العمارة و أنا في راجل ماشي ورايا حرفيا لدرجة اني مشيت من شوارع مختلفة لا ده ماشي ورايا فعلا ... و بعدين بقى في اليوم اللي مش طالعله نهار ده وقفت مرة واحدة قولت اشوفه ماشي ورايا ليه الراجل اختفى حرفيا مش موجود ...

جاتلي مكالمة ع الموبايل من رقم غريب قولت اكيد حد من الشغل برد لقيت حد بيقول انت خلاص بقيت ملكنا استعد بينك و بين المو.ت لحظات عندك اي امنيات ...

للكاتبة نورهان أحمد فتحي 

#شقة_العجمي

#للكاتبة_نورهان_احمد_فتحي 

#الجزء_الاخير 

رجعت البيت و أنا ماشي أتلفت يمين و شمال بدات اشك إن في حد قاصد يعمل فيا كدة أو ماشي ورايا بعد ما رجعت البيت و اخدت إجازة من الشغل و محستش باي حاجة بعدها صحيت ع صوت بيقولي انت فعلا كلمت ماما فتحت عيني لقيت بنت صغيرة لم يتجاوز سنها الخمس سنين اتخضيت و قولتلها انتي مين ردت قالت بصوت حزين انت كلمت ماما ؟ ...

قولتلها اه كلمت ماما بس موبايلها مقفول .. انتي طلعتي هنا ازاي ؟

من هنا و شاورت ع الحيطة ...

بصيت للجدار قولتلها من هنا ازاي ..برجعلها بالنظر لقيتها مرعوبة و بتبكي بقولها مالك متخافيش قوليلي بس طلعتي ازاي هنا ...

قالتلي وهي كلها رعب انا مش خايفة منك .. انا خائفة منه هو .. 

قولتلها مين هو .. شاورت ع حد واقف ورايا و بلف اشوف منه و أنا حاسس ان رجلي اتشلت مكان لقيت كيان اسود طويل عينة مكانها جمرتين مسك رفعني بإيده و كأني دخلت نار جسمي كان بيحرقني لدرجة اني كنت بصر.خ بأعلى صوتي و شاور للبنت و أنا مش قادر احرك غير عيني شوفتها كأنها بتت.خنق و اترفعت عن الأرض و اتخبط فالجدار وقعت قدامه في ثبات دون حركة ..

أنا حاولت اساعدها بس مكنتش قادر احرك غير عيني فجأه حتى صوتي مبقاش طالع قربني ليه و قالي انت مين ... انت ازاي قدرت تسمع و تشوف اللي الكلام ده انت نهايتك نهاية كل اللي شاهد ع اللي حصل انت نهايتك المو.وووت ... بدأت أقرأ ما تيسر من سورة الصافات و آية الكرسي حاولت لحد مبدأ صوتي يطلع و الكيان اختفى بمجرد ما صوتي طلع بالقرآن و بقى بيطوف حواليا ويقولي انت فكرك هتهد.دني انت مفكر أن كدة بتحميل نفسك انا كنت بردد الايات و أنا حرفيا بزحف ع الارض عشان اوصل للبنت اشوفها عايشة و لا لا و للاسف كانت ماتت حسيت اني ضعيف و بدأت بالبكى ايوا انا مش قادر اعمل حاجة ولا فاهم ايه اللي بيجرالي سمعت صوت الولد بيبكي و بيقول نفس الكلام ارجعيلنا ياماما و هنسكع الكلام الصوت من قريب مش باين أنه من المنور ... الصوت .. الصوت جاي من الجدار .. ايوا من الجدار ده ...

حاولت انزل من الشقة الباب مش بيفتح اتصلت ع البواب مبيردش طلعت من شباك المنور اني ع الناس محدش بيرد ...

لقيت الكيان الاسود جه من ورايا و قالي دي نهايتك و حدفني من شباك المنور ...

الدنيا ضلمت مبقتش سامع حاجة و لا شايف حاجة لحد ما فجأة اتك.سر عليا باب الشقة البواب شاف دخان طالع من البيت و الجيران سمعوا صوت التكسير فبلغوا الشر.طة ..

و لأن مستحيل حد يصدقني قررت اني اقول اني كنت سايب حاجة ع النار و راحت عليا نومة بعد ما الناس مشيت لقتني بطلب من البواب حاجة غريبة جدا وهي أنه ينزل يشوفلي صنايعية يهدو حيطة لقيت البواب وشه جاب الوان وسأل ليه و مش ليه ز.عقت فيه قولتله اعمل اللي بقوله و انت ساكت يالا .. 

فعلا البواب راح و جاب الناس و جه .. و كان شكله غريب قولتله ايه مالك فيك ايه انت عارف حاجة قالي ها عارف عن ايه يابيه بلاش تعمل ايه في دماغك قولتله و انتعرفت اللي في دماغي منين و شاورت فعلا للناس تدخل وقولتلهم طلبي البواب لقيته بيقول انا لازم انزل عشان العمارة لوحدها قولتله لا انت هتقعد لحد ما نعرف في ايه قالي ابوس ايدك يا بيه انا واخد عهد مقدرش و طلع يجري و طبعا عندي الناس مجرتش وراه و بعد الهدف جزء بسيط بدأ يظهر باب خشب و لقيت الناس بتقولي نكسر الباب كمان قولتلهم لا حاولوا تفتحوه بس قام واحد منهم حائط بالمطرقة ع مكان القفل  اتفتح الباب و طلع منه ريحة صعبه ... حاولوا يدخلوا إلا أن المكان كان ضلمة جدا لقيت الاتنين الصنايعية بصوا لبعض وقالولي الأوضة دي شكلها اللهم احفظنا يا استاذ احنا كل ما ندخلها كأن في باب غير الباب اللي احنا شايفينه احنا كفاية علينا كدة و عاوزين حسابنا.. 

للكاتبة نورهان أحمد فتحي 

و بالفعل اديتهم حسابهم و مشيوا و فعلا حاولت ادخل الأوضة و أنا مرعوبة و مستغرب ازاي انا عايش هنا طول الفترةدي و عمري ماعرفت حاجة عن الغرفة دي طلعت عشان اجيب اي حاجة انور بيها الأوضة ظهرلي الكيان و حاول يخنقني لكني بدأت في ذكر الله و ايات من القرآن ففضل يبعد يبعد لحدلما اختفى وجبت كشاف و دخلت الغرفة كانت صغيرة جدا  لقيت دائرة مرسومة ع الأرض و نجمة كبيرة ع الحيطة و كان فيه جنازير و اقفال كتير في الأوضة بس الغريب أن الدايرة كان مكانها كأن في رسمة لشخص او ظله مصل.وب ع الأرض داخل الدايرة .. 

و فيه تراب متكوم ع الأرض في جانب الأوضة النور كان حسب الاتجاه فأنا شوفت ورق ع الجدران متعلق عليه طلا.سم حاولت اقرب اشوف الكلام المكتوب حسيت اني ده.ست حاجة تحت رجلي و فجأه ظهر نور شد.يد في الغرفة و فيه اربع اشخاص واضح انها ام و ابنها و بنتها و زوجها المشهد ك التالي الولد نايم داخل الدائرة ... و ابوه واقف بيقرا من كتاب تعو.يذة و بيرش عليه سا.ئل احمر .. دخلت الام فجأة عليهم و لقته رابط البنت ايد و رجل و مقعدها في جنب في الأوضة و الام دخلت صر.خت عليه واتخانقت معاه فجأة عينه لونها اتغير بقت كلها سو.دا و حاول يخن.قها أنها د.نست الطقوس و فيه كلم كتير انا مش فاهمه ولا سامعة كويس لكن سمعتها بتقول خدني قر.بات مكانه و فكت الولد فعلا و البنت و قالتلهم يهربوا فعلا الاولاد طلعوا برا الأوضة و قفلت عليها هيا و الراجل الباب و بدأ الراجل يربطها مكان ابنها و يعمل نفس الطقوس لكن ظهر شيطان .. شيطان اسمه إجراز قاله قاله انت طماع و اخلي.ت بالعهد مرتين انت السبب في اللي هيحصل نهايتك انهاردة ع ايدي الراجل اللي واقف حاول يتكلم معاه أنه هي مض.حية وعا.وزة تبقى القر.بان مكان ابنها بصلها وقال لها ماطلبت و حر.قها حية انا بشوف المنظر و حاسس اني قلبي هيقف و أنا واقف بتفرج كأني معاهم و كأني في الحلم مليش سلطة ع تغيير شئ سمعت صوت الاولاد بيخبطوا و بيقولوا الكلام اللي كنت بسمعه كل ليلة اطلعي ياماما تعالي هنسمع الكلام مش هنزعلك تاني و هنعملك كلي اللي انتي عايزاه طلع أن الاطفال كانوا سامعين صوت امهم وواقفين بره و ماهربوش للاسف انا حاولت اتحرك اهربهم معرفتش فجأة الشي.طان اللي ظهر وقف قدام الدجال و قاله لو عاوز الدهب و السلطة ..

كمل العهد ... و عدى من خلال جسد الشخص أو الراجل اللي واقف لكن مطلعش فضل جواهر سيطر عليه فتح الباب ودخل الاطفال شافه رماد امهم اللي النا.ر كلها في ثانية ...

الاطفال بقو.ا يصر.خو و يجروا في الأوضة عاوزين والدتهم مش لقينها قفل الباب عليهم و ربط الولد و البنت كان مكتفهم كأنهم فر.اخ حرفيا و عمل الطقوس تاني ع الولد و البنت الولد بدأ يعمل حركات غريبة كأنها تشن.جات و البنت نامت من كتر البكى الولد فجأه اختفى و البنت بعده بشوية ... وبعدها ظهر نور شديد في الغرفة و رجعت تاني للأرض الواقع بعد ما شفت مآ.ساه .. قعدت شوية ع ما قدرت افو.ق من الصد.مة لكن لقيتني فجأة بقوم اجيب مكنسة و بجمع التراب و كل الحاجة اللي في الغرفة في علب و صناديق كانت في نفس الغرفة و طلعت و قفلت الباب ونزلت و من الحاجات اللي كانت غريبة اني شوفت أثناء ماكنت في الغرفة ولد واقف و جايب حاجة في أيده بره الشقة ...

مع الوقت اكتشفت أنه البواب وحكالي بعد كدة اللي حصل بس قبلها اخدت الرماد و رحت المقا.بر الخاصة بالعاىلة و مكنتش عارف اعمل بالرماد ايه هناك جيت عند شجرة و حطيت عندها كل الرماد .. و اخدت كل اللي كان في الغرفة الباقي و رحت للبواب قولتله الحاجات دي هتخلص منها و ترجع تحكيلي كل اللي انت تعرفه ..قالي يابيه مق.. قبل ما يكمل قولتله ولا بيه ولا ز.فت انت هتحكي يعني هتحكي ... 

طلعت القصة ايه بقى .. 

إن من زمان قبل ما اعيش في الشقة دي كان فيه موظف في البنت عايش فيها هو زوجته كان معاه منها ولد و بنت الزوجه عرف بعد فترة من جواز مراته أنها عندها بيت ملك في منطقة ما مش هنقول اسمها قديم شويه البيت ده تحتيه كنز و دهب من سنين السنين وهما في العيلة عندها بيورثوا البيت مش بيبعوه ولا بيهدوه ولا حتى بيحاولو يعرفوا ايه اللي حوله و ع حظها و قع البيت من قسمتها في الميراث الراجل راح البيت مرتين التالتة رجع جابه غير الحال لدرجة أنه من كتر المشاكل كانت بتسيبله البيت و تمشي لحد ما مرة كان هيمو.تها لكن هي مشيت بلا رجعة و بعدها بفترة لقيناه جاي و معاه الطفلين قولنا خلاص هما اتراضوا اصل انا كنت اكبر شويه من عياله و كنت بلعب معاهم و كنت دائما اسمع ابويا يقولي دول ابوهم ملبوس اللهم احفظنا ملكش دعوة بيهم لحد ما اليوم المشئ.وم جه و اخد الاطفال و طلع فوق و الست مراته جت بعد  ساعة من وصوله و كانت بتجري ع البيت و أنا كنت صغير و كنت بحبها طلعت و ووقفت و حكالي اللي حصل و أنه كان واقف مع الاطفال برة لكن لما سمع صوت فتح الباب خاف و جري ينادي ع أبوه لما سمع الصر.اخ و ع مجال ابوه من اول الشارع رجع مبقاش الاوضة فاضية و مفيش حد حتى باب الأوضة اتقفل محدش كان عارف يفتحه انا استغربت انك فتحته ...

لما سألته مقولتليش ليه ع اللي حصل قبل كدة رد أنه ياباشا ده بيحصل من يوم الحادثة كل سنه في نفس الايام و أما بسمعهم و بفتكر و بحزن كأنه امبارح لكن الغريبة انك اول مرة تسمعهم انا فكرتك بتسمعهم بس اتعودت ... 

فكرت شويه و اكتشفت أني كل سنة مبقاش في المعاد ده في الشقة ببقى عند خالي لانه بينزل من السفر و نقعد في بيتنا في البلد و لأن خالي مات السنة دي أنا فضلت هنا مرحتش في مكان تاني ..

و اخد الحاجة البواب و أنا فضلت أقوله منك لله لو كنت حكيتلي من الاول مكنش كله حصل .. رد و قالي واخد عهد سبب أبيه مقدرش اقول انا معرفش ايه اللي هيحصلي بعد انهاردة ... واياك تعرف حد باللي قولتله لأن صاحب العمارة مع.دوم الضمير هو اللي بنى جدار ع الأوضة دي من زمان و قالنا محدش يجيب سيرة إن كان في اوضة هنا و انتهى الموضوع من وقتها انا مش عارف ايه اللي خلاهم يظهرلوك بس ... اثناء ما بنتكلم ظهر قدامي الراجل اللي كان ماشي ورايا الصبح وقالي لو سمحت يا استاذ ممكن كلمة ع انفراد .. و اتكلم معايا وقالي اني اللي حصلي الصبح ناتج عن مس وإنه ممكن يساعدني و يقريني حكيتله اللي حصل في البيت قالي أنه بكرا هيجيب ثلاثة من الشيوخ زمايله و يجوا يقروا في الشقة ...

للكاتبة نورهان احمد فتحي 

اتصلت انا بواحد صاحبي قولتله الشقة عندي تضر.ب تقلب و مش مرتاح اني ابات لوحدي ياتجيلي يا اجيلك و رحتله ونمت عنده الليلة دي و حلمت بالست اللي شو.فتها بت.ت.حر.ق حية ام الاطفال جاتلي و ادتني مفتاح في أيدي و قالتلي 

شكرا انك أنقذت اللي باقي مننا و حررت روحنا من إجراااز و مسكت ع ايدي بالمفتاح وضغطت و قالتلي دلوقتي البيت بقى ملكك و المشوار طويل اجمد يا بطل و ابراهيم هيساعدك كتير ..

سألتها المفتاح ده .. مفتاح ايه .. ردت وقالت ده ميراثك مفتاح بيتك بقى ملكك ..

بس انا مش فاكر إن ليا ميراث ردت و قالت لا .. ليك .. حاليا انت الوريث الوحيد .. انت صاحب العين الاخير .. انت الوحيد اللي تقدر تنهي اللع.نة ... 

أنا مش فاهم حاجة لقيت البنت الصغيرة جدا و قالتلي شكرا و حضنتني و قالتلي تيجي نلعب لعبة انا هستخبى و مش هظهر غير لما تقول كلمة السر .. 

قولتلها كلمة السر ايه قربت من ودني و قالت صوووص تووووك إجراااااز ....

صحيت فجأة من النوم و الغريبة اني لقيت في فعلا مفتاح شكله غريب في أيدي و البواب بيرن عليا بيقولي إن في واحد اسمه الاستاذ ابراهيم بيسال عليك و عاوزك حالا ...

نزلت بسرعة رحت لقيت الاستاذ ابراهيم هو هو الشاب اللي معاه زمايله و جايين يرقو البيت و يرقونيزو فعلا طلعوا و خلصوا كل حاجة و كمان اتصلوا بأربع شباب جولي و بنوا الجدار و رجعوا كل حاجة زي ماكانت واكتر و بقينا اصدقاء الغريبة إني لما سألت ابراهيم عن الست أو المفتاح قال إنه ميعرفش حاجة عن اللي بحكيه و إنه يمكن يكون حلم و المفتاح ده فعلا ليا و أنا اللي مش فاكر هو يخص ايه او اني اخدته من الأوضة و أنا مش فاكر و انتهت كل الأحداث الغريبة في الوقت ده لكن بعد ٦ شهور لما دخلت الشقة حسيت بحركة غريبة .. 

بدأت اذكر الله و اشوف ليكون في حر.امي ولا يمكن قطة الحركة مش كبيرة لكن سمعت صوت ضحكة بنت صغيرة .. اااه أعدنا من جديد ولا ايه و شوفتها طلعت تجري قدامي جريت وراها قولتلها انتي مين ودخلتي هنا ازاي ... مردتش و فضلت اشوفها طول اليوم في الشقة كأن حد مستخبي و بيراقبك و سمعت صوت بيقول ايه ده انت نسيت اللعبة ولا ايه قولت لعبة ايه احنا مش كنا خلصنا منكم فجأة النور قطع و سمعت صوت حد بيوشوشني و بيقول صووووص تووووك إجراااااز ...

      ★★★★★النهاية ★★★★★

#الكاتبة_نورهان_احمد_فتحي 

#شقة_العجمي

#رعب