الغريب

#حدث_بالفعل

البيت اللي قدامنا كان كل يوم بعد العشاء بشوف حد بيمشي ع السطح و بيدخل اوضة في السطح أنا بالعادة مبركزش مع الناس أو التفاصيل لكن في يوم بدأت اركز لأن اليوم ده كان السطح والشارع فيهم نور خافت شوية و شوفت الشخص ده جاب حاجة من الأرض ع السطح و دخل الاوضة بنفس الطريقة اللي شوفته دخل بيها فقررت اركز معاه وقررت أن تاني يوم هقف من بعد العشاء و ع ميم الراجل ده وهحاول انادي عليه لما وقفت تاني يوم اخدت بالي أن في شباك في الاوضة و فعلا جه الشخص و اخد حاجة من ع الأرض و دخل الاوضة بس الغريب أنه معداش ناحية الشباك فاستغربت أن الاوضة شكلها صغير اوي يعني اللي هيدخل الاوضة اكيد هيعدي من ناحية الشباك فحاولت انادي اعمل صوت اي حاجة بحيث أن اللي في الاوضة يخرج  وتحديدا لأن اللي بيعدي بيبقى عبارة عن ضل اسود اوي فمكنتش قادر احدد ملامح الشخص .. 

لكن مفيش حاجة حصلت فقررت اسال ع البيت ده مين ساكن فيه جديد لاني عمري ما شوفت حد عايش فيه ..

بس الكل اجمع إن البيت ده كان مخزن بمصنع ومحدش بيبقى قاعد فيه لانه البيت ممكن يقع في اي لحظة و أن الجيران دائما ع تواصل مع أصحاب البيت و الكل اجمع إن اكيد بيتهاىئلي و أنا بصراحة قولت شكلي بشوف عفريت ولا فعلا بيتهايئلي و كبرت دماغي لحد ما بعد اسبوع كان ساعة المغرب و كنت لسة راجع من الشغل لقيت جارنا اللي جانبنا بيكلم حد و الصوت عالي اوي من البلكونة و بيقولوا انا متاكد انا و المدام شوفنا حد منبطح و بيمشي ع سور البيت كأنه مش عاوز حد يشوفه انا بقولك أنه حرامي و شكله دخل استخبي جوا ..

فطلعت البلكونه لقيت في شخص اطول من اللي بشوفه بشكل ملحوظ واقف وبيقولهم احنا فتشنا في البيت كله ملقناش حد ولا حاجة حتى اتسرقت .. 

فتدخلت في الكلام و قولت ايوا انا كمان شوفت حد بيدخل الاوضة دي اكتر من مرة و فكرت أنه حد ساكن ع السطح و هنا كانت الصدمة ..

يتبع ..

#الكاتبة_نورهان_احمد_فتحي

#الغريب

#احداث_حقيقية

الصدمة هي إني شوفت أثناء كلامي مع صاحب البيت إن فيه شخص جه من وراه و ضربه بســكيــن .. فنا بقوله حاسب حاسب ... لكن الرجال واقف امامي سليم مفيهوش اي حاجة و لف ملقاش حد وراه لقيته بصلي بسخرية و قالي حضرتك منمتش كويس ولا ايه مفيش حاجة احاسب من ايه و طلع ده كان مشهد بس انا اللي شوفته في خيالي تقريبا بدأت اعتذر فعلا للراجل ..

و رد و قال : ع العموم يا جماعة عشان نطمن انا هسيب اتنين أو تلاتة من العمال اللي معانا يقعدوا هنا انهاردة و بكرا جائز يبقى فيه فعلا حد هنا بيجي يبات و احنا مش عارفين و مشي ...

في اليوم ده انا كنت براقب الساعة في انتظار المعاد اللي بعد اللي بيظهر فيه الشخص اللي بشوفه بعد العشاء و بالفعل صليت العشا و عملت كوباية شاي طلعت وقفت في البلكونة و بدأت اتابع الحركة ع السطح و كان فعلا فيه اتنين ع السطح رايحين جايين الغريبة إن في المعاد ظهر الشخص مشي زي كل يوم و عدى من جنب واحد من الاتنين العمال اللي واقفين و فجأة أثناء مروره كأن الزمن وقف في اللحظة دي العامل اللي واقف جنب الظل متحركش و لكن اللي اتحرك و غير المسار هو أن الظل أو الشخص اللي بشوفه كل يوم اتحرك و رجع تاني مشي عكس الاتجاه و سمعت صرخة واحدة صرخة عالية لدرجة اني وضعت ايدي ع ودني عشان مسمعش الصوت و شوفت كأن الظل بقى اتنين و بعد كدة اختفى كل ده و لقيت العامل بيناديني و بيقولي .. 

يا استاذ .. يا استاذ خير .. يا استاذ في حاجة ولا ايه ..

بصيتله بتعجب  و استغربت إن هو اللي بيسألني  ..

رديت عليه : انت اللي بتسالني انا انت مشوفتش اللي كان معدي من جنبك ع السطح ..

رد العامل و قال : لا حضرتك اللي شكلك تعبان شوية .. انت بقالك عشر دقائق واقف متخشب و بتبرق كأنك شوفت شيطان و حاطت ايدك ع ودنك و بتعمل حركات غريبة ... 

قولتله : انا .. 

رد و قال : ايوا حضرتك عمال تعمل حركات غريبة من ساعة ما وقفت .. 

اعتذرتلهم و دخلت البلكونة و بدات اشك في قواي العقلية و اصدق أنه فعلا بتخيل و قررت اليوم ده اني اشيل الموضوع ده مش دماغي و دخلت نمت شوفت حلم اغرب من الخيال 

يتبع في نفس البوست بعد منتصف الليل 

 

#حدث_بالفعل

#الغريب

#الكاتبة_نورهان_احمد_فتحي

#حدث_بالفعل

الجزء الاخير من قصة الغريب 

شوفت إن فيه حد فعلا ع السطح المقابل نفس الشخص أو الظل بنفس الماشية بس المرة دي منزلش يجيب حاجة من الأرض الشخص أو الظل ده لف ليا بصلي و أنا كنت واقف في البلكونه زي عادتي و ف لحظة كأنه طار من مكانه دخل في جسمي .. و شوفت بعدها كيان ضخم بيتحرك بسرعة كبيرة مش بس ع السطح المقابل ليا لا ده كان ع كل الأسطح حوالينا و فجأة جري بردو في اتجاهي و كان معاه عصاية شبه عصـاية الواس و غرزها في اتجاه قلبي انا صحيت من الخضة الحلم كان كأنه حقيقي اول ما فتحت عيني و بدأت اركز لاحظت إن فيه حد قاعد في اخر السرير و فجأة الشخص ده قام و لاحظت انها بنت قولتلها انتي مين و دخلتي هنا ازاي ؟

قالتلي عاوز تفهم ايه اللي بيحصلك .. و مدت ايديها ليا و قالتلي تعالى معايا ...

بالفعل قمت و رحت معاها طلعتني من البلكونة و قالتلي بص هناك كدة ..

رديت و قولتلها انتي كمان بتشوفي الظل اللي هنا ده طلع جن و.... قاطعتني و هي بتشاور ع البيت المقابل لينا و

 قالتلي : ششششششش ركز و انت هتشوف الحقيقة .. 

فعلا رجعت بنظري للسطح لقيتها شاورت ع الدور اللي تحته و كأني بتفرج ع فيلم في السينما انا حضره شوفت زوج و زوجة و معاهم طفل بياكلوا ع السفرة و باين عليهم السعادة و بعدها مشهد تاني بثلاث  أشخاص وقفين تحت البيت بيتكلموا و بيتفقوا ع أمر ما و بعدها بيظهر المشهد الثالث و بيتضح فيه أن الشباب اللي كانو بيتفقوا ع أمر بيطلعو اخوات الراجل اللي في أول مشهد و بسمعهم بيتكلموا أنهم عاوزين يهدوا البيت ويبيعو الارض و كل  واحد ياخد حقه واخوهم اللي عايش في البيت مش راضي لانه عايش فيه لأنها اخر حاجة باقيه من والدهم بعدها بيظهر مشهد لثلاث اخوات و هما خاطفين ابن اخوهم الرابع الولد صغير جدا و اخدوه مخزن فيه اخشاب و حديد حاجة كدة  و أثناء ما الولد كان بيتكلم مع عمه و بيهزر معاه مفكرهم عاملين مقلب في والده واحد من عمامه التأنين مكنش طايق شقاوة الولد فدفع الولد جامدة  لدرجة إن الولد وقع من ع الكرسي اللي كان واقف عليه و بيتنطط نزل ع دماغة اتخبـط في حجرة في الأرض سا.ح في د.مه و ما.ت في نفس اللحظة الغريبة إن المشهد الكل كان متأثر و بيبكوا و مش عارفين يعملوا في حثـة الولد ايه ماعدا الراجل اللي قــتلــه كأنه كان قاصد بعدها بيظهر مشهد في قسم الشـرطة و ابو الولد بيتخانق مع ظابط عشان مش قادرين يلاقوا ابنه لدرجة إنه من شدة الانفــعال وقع ميــت .. و اثناء مراسم الدفـن فتح التُربي المقـبرة فجأة الناس كلها بتحط ايديها ع وشها .. طلعوا إنهم اكتشفوا جــثـة لسه جديدة بالداخل في مرحلة التحليل و في نفس اللحظة  حاولت الزوجة تكلم حد من اخواته لأنها مكنتش بلغتهم و لكن أثناء ما بتتكلم قال التُربي أنها جثــة طفل .. الزوجة من الصدمة و إنه ممكن يكون ابنها محستش بحاجة غير و هي نازلة المقـبرة و الكل بيحذرها لكن هي مسمعتش لحد .. 

نزلت و فعلا قدرت تتعرف عليه و فقلت تصـــرخ و تبكي بداخل المقـــبرة فحاول التُربي و الناس اللي معاه يخرجوها وبلغ ا الشرطة و الست و التُربي اتهموا عمام الولد و التُربي التاني اللي ماسك معاه حراسة التُرب دي مع التحريات و البحث قدروا يقبضوا ع عمامه .. 

لكن شوفت مشهد تاني مختلف للست نفسها بتكلم نفسها و لكن في كيان شيطــاني ليه قرنين و يشبه الشكل الأقرب للبافومــيت واقف وراها و شكله غضبـــان جدا بعد كدة بيظهر مشهد للست و عي بتـقـص شعرها بشكل جنــوني .. بعدها بيظهر مشهد و هي نائمة و فجأه جـسمها كله بيظهر عليه جــروح شديدة لدرجة أن الهـدوم اللي لبـساها بتــتقطع

و بعدها بيظهر المشهد الاخير و هو أن الست دي بيظهرلها الكيـان الشيطــاني بالفعل و أثناء جريها و هروبها منه بتقع من البلكونة ... البلكونة دي بتقع من البلكونة اللي انا واقف فيها .. يعني ايه امال مين الظل اللي هناك ده .. الظل ده .. الظل ده انا .. شوفت كأني برجع فلاش باك و رجعت للحظة اللي الظل جري و دخل فيا و اكتشفت أنه لحظة هـجو.م الكــيان بالوا.س عليا ده مكنش هجو.م عليا و لكن ده كان ع الظل .. و صحيت بعدها من حلم تاني و اكتشفت اني كنت بحلم حلمين في بعض أول ما صحيت و بدأت افوق قررت اني مسبش حد في المنطقة الا لما أسأل عن البيت و اللي حصل فيه لحد ما لقيت حارس عقار حوالينا كبير سألته ع الجـريمة و البيت المسكـون اللي في الشارع و حكالي إن كان فيه عائلة هنا جميلة و مترابطةخل الشيطــان بينهم خلا الاخوات يقطـعوا بعض لحد ما واحد قــتــل ابن واحد لانه كان شايف أنه اخد كل حاجة في حياته و التاني لا و راح ضحيتها كل العيلة لانهم اتسـجنوا كلهم و لكن الست اللي في المكان اتجننـت بعد موت جوزها و طول الوقت كانت بتقول كلام غريب و و عفاريت و المواضيع دي لحد ما اتفاجئنا بيها يابني رامـية نفـسها من شقتها لكن القصة دي مش قصة البيت اللي قدامكم دي قصة العمارة اللي انت ساكن فيها ..

فأنا اتصدمت قولتله اللي انا ساكن فيها 

قالي اه انت العمارة الي انت ساكن فيها دي اتهدت و اتبنت يجي اربع أو خمس مرات و كل ما تتبنى يحصل فيها يجي ٩ جرائــم قــــتل يا نفس العدد ينتـــحر .. قولتله ومحدش قال الكلام ده قبل كدة ليه و ازاي محدش فينا كملاك يعرف .. 

رد و قالي الراجل الاخير اللي بنى عمارة قال إنه جاب شيوخ و قاله أن مفيش حاجة في الارض و أن كل دي اشاعات و رش ع بوابين المنطقة رشة محترمة عشان محدش يجيب سيرة و سكان المنطقة كدة كدة بيخافوا يتكلموا عن المكان ليحصلهم اللي حصل للي فيها و قطــع كلامنا حد من العمارة ندى ع البواب اخدت بعضي و مشيت و رحت شغلي و رجعت قابلت جاري اللي كان شاف هو مراته حد ع السور و بعد السلام لاحظت أنه متوتر و شكله مش نايم كويس سألته مالك شكلك مرهق .. 

رد و قالي انا مباشوفش النوم انا المــتى و العفــاريت بيــطاردوني في احلامي .. 

سألته ليه بتقول كدة انت كمان شوفـت ميتين لقيته رد وقال لا شوفت جريــمتين قتل و الاسانسير عطل بينا و النور طفى و سمعت حد بيقول ... 

ودي قصة تانية إنما قصة الغريب خلصت انهاردة اتمنى ليكم قراءة ممتعة و متنساش تعمل لايك و متابعة و مشاركة عشان يصلك كل جديد 

****************   النهاية ***************

#حدث_بالفعل

#الغريب

#الكاتبة_نورهان_احمد_فتحي