كان عندنا بيت في قرية قديمة و بعيدة عن المدينة البيت ده زي بيوت زمان جميل و كبير و هادي بس احنا كنا بنروح كل سنة مرة أو مرتين أو في المناسبات انا اسمي شجن وقت ماحصلت الحكاية دي كان عمري ١٩ سنة الحقيقة أننا كنا بنرتاح في البيت ده جدا و دايما جدي كان يشرط أننا نجتمع دائما فيه في المناسبات و الاعياد لحد ما للاسف تو.فى جدي في البيت ده و كان أمر محزن علينا كلنا لأن جدي كان اكتر حد بيحب البيت ده و مهتم بحديقة البيت جدا و زارعها شجر فاكهة و بعد و فاته ب ٦ شهور كان كل واحدة رجع مدينته و شغله بس كنا بنحلم بأحلام غريبة و اوقات كو.ابيس و المشكلة إن محدش فينا كان بيحكي لتاني حاجة يعني مثلا والدي كان دائما يحلم بجدي إنه شكله غريب و بيجي في الحلم ليه فمه متخيط و أيده متكتفه و عينه كلها سواد... 
والدتي كانت ع طول مصابة بالجاثوم لدرجة أنها في مرة جالها و هي صاحية ودي كانت صدمة ليا يا نورهان لأنك قولتي أن أغلب الوقت ممكن يكون مش جن و أنها ممكن تكون اوهام من الارهاق الشديد و نادر لما يبقى جن بس في حالة والدتي أعتقد أنه جن لانها شافت قطة جت عند رجلها بين الصحو و النوم و اول ما انتبهت ليها اتحولت لست عجوزة وحاولت تخ.نق والدتي و لدرجة إن حالها تشنجات لما فوقناها قالت إنه كان كابوس و مرديتش تحكي عشان منخافش انا بقى كنت بحلم بحاجة تانية خالص كنت بحلم ببنت شكلها حلو اوي اوي ماشاء الله قمر و فجأة البنت بتعمل زي افلام الر.عب بتك.سر المراية و و تق.طع شعرها بيه عشوائي و بعدها جسمها بيتحرك بطريقة عشوائية كأن عضمها بيتكسر و بيتحرك بغير إرادتها لحد باب حديد و تتخبط فيه كأنها بتحاول تخرج غصب عنها و ايديها و رجليها في وضعية كأنهم مربطين ..
الموضوع كان شبه يومي معانا بنشوفه في احلامنا و محدش فينا كان يعرف التاني بيحلم بأيه و في يوم بالصدفة عمي كان جايلنا زيارة و أثناء ما كنا بنتكلم حكى أنه هو و أولاده و زوجته بيحصلهم حاجات غريبة و بدأو يسمعوا صراخ و ابن عمي الصغير بيشوف جدي بشكل مر.عب عندهم في البيت و زوجة عمي بتحلم بست عجوزة شكلها مرعب بتحاول تفتح باب بيتهم كل يوم إنما عمي كان بيحلم بإن في حر.يقة في بيت جدي اللي كان في القرية ..
صدمة غريبة نزلت علينا و بدأ كل واحد فينا يحكي اللي بيشوفه لكن اللي حصل بعد كدة كان أكبر من الاحلام كان عمرنا ما نتخيلوا ....
#سحر_بالاثارة
#الكاتبة_نورهان_احمد_فتحي
#الجزء_الثاني
قرر والد وعمي أننا نروح القرية ونقعد في بيت جدي فترة نعرف ايه اللي بيحصل لأن مش من الطبيعي أن كلنا تحصلنا كل الأحداث الغريبة دي بعد وفاه جدي ع طول لدرجة أن والدي و جدي شكوا إن يكون جدي عمل ذنب أو عليه او امانة لحد و مردهاش برغم إن جدي كان مقتدر جدا وعنده خير كتير لكن ده اللي جه في بالهم ...
و نزلنا القريةو الوضع أصبح من سيئ لأسوء الموضوع تطور معانا بشكل غريب
اول ما دخلنا البيت حسين كأن الخطوات تقيلة مش عارفة اجيبهالك ازاي لكن كأن البيت مش مرحب بينا كأن فيه حد عاوزنا نمشي المهم سمينا بالله و دخلنا البيت ...
حديقة البيت كانت مهمله جدا طبعا لان اللي كان مهتم بيها مات طرح الشجر كله واقع ع الأرض و متاكل من الطيور و الحيوانات أثناء دخولي البيت حسيت بحركة حواليا و برغم برودة الجو إلا أن في نفس دافي جدا كان ملامس خدي و كأن حد بينفخ عليا هوا سخن ...
استعذت بالله و بدأت انشغل انا و ماما و مرات عمي و اولادها في تنظيف البيت و الحديقة بس الغرفة اللي مات فيها جدي مكنش بابها راضي يفتح ابدا فقال عمي خلاص سيبوها مقفوله كدة كدة البيت كبير و مفيش حد هيبات فيها حتى لو اتنضفت ..
اليوم كان طويل و مقدرناش نخلص كل حاجة فيه لكن قولنا ننام لأن الليل حل و تاني يوم إن شاء الله نكمل و كانت تقريبا بداية اللع.نة ، البيت كان عبارة عن دورين زي اغلب البيوت الكبيرة بس البيوت القديمة تحت صالة كبيرة جدا و الدور اللي فوقها عدد كبير من الغرف حوالي تسعة و السطح كان فاضي جدي كان محاوطه بسور بس عشان لما حد يطلع يلعب ميقعش و كان فرشه ليالي رمضان و العزومات الكبيرة اللي كان بيجمع فيها أهالي البلد في بيته من وقت لتاني ....
لما الليل حل يانورهان بدات تحصل احداث غريبة الساعة اتنين بليل بالظبط بدأت اسمع صوت جري ناس كتير في اوضتي يعني مش رجل حد ولا اتنين لا كتير بنتي عمي نادية كان في الغرفة اللي جنبي قولت يمكن حد صحي بس ده احنا مش كتير لدرجة دي قولت انا هروح اشوفها صاحية ولا نايمة خبط عليها مرتين ما ردتش قولت يمكن نايمة فتحت الباب بهدوء ملقتهاش في سريرها قولت بس يبقى هي صحيت هي و اخواتها و طلعت فوق الرووف و قعدو مع بعض يهزرو و يجروا ...
طلعت من اوضتها و رجعت اوضتي و نمت سمعت صوت الباب بيخبط
شجن : مين
نادية : انا نادية
شجن : تعالي يانادية انا صاحي.
نادية : قومي افتحيلي انا مش عارفة ادخل
الكاتبة نورهان احمد فتحي
شجن : ليه الباب مفتوح
نادية : لا انا مش عارفة افتحه
انا اتخضيت و جريت ع الباب بفتحة فتح ع طول دخلت نادية و كان باين على وشهل تعبير الهلع و الخو.ف
شجن مالك يا نادية في حاجة حصلت شكلك خايف ...
نادية بزعر : انا مش عاوزة اقعد في البيت ده انا عاوزة اروح البيت ده في حاجة غلط بتحصل
شجن : في ايه قصدك ايه بالكلام ده
نادية : انا سمعت صوت ع الرووف فطلعت اشوف ايه الصوت ده لقيت حاجة شبه كور الشهر كدة في حجم الاقذام بتجري بشكل غريب و يتخانقوا و اول ما شافوني جريوا عليا مرة واحدة ووقعوني من ع السلم و أنا خائفة من ساعتها و مش عارفة اعمل ايه ...
مسكت ايديها حاولت اطمنها أيدها كانت خشنة ..خشنه جدا لدرجة صعبة لدرجة و ساقعة لدرجة اني حسيت اني مأساة سمكة في أيدي من ايد بنت عمي قولتلها متقلقيش انا جنبك اطمني لو حابة تنامي عندي في الأوضة أنهاردة نامي ...
لكن قطع كلامنا باب الأوضة كان بيخبط بسرعة و بشكل هستيري قالتلي متفتحيش ده اكيد هما ...
رديت و أنا الخوف بيجري في عروقي متقلقيش ممكن يكون اللي شوفته كان حلم بس مش اكتر و جريت فتحت الباب و أنا بسمي الله و بقرأ آيه الكرسي الصدمة لما فتحت الباب و لقيت ... لقيت نادية بنت عمي واقفة قدامي لونها مخطوف و شكلها مرعوب جدا و قالتلي الحقي يا شجن انا سمعت صوت ع السطح طلعت اشوف مين لقيت كيانات غريبة شبه الاقذام وقعوني من ع السلم نزلت اجري و أنا بصرخ و بنادي ع باباو....
أنا من الصدمة فضلت واقفة دقيقة مش عارفة اتكلم بحاول التفت اللي كانت قاعدة معايا ع السرير دي تبقى مين عشان المح كائن قاعد ع السرير بنفس الوصف بالظبط و بيبتسملي بشكل مرعب..
#الجزء_الثالث
#الكاتبة_نورهان_أحمد_فتحي
#الجزء_الثالث
#الكاتبة_نورهان_أحمد_فتحي
لقيت لنادية و صر.خت في وشها و طلعت اجري من الأوضة و هي بتجري ورايا و رايحين في اتجاة غرفة والدي نحاول نفتح الابواب مفيش باب بيفتح ولا حد بيرد علينا بدأنا نجري في كل مكان في البيت نحاول نلاقي تليفون نرن على اي حد ينجدنا احنا مش عارفين هما في البيت ولا لا لأن و لا باب بيفتح و أثناء ما احنا بنجري و قفنا فجأ بغير إرادتنا فجأ كأننا اتجمدنا و شوفنا ظل ناحية غرفة جدي اللي مات فيها دخل الأوضة كأنه اخترق الباب و بعدها بدقيقتين و احنا في حالة التجمد ووضع التيبس ده سمعنها نحنحه جدي و هو قايم بليل يبص علينا و يشرب ...
و عيني بس اللي بتتحرك شوفت جدي ... ايوا جدي اللي مات شوفتوا قدامي فتح باب الغرفة و دخل و قفل الباب مع قفلته للباب النور ق.ط.ع ...
لما النور قطع حسيت اني من الخوف اتجمدت في مكاني سمعت صوت باب غرفة جدي بيتفتح صر.خت و من صر.ختي صر.خت نية و من صوتنا صحي البيت كله و النور اول ما صحيوا رجع بس لما قاموا كانت الصدمة إن نادية كانت صاحية معاهم و شكلها بيقول أنها فعلا كانت نايمة و لما حطيت اللي حصل و إن نادية جاتلي وحكيت اللي قالته و البي حصل بعدها نادية استغربت جدا وقالت حاجة غريبة جدا قالت إنها مقامتش من النوم لكن حلمت بالناس اللي كانت ع السطح و أنها وقعت و أن فعلا حست بحاجة غريبة لأنها لما وقعت في الحلم حست انها في الحقيقة كانت مرفوعة عن السرير و اول ما وقعت في الحلم صحيت و حست انها كأنها اتهبدت ع السرير و لما قامت النور كان مقطوع و حاولت كتير تفتح الباب لكن مكنش بيفتح لحدا ما سمعت الصر.اخ و الباب فتح و النور جه و طلعت هي تجري من الغرفة ...
الكاتبة نورهان أحمد فتحي
لكن في حاجة كلنا شوفناها بعد ما هدينا و اهل البيت كله صحيوا و طمنونا و قالوا إن كل ده كان كا.بوس اكيد و اني ممكن اكون اتخضيت و كلام كتير مش مقنع بالمرة ، لقينا غرفة جدي النور فيها بيرعش و فجأة طفى مع صوت فر.قعة لمبة الغرفة كلنا اتخضينا لكن جدي و بابا فضلوا يقروا قرآن لحد اذان الفجر و مع اذان الفجر كل شئ هدي كأن محصلش حاجة و رجعنا نمنا تاني لأننا كنا مجهدين من شغل البيت طول اليوم ...
تاني يوم مر عادي والدي و عمي بدأو يسألوا اغلب أهالي القرية و الناس اللي حوالينا عن لو حد كان ليه أمانة أو دين كان على جدي لكن الكل قال إنه جدي خيره كان مغرقهم و إنه راجل محترم و أهل القرية كلها بيدعوله ، الموضوع كان غريب امال ايه الاحلام اللي بنحلمها دي و ليه اللي بيحصل ده لما عمي و والدي رجعولنا و بلغونا اللي حصل استغربنا جدا و بدأنا ندور في البيت ع ايه السبب اللي مخلينا كلنا يحصلنا احداث غريبة لدرجة إن عمي شك أننا مسحو.رين بدأنا ندور في البيت كله ع اي حاجة تدل ع وجودين أمانة أو حتى سحر ملقناش حاجة و قعدنا باقي اليوم نفتكر في جدي و اللي حصل و قد ايه هو كان مهتم بينا و بالبيت و كانت ليلة حزينة فعلا لكن الساعة ٢ بليل حصل نفس الجري ع السطح و أنا لما سمعت لكن متحركتش غطيت نفسي من اول لآخري و لكن للاسف لم تمر الليلة مرور الكرام الأوضة كانت بتدور بيا حرفيا و بدأت اسمع صوت صرا.خ بنت و عياطها و مش فاهمة الصوت جاي منين قفلت عيني اوي و مش عارفة انا نمت ولا فقدت الوعي لكن شوفت بنت جميلة اوي صهباء قاعدة في غرفة ايديها و رجليها مربوطة و في باب مقفول عليها من حديد هزيلة و ضعيفة و بتقولي انقذيني انتي الوحيدة اللي تقدر تنقذينا فسألتها في الحلم اساعدك ازاي انقذك من ايه لقيت كأن صوتها راح و هي بتتكلم لكن مفيش صوت خالص و بتبكي بصوت مكتوم قولتلها قولي اي حاجة اي
حاجة تخليني اساعدك فضلت تحاول تتكلم لكن مفيش فايدة و فجأ صرخت و قالت خليييييل و فقدت الوعي ....
#الجزء_الرابع
أنا صحيت ع صوت اذان الفجر صليت الفجر و بدل ما كل الناس بتسمع صوت الديك الصبح انا سمعت صوت الغراب الغريبة إن نادر جدا لما كنا نشوف غراب ناحية بيت جدي و حتى لو كان بيبقى موجود كان بيبقى ناحية الحديقة مش ناحية الغرف ابدا صوت الغراب قرب اوي لدرجة أن جه وقف ع شباكي و بدأ ينقر انا استغربت و استعذت بالله من الشيطان الرچيم لأني مش بحب صوت الغراب ابدا..
الكاتبة نورهان احمد فتحي
قعدت اقرا شوية في كتبي و العب ع الموبايل لحد ما كل البيت صحي نشاطاتنا في البيت كانت محدودة جدا و بدأنا نشعر بالملل فستأذنت من والدتي و زوجة عمي أننا ننزل نتمشى انا و بنت عمي في القرية شوية و محكتش لحد ع الحلم اللي حلمته و لكن اتكلمت ع موضوع الغراب و الكل كان حاسس ان في حاجة غريبة و لكن قاله يمكن عشان جدي لسه ميت قريب ، المهم نزلنا انا و بنت عمي نتمشى في القرية و جيبنا كمان بعض طلبات البيت لكن انا في بيت في القرية شكله قديم شوية لما شوفته حسيت إني عاوزة ادخله لكن بنت عمي شدتني من ايدي و قالتلي يلا نروح كفاية الأحداث الغريبة اللي بتحصلنا و بالفعل روحنا ...
لما رجعنا البيت كان عندنا ضيف عمي قال انه شيخ و جاي يقرأ في البيت و يحصنه لأن عمي كان متاكد أننا اتسحرنا و السبب في كل ده البيت ...
و الشيخ حصنهم و قرأ في البيت و قال إن البيت مفيش فيه حاجة و إن روح جدي متعلقة بينا بس مش اكتر و هتمشي و قرأ على كل الموجودين في البيت و جه عند نادية و قالها انتي محسودة حسد شديد اوي .. و حصنها .. جه عندي و قام باصصلي و مبتسم ابتسامة خبيثة و قالي انتي عارفة إن اسمك حلو اوي يا شجن انا اتخضيت هو عرف اسمي منين لكن عمي فضل يقول الله اكبر ... الله اكبر و كأن الشيخ اكتشف اختراع جديد مثلا فسألته عرفت اسمي منين قالي بنت عمك نادت عليكي بيه اول ما دخلتي فضحكت ع عمي و إن الشيخ مبرره منطقي ع الرغم من عدم سماعي لبنت عمي بتناديني و قال إن أنا المتض.رر الرئيسي في البيت و كل اللي بيحصل بسببي .. قال إني اتمسيت اول مرة. دخلت البيت و إن جدي كان عاملي حمايه و انتهت بمو.ته و بدأ يقرأ عليا كان بيقول بصوت عالي و قوي ايات من القرآن الصراحة و فجأة يوطي صوته جدا لدرجة اني مش سمعاه بيقول ايه و قال أنه لازم المرة الجاية اروحله البيت يرقيني هناك او في اي مكان بره لأن طول مانا في البيت ممكن ات.ضر اكتر من كدة أنا بصراحة مكنتش حاسة بحاجة غير تنميل و كانت بتجيبي صور كدة عن بيتنا و البنت في الحلم و بيت جدي و صورة الشيخ و صورة شاب وسيم واقف بعيد ، و خلاص قرر الشيخ أنه يمشي و لقيت عمي و هو بيوصله بيقوله مع السلامة مع الف سلامة يا شيخ خليل ... خليل ... مش ممكن ... معقوله .. ده خليل اللي البنت قالت اسمه في الحلم .. هو ده اللي هيساعدها
#سحر_بالاثارة
#الكاتبة_نورهان_احمد_فتحي
#الجزء_الخامس
معقولة .. فكرت انادي عليه و احكيله الحلم و بعد كدة فكرت شوية قولت هقوله ايه انا حلمت بواحده بتقول خليل ففكرته انت ..
و من بعد دخول الراجل ده البيت كله بقى مش بيشوف حاجة لكن انا و بنت عمي مكناش بنام من الرعب ...
انا كنت بشوف و أنا نائمة و صاحية مرة اشوف ظلال طويله بتمشي في البيت و مرة تانية اشوف جدي مش.نوق في صالة البيت الكبيرة نور الحمام ينور بليل و الحنفية تتفتح و و اسمع صوت جدي بينادي عليا اتجمد في مكاني لدرجة اني في يوم كنت بسرح شعري قدام المراية شوفت شعري و كأن حد بيرفعه كله لفوق و فجأه شدني من شعري حد.فني ع ازاز المراية حاجبي اتفتح .. اليوم ده قرر والدي أننا نمشي مهما حصل ...
أثناء كل اللي يشوفه بنتي عمي كانت طول الوقت سرحانة مش نايمة لكن هي مش صاحية .. مش سمعانا احنا كنا في الحال ده لمدة أسبوع تقريبا طول الاسبوع كانت ما بتكلش و لو كلت مابتقربش من الماية ابدا الا في أضيق الظروف كان لو اتكلمت تقول انها بتشوف كل يوم واحد واقف بعيد بيناديها و أن كل يوم المسافة بتقرب مش بس كدة موضوع أنها كانت بتترفع عن السرير وهي نايمة و تق.ع مرة واحدة عليه ده اتكرر ٣ مرات لدرجة أن من شدة الهبدة كنا بنسمعها في الغرف قعدنا ع الحال ده اسبوع و في اليوم اللي حصل فيه موضوع شعري ده نمت وحلمت حلم غريب ..
حلمت إن البنت الجميلة الصهباء بتضحك مع بنت تانية في بلكونه البيت القديم اللي شوفته في القرية فكراه يا نورهان !
و فجأة البنت الجميلة دي فجأة جه طائر شكله غريب تحسيه اسطوري اقرب ما يكون من الطاووس بس لونه احمر في أسو.د طار حوالينا البيت و نفخ في البيت و كان إعصار حا.رق ضر.ب البيت البنت الصهباء و.قعت في الأرض و بقت أعزكم الله تتق.يأ عشر و تراب و سائل لونه اسود وبدأت تقع في الأرض و اشوفها في الغرفة اللي بابها حديد ..
ثم المشهد يتبدل و يحصل نفس اللي حصل بس مع شاب وسيم كان قاعد بيذاكر و حصل نفس اللي حصل لكن الشاب مكنش في غرفة حديد الشاب بعد ما و.قع قام و ظهر جنبه كيان شبهه عينه أوسع لكن مجوفة شكله مرعب و بدأ يبتسم بخبث و جري عليا و مسكني من ر.قبتي ... و فضل يخ.نق فيا يخ.نق جامد لحد ما صحيت ع صوت والدي و هو بيقرأ قران عليا تحديدا ايه الكرسي و لما فقت قالي سمعناكي .. بتتكلمي بصوت أجش و بتقولي لازم تمو.تي لازم تمو.تي ..
ايه اللي حصل يا بنتي فقولت لوالدي ده كابوس ..
ردي عمي قال بكرا قبل ما تمشي هجيب الشيخ خليل يرقيها هي و بنتي و نسيب المكان ده و اللي حصل حصل طالما مش عليه دين ولا لحد حاجة عندنا خلاص نمشي ...
الكاتبة نورهان أحمد فتحي
#الجزء_السادس
تاني يوم لما جه جهزنا حاجتنا و كل حاجة و استعدينا أننا نمشي .. و أنا بلم حاجتي سمعت صوت الغراب تاني طلعت برا بيت لقيته واقف حسيت كأنه عاوز يوصلي حاجة الغراب مشي ع رجله خطوتين و طار ...
طار لحد شجرة في حديقة جدي شجرة معينة شكلها غريب و موقعها كمان غريب الشجرة دي اطول من باقي الشجر مش مطلعة اي ثمار انا نفسي مكنتش عارفة هي شجرة ايه شكلها قديم كأنها كانت موجودة قبل ما البيت يتبني و وقف الغراب عليها و بدأ ينعق بشكل شديد جدا ع الشجرة و كل ما امشي يطير فوقي و يروح للشجرة انا خفت بصراحة من الغراب دخلت البيت تاني ، بعد نص ساعة جه الشيخ خليل .. اول ما جه الشيخ ده بنت عمي عملت حاجة غريبة جدا كانت في غرفتها فوق معرفش عرفت ازاي إنه جه لقيتها نزلت تجري و اول ما شافته اترمت في حضنه و فضلت حضناه قدامنا كلنا و قالتله انت وحشتني اوي ..
احنا اتصدمنا صدمة غريبة عمي و والدي جريوا ع بنت عمي حاولوا يبعدو.ها عنه خاصة أنها كانت من غير الحجاب و عمي بدأ يزعق لدرجة أنه شد.ها.من شعرها لحد ما الشيخ قالهم اهدوا ... اهدوا .. دي مش بنتكم دي كمان اتمست في البيت .. الحقيقة عمل نفس المرة اللي فاتت بيقرأ عليها بالصوت العالي و منخفض الآيات ...
بنت عمي بعد ما كانت واقفة ركعت عند رجله و عملت حركة غريبة جدا حسيت كأنها مستسلمة في حاجة غريبة فقالهم للاسف البنت دي لازم تترقا بعيد عن البيت لكن مش هتقدروا تطلعوا بره القرية ...
رديت عليه انا وقتها قولتله وانت مين قالك أننا هنطلع بره القرية احنا قاعدين و انت مش هتدخل البيت ده تاني ...
بصلي بغضب و قالي ما تتحدنيش ياشجن .. و عمي يقولي عيب تتكلمي بالاسلوب ده و والدي يقول لاحول ولا قوة الا بالله و بدأ يتعصب ع الشيخ لأنه مش عاجبك الوضع ..
قومت بنت عمي من ع الأرض و اتخانقت معاهم قولتله احنا في ل.عنة من اول ما رجلك خطت البيت ده و بنت عمي كانت احسن من قبل ما تشوفك دي كأنها اتجنت اصلا انت شكلك مش شيخ وكل اللي بتعمله غريب ولولا اهلي و انك بتقرا ايات من كتاب الله كنت طر.دتك من اول مرة دخلت البيت ده عمي بدأ يص.رخ عليا إن ازاي اكلم الشيخ كدة والدي وقفله وقاله هي كدة انتهت احنا هنمشي يعني هنمشي ... و الشيخ خليل رد وقال أنا هسامحك ع اللي قولتيه عشان انتي متعرفيش حاجة ولا تعرفي انتي بتتكلمي مين كدة ... أنا همشي و لما تحتاجي ياحاج انت عارف انا فين ...
اول ما مشي بنت عمي وفقدت الوعي .. و بقت تصحى تص.رخ و تنام تاني و جبنالها دكتور قال لازم تاخد حقنه مهدئ و بالفعل اخدتها ..
طبعا بعد حالة بنت عمي مقدرناش نمشي و قعدنا ليلة كمان جدي كان ليه صاحب قديم من القرية و الفترة اللي مات فيها جدي صاحبه ده كان عند أولاده في فرنسا و رجع و لما سمع باللي حصل جه للبيت عشان يعزي و قعد اتكلم معانا و كان كأن جدي هو اللي قاعد معانا ضحكنا و اكلنا و أثناء ماكان بيحكي بنت عمي بصت فجأة للسقف و سرحت ..
الكاتبة نورهان احمد فتحي
لما صاحب جدي مجدي شاف اللي حصل ده عمل نفسه مش واخد باله و قالي هاتيلي يابنتي كوباية ماية ريقي نشف من الحكايات و فعلا جبتها و اخد الكوباية و قربها منه اوي و قال حاجة في الماية و سابها جنبه و أثناء ما بيتكلم و بيحكي حد.ف المائة يا بنتي عمي ...
بنت عمي شهقت كأنها كانت مي.ته و روحها رجعتلها و فضلت تص.رخ و تبكي .. و تقول انت حدفت عليا ايه حدفت عليا ايه .. انا حا.سة بنا...ر .. نا.ر و فعلا كانت بتتحرك و تت.شنج كأن اتحدف عليها مادة كا.وية مش مايه من الحنفية و أنا اللي جيباها بنفسي ، و فجأ لقيته بيقولي في حبل في الأوضة اللي تحت بير السلم قومي هاتيه قولتله ليه قالي قومي يلا بصوت عالي و أنا كأني مسح.ورة رحت جبته من المكان حتى من غير ما انور الغرفة كأني عارفة مكانه...
اخدها جدي و كان والدي في الحديق لسه قافل المكالمة لأنه كان بيمد إجازته من الشغل وداخل من برة قاله هات البنت و تعالى انت و ابوها بسرعة ..
و دخلوا الغرفة اللي في الصاله اللي تحت غرفة صغيرة كدة و شد جدو مجدي ملاية بيضة من اللي مفروشين ع الاثاث و غطى بيها بنت عمي و قرأ القرآن بصوت عالي بشكل جميل و تلاوة جميلة في حياتي ما سمعت زيها و لكن للاسف مكنتش عارفة اركز من صوت بنت عمي و صر.اخها وصوتها كان بيتغير مش صوت راجل زي ما بيقولوا لا دة كأن في حيوان بالمعنى الحرفي بيتكلم من جواها لحد ما بدأ النجف في البيت كله يتحرك و جدو مجدي يقرأ بصوت عالي و فجأه قال كل اللي في البيت يذكروا الله كل اللي في البيت يذكروا الله انا مش هقدر عليهم لوحدي بدأنا نذكر الله كلنا نقرأ قرآن و نسبح و نستغفر يعني كل واحد كان بيقول اللي يجي ع لسانة و اقسملكم إننا سمعنا صوت ناس غيرنا في البيت بيسبحوا و بيقولوا الشهادة و ايات معينة من القرآن و تحديدا سورة الصافات لدرجة إن أنا فقدت الوعي و قمت تاني و الاصوات دي بتتكلم احنا كلنا كنا مرعوبين معادا جدي مجدي صاحب جدو ..
#الجزء_الاخير
و بعدها بنت عمي هديت و صوتها رجع لطبيعته و نامت في هدوء و البيت نفسه كأنه كان في وش و سكت ..
بعد ما جدي خلص عرف اني فقدت الوعي أثناء ما كان في الغرفة لقيته سألني انتي اللي أغمى عليكي قولتله اه
قالي مش فاكرة شوفتي ايه في المنام ..
و كأن السؤال نور دماغي فكرني باللي حصل كله قولتله اه شوفت قالي شوفتي ايه.. رديت اللهم اجعله خير
شوفت بنت جميلة صهباء جميلة جدا يا جدو واقفة في البلكونة بتضحك مع بنت تانية البنت الصهباء دي اسمها ليلى ده الاسم اللي كانت بتناديها بيه صاحبتها في الحلم و بعد كدة شوفت طير اقرب لطاووس بس اكبر كأنه من الخيال بيطير حوالينا البيت و بينفخ ع البيت و بلكونه البنت وحكيت نفس الحلم اللي فات ..
قالي جدي و بعدين مش فاكرة حاجة تانية ...
قولتله لا فاكرة المرة دي بعد ما شوفت الكيان اللي شبه الشاب شوفت واحد تاني بيج.رح نفسه و بياخد من دمه بيكتب ع ورقة و صورة ليلى كلام غريب ورموز و ارقام و طبق الورقة كان في قفس مغطيه كان فيه مسك الغراب و حقنه الغراب متحركش بعدها و فتح فم الغراب حط فيه الورقة ور.بط منقاره بسلك معدني رفيع و لحم السلك المادة كانت سخنه جدا لدرجة أن الغراب اتحرك برغم أنه كان شبه مي.ت و لكن مكنش قادر يطير و رجع كتب ورقة تانية و ربطها في رجل الغراب و جاب جلد باين كأنه جلد حيوان و كتب عليه تاني نفس الكلام تقريبا و المرة دي حط صورة شاب بس مكنتش باينة ساعتها الغراب كان بدأ يفوق و فجأة الغراب قام طار في المكان وخبط في كل مكان لحد ما طلع من شباك
الراجل قام بعدها و لف الورقة بالصورة و قفلها بقفل و قعد قال زي تعويذة ظهر كيان طويل اسود إداله الجلد المكتوب عليه ومقفول بقفل ده ... و الكيان علقه ع الشجرة .. ايوا الشجرة اللي في بيتنا ...
أنا عارفة الشجرة دي يا جدو ..
قالى عارفة هي فين ..
قولتلوا ايوا عندنا الحديقة قالي قومي وريهاني طبعا احنا كلنا كنا ماشين وراه قولتله هي الشجرة الطويلة دي اللي قاعد عليها الغراب بس حصلت حاجة من الغراب كان صدمة بالسنة ليا لاني عمري ماتخيلت ده يحصل الغراب نزل عند جدو مجدي و قف قدامة و قعد يعمل صوت كأنه بيكلمه كأنه بيحكيله حاجة نزل جدو مجدي و مد أيده الغراب وقف عليها كأنه عصفورة .. طبطب عليه جدو وقالنا في سلم في البيت جوا في نفس الغرفة اللي فيها الحبل دخل يا صالح هاته( صالح والدي ) إن شاء الله نخلص من الكرب و الابتلاء ده انهاردة ..
الكاتبة نورهان أحمد فتحي
جاب والدي السلم و طلع جدو مجدي الشجرة مكنش شايف حاجة بس لقينا الغراب نقر في مكان ع الشجر اقسملك الورقة أو جلد الحيو.ان ده كان جوا الغصن نفسه الغراب كان ناقر في المكان اكتر من مرة جدو هز الغصن اكتر من مرة لحد ما كسره و شاف بالفعل الورقة اخدت الغصن و نزل لسة والدي بيمسك.منه الغصن قاله لأ و صر.خ في وشه و قاله ممنوع حد فيكم يلمسوا ده سحر اعوذ بالله من الشيطان الرجيم حسبي الله في نفوس البشر المؤ.ذية ..
اتصدم والدي قالو سحر.. سحر ازاي و حصل امتى ولمين قالو السحر ده ..مش ليكم انتم مض.رورين بسبب تاني
و الغراب واقف لجدي تاني ع الأرض و يبنعق جدي مد أيده تاني و اخد الغراب و لقيته بيقول للغراي انت حكايتك ايه ونيس حصلك ايه و أنا مش هنا لو قولتلكم أن الغراب كان ناقص يبكي مش هتصدقوا الغراب طار و بقى كل ما يطير شويه يرجع يبص ع جدو مجدي كأنه بيقولوا تعالى ورايا هتصدقوني لو قولتلكم أن انا و جدي و والدي سبناهم في البيت و مشينا و را الغراب حوالي نص ساعة لحد ما رحنا في ارض مهجورة و فاضية .. و لقينا الغراب نزل ع الأرض و فضل يحرك في رجله كأنه بيدور ع حاجة حسيت كأن لازم نحفر في المكان ده اول ما قربت من الغراب طار عليا كأنه مش عاوزني اجي انا لكن لما جدو مجدي حاول الغراب سابه حفر جدي شوية مش كتير لقينا ايه بقى ....
للكاتبة نورهان احمد فتحي
#الجزء_الاخير
لقينا غراب ميت و متدفون لسة متحللش لكن الريحة كانت صعبة جدا و الغراب الصالحي اللي جدو مجدي مسميه و نيس واقف بيبص لغراب الميت و كل ما جدو مجدي يحاول يطلعه العايش ينعق ، كأنه انسان بيبكي ع اخوه أو حد قريبه مات ..
لكن جدو مجدي كان حزين لانه الغراب اللي ميت انثى و جدو مجدي كان عارفها لأن الغرابين كانوا يعتبروا من طيور المزرعة و الحديقة عارفهم و كان مركبلهم اساور في رجولهم عشان يعرفهم .. كتم جدو مجدي بكمه نفسه و طلع الغراب و حاول يفك الشمع و فك الورق اللي في رجل الطير و الحمد لله طلع الورقة و شفنا صورة البنت و جدو قال لازم نعرف البنتي بنت مين ..
رجعنا البيت و منمناش كلنا لحد الفجر الغراب مرجعش ماشوفناهوش انا كل اللي فكراه أنه فضل يحرك في الغراب المي.ت لحد ما دخلها تاني الحفرة و حرك التراب لحد ماغطاها كأنه بيدفن بالظبط .. اخد جدو مجدي الأعمال ، و قال هو هيسال و يعرف هيفكها ازاي ..
أثناء الكلام حكيتله على الشيخ خليل و اللي عمله و اللي حصل ردي عليا و قالي مستحيل الشيخ خليل يعمل كدة اصلا الشيخ خليل مش بيروح البيت لحد ..
طبعا دي معلومة كانت جديدة علينا جدو مجدي كان جاي مليئ بالمفاجأات بقينا نسأل بعض ده جالنا هو اللي جانا لوحده و محدش فينا راحله حاجات غريبة بتحصل و احنا مش فاهمين حاجة المهم اننا قررنا أننا بعد العشاء ندور ع البنت و الشاب اللي في الصور قعدنا ندور في القرية حوالي ساعة متستغربوش القرية مش كبيرة و الكل عارف بعضه لحد ما وصلنا للبنت و الشاب و عرفنا الحكاية ...
لحد ما لقينا الست اللي كانت بتساعد في بيت اهل الشاب والبنت وحكت الحكاية
الحكاية هي إن كان في شاب وسيم في القرية كان طبيب و كانت ليه جارة معجبه بيه جدا حاولت أنها تقربله لكن مفيش فايدة الشاب خطب بنت و قعد معاها سنة و نص و محصلش نصيب رجعت جارته حاولت معاه تاني لكن مستجبش في البداية فراحت البنت و عملت سحر للشاب ده بالمحبة أو ده اللي كانت فكراه يعني الحقيقة إن الدجال اللي راحتله البنت كان شخص مؤذي لأقصى حد عملها سحر بالمحبه و د.مار مستقبله و تعب و اد.مان و ار.تكاب مح.رمات و تد.مير سمعته ..
طيب ليه كدة عشان لما يتعب و يحاول يلجأله ...
وبالفعل يتبدل حاله يطلبه راقي يساعده فالبنت اللي عامله العمل لأنها قريبة لعائلة الشاب قررت انها ترجح مين الدجال اللي راحتله ع أساس راقي و يعالجه ، الموضوع ده متداول في القرية عادي بيحصل كل شوية زي ما عمي جاب الشيخ خليل كدة ..
الدجال اللي جه لما دخل و عمل حركاته دي طلب أهل البيت كلهم يحضروا عشان محدش يت.ئذي وهو بيخرج الجن .. و للاسف كلهم حضروا و شاف الدجال اخت الطبيب ووقع في حبها من النظرة الأولى لدرجة أنه حاول يبطل السحر بجد عن اخو البنت و قبل ما يمشي عرض على والد البنت إنه يخطبها فرد و قال إنها لسه في ثانوي وعاوزة تكمل تعليمها هي تبان اكبر من سنها لكنها صغيرة اوي عليك يا شيخنا...
الشيخ مكنش كبير اوي لكن الاب تهرب منه بالحجة دي حاول الدجال يدخل البيت بحجة أنه يعالج اخوها لكن الحقيقة أنه كان بيتع.به اكتر عشان يفضل يجي و يشوف البنت و لكن حصل أمر مكنش ع البال و هو إن ليلى كانت متابعة اللي بيحصل لأخوها و للبيت كله وإن لما الد.جاله بيجي اخوها بيخف مؤقت و يرجع ينتكس تاني .. فقررت ليلى تواجه الدجال و تقوله انت من يوم ما دخلت البيت ده و احنا كلنا تعبا.نين و حالة كل واحد مننا من سيئ لأسوء وانا مش مصدقة انك شيخ ، اصلا ازاي شيخ و انت مستحل حر.مة البيت و بتعاكسني و تبصلي بنظرات غريبة في الداخل. و الخارجة كمان تلميحاتك كلها في اني عندي مس تقولي مكتوب ع د.هرك لا ع كتفك اصل الجن هيطلع من ضوافرك انا مش مرتحالك و لا مرتاحة لتصرفاتك .. صر.خ عليها الدج.ال بتهد.يدات ووعيد من نوع اخر.سي بدل ما اس.حقق بدل ما اس.خطك .. هخليكي تتمني المو.ت و تيجي تر.كعي تحت رجلي تطلبي رحمتي بتر.فضيني انا ! أنا هخليكي تحلمي بيا و تجيني لحد عندي خا.ضعة .. و كلام كتير
طبعا الاب و الام لما سمعوا الصوت حضروا و الاب مسك في خناق الد.جال و كرشه ..
الموضوع مكنش مجرد كلام القرية صغيرة و تاني يوم البلد كلها كانت عارفة باللس حصل في بيت ابو ليلى و فض.يحة شيخ البلد اللي اتعرف إنه د.جال و الكل كان مستغرب ازاي الراجل اللي حافظ كتاب الله و ماشي يعالجهم ببلاش وصل بكدة و انقسمت آراء أهالي القرية لقسمين قسم متفق مع ليلى و قسم اخر متفق مع الدجال ..
الكاتبة نورهان احمد فتحي
الد.جال لما اقعد و سمع اللي حصل و شاف استنكار الناس منه قرر ين.تقك عمل ايه ايه بقى عمل سحر للشاب بالوقو.ع في الكبا.ئر و الج.نون و المو.ت بالفعل الشاب كان عارف انها بتحبه استدرجها لما عرفت نواياه حاولت تص.رخ و تهرب بس للاسف معرفتش و أثناء محاولات الهرب منه ق.ت.ل.ها خ.نق.ها حتى المو.ت و لما شافها م.ي.تة فقد عق.له .. مستحملش المنظر برغم أنه طبيب مقدرش يتخيل أنه اع.ت.دى ع البنت و ق.ت.ل.ها فتجنن و طلع قدام أهل البلد يجري و راح عند محطة القطر و ر.مى نفسه قدامه القطر و ما.ت طب و أخته ....
للاسف في نفس الوقت اللي عمل لأخوها العمل ده عمل سحر للبنت اسمه سحر الإثارة و هو سحر بيتعمل و بيتربط بين شخصين و السحر ده ا.لع.ن من سحر المحبة لأنه كان عاوزها تجيله و تطلب و تترجاه قدام القرية كلها أنه يرتكب معاها
وا.قعة الز.نا و سمعتها تبقى في الأرض و محدش يقرب ليها كمان سحر بالجنون البنت كانت بين الحين و الآخر يحصلها حالة هيا.ج رهيبة تصرخ و تجري في البيت و لأنها كانت عارفة إنه إذ.يها طلبت من ابوها يحب.سها في غرفة في البدروم غرفة كانت موجودة في البيت من زمان تحت الارض بابها حديد وي اصلا اللي اتبنى عليها البيت ... و في ناس بتقول أن الغرفة دي كانت من ايام الحر.ب و اتبنى البيت فوقها من غير اي تعديلات..
المهم البيت لأن لما كان بيجيلها الحالة الهيتيرية دي و تجري ع الباب تحاول تروحله ، كان كل البيت بيكتفها و مبيقدرش عليها لدرجة أن الأب كان بيبكي و ينهار هو و الام و يقول خسرت واحد بلاش اخسر الاتنين ..
فلما البنت فاقت من الحالة الحت ع والدها إنه يحبسها في البدروم و يقفل عليها الباب الحديد و يربطها باساور عشان متهربش لحد ما يلاقوا حل للعلاج لان البنت لما كانت بتسمع بس القرآن أو تحاول تصلي كانت بتخ.بط د.ماغها في الحيطة أو الحو.ض و كانت ممكن ترتفع عن الأرض و تنزل مرة واحدة عليها مع الوقت بدأت تمر.ض و تضع.ف و تبطل تاكل و كانت كل اذان بتصر.خ لكن اخر فترة كانت بتأن من الوجع مكنتش بتقدر تقف ع رجليها لما كنا نحاول نحطلها حتى الاكل و الشرب كنت بنحس أن بؤها كأنه متخ.يط مفيش حاجة بتدخل الا السوايل الاب قرر أنه يقفل البيت و ياخد بنته في الليل و يمشي و خاصة بعد ابتعا.د أهل القرية كلهم عنه بعد عملة ابنه البنت كانت وهي ما.شية شبه ميته و كل اللي حكيته لينا الست اللي بتساعدهم عن الس.ح.ر ده قاله حد من الشي.وخ قال إنه شاف كل اللي حصل مع انها متعرفش شافه ازاي و فين لكن ورد علينا اشكال كتير قليل عشان يعالجوا البنت لكن مكنش في فائدة لأن الكل كان بيقول إن مكان السحر مجهول ..
و فيهم واحد قال إن مكان السحر متعلق في طير كل ما الطير يطير و يتحرك هي الحالة تجيلها و اول ما يقف هي بتقف و أن الطير مش هعيش كتير لو السحر ده متعلق فيه و مع موت الطير هتمو.ت هي كمان ...
احنا كنا بنسمع انا ووالدي و جدو الكلام و مش عارفين ده بجد حصل ولا ده أسطورة زي النداهة كدة في القرية ..
جدو مجدي قال انا هعرف المعلوماتي حقيقية ولا لا و هحاول اساعد انا لازم اح.ب.س الدجالة ده لو فعلا حقيقة ..
أنا قولت في وقتها مفيش دليل معانا غير حلمي و اكيد ده مش دليل ..
قالي أنا هعرف و روحنا منمناش تاني يوم جه جدو مجدي و قالنا لازم نسير البيت و كل واحد يروح يشوف شغله وهو هيحاول يحل الموضوع ولما يوصل لجديد هيبلغنا ..
الكاتبة نورهان أحمد فتحي
بصراحة احنا كنا تعبنا جدا الفترة الي فاتت و كنا لازم نمشي و بالفعل روحنا و اول ما وصلت حلمت بجدو تاني مربوط و فمه متخيط و بردو بالبنت و هي بتقول خلييييل ..
قمت من النوم صليت ركعتين و قعدت اقرأ قرآن و غفلت ربع ساعة كدة شوف
البنت و هي بتشاور على واحد في الحلم و فقولتلها خليل فحركت رأسها بإنه ايوا خليل فمشيت في اتجاهه و هو واقف قدام مراية كأن اتنين نفس الشكل واقفين قدامي و طلع الشخص من المرا.يه معاه سو.ط و مشي في اتجاه خليل و جه من وراه و خن.قة لحد لما ما.ت و بعدها اخد السبحة من أيده و العمة لبسهم ووقف قدام المراية و ابتسم بخبث و بصلي و جري ورايا و أنا اجري و هو يجري ورايا في الحلم لحد ما عملت خدعة في الحلم جريت لحد بئر في الحلم و رحت واقفة فجأة و منبطحة ع الأرض جه هو جري وقع في البئر .. وصحيت مخضوضة في الحلم لكن كنت فاكرة شكل المكان اللي كنا فيه و حسيت اني عارفاه كلمت جدو مجدي قولتلوا دور ورا الدج.ال شوف كان عنده اخوات و لا لا .. و غاب علينا جدو مجدي اسبوع كمان و كل البيت تمام انا بس اللي بشوف الكو.ابيس ...
لحد ما جدو في يوم اتصل بوالدي و قاله قابلني انت و البنت في مستشفى ....
سأله والدي خير قاله أن شاء الله كل خير و بالفعل رحنا المستشفى و شاورلي ع غرفة و قالي ركزي كدة يا بنتي انا عارف أنه مستحيل بس هي البنت اللي هناك دي اللي بيتشوفيها ... للاسف طلعت هي البنت بس حالتها كانت صعبة فين جمالها بقت كأ.نها هيكل عظمي و في جزي كبير من جلد.ها كأنه عليه اثار حروق و حالتها كأنها م.يته ..
قولت لجدي هياي البنت بس شكلها تعبان اوي .. قال لوالدي خد بنتك و استماني تحت عندي خبر ليكم تاني بس اكلم والد البنت و امشي ...
نزلنا و شويه و جه جدو مجدي قالنا ...
الحقيقة إن البنت في حالة متأخرة جدا محدش كان عارف عندها ايه و احنا بقالنا اربع ايام انا و خمسه كمان بنحاول نفك العمل و نعالجها بالقران بطريقة معينة لأنها اتأ.ذت جدا نتيجة مقاومتها للس.حر
البنت كانت ميته اكلينيكيا و كان كمان في جزء من جلدها عفن و الدكاترة كانوا عاجزين عن تشخيص حالتها و احنا الخمسة انا و خمسة كمان بنحاول معاها ..
أما بالنسبة للد.جال احنا عرفنا معلومة مكنشا متخيلنها .. انا طول الوقت كنت عاوز اعرف ايه سر إيمان أهل البلد بيه .. الفترة اللي فاتت فضلت أسأل قالوا إن الشيخ خليل كان إمام الجامع و برغم صغر سنه الا أنه كان بيحبه الكبير والصغير ويستشيره في كل شئ لحد من سنتين بس بدأت كل حاجة تتغير بقى ناس بتحبه و بتؤمن بيه جدا و ناس مش طايقاه لما كلمتيني عن عنده اخوات خلتيني انتبه إن ممكن يكون التغيير بسبب العائلة دورت وراه و عرف أنه والده ووالدته منفصلين من سن صغير و إنه هو اتربى مع والده و كان نعم الابن و مرات أبوه كانت بتحبه كأنه إبنها لكن الجانب الم.ظلم هو إنه ليه اخ و اخ توأم لما سافرت لاهل والدته و اتكلمت معاها ع أساس أن ابنها متقدم لبنتي في البلد قالتلي انها بقالها سنين متعرفش عنه حاجة و إنه مش عايش معاها فسألتها يعني مش عاوزة تعرفي هو فين أو تحضري فرحه قا.لتلي ده مل.عون انا حتى مش عاوزة اعرف هو فين و تقريبا كانت هتط.ردني ... رجعت القرية و أنا قبل ما ارجع مبلغ الشر.طة و الشر.طة بعتت للمركز ع إنه دج.ال ولازم يكشفوه و يفتشوا بيته هيلاقوا كل اعمال السحر والد.جل الصدمة كانت أنهم لما دخلوا البيت يفتشوه لقوا الدور الارضي من البيت في فريزر محطوط في غرفة لوحده الموضوع مش ملفت لكن الفريزر كان طالع منه ريحة بش.عة و ملحوظة مش اوي لكن باينة لما الظا.بط فتح الفريزر طلب دعم و تحفظ عليها في ساعتها ايمن ق.ت.ل اخوه خليل و اخد مكانه و لما كان طالع مق.بوض عليه من البيت كان بيقول هو ابويا اختاره اداله الحني و سابني الراجل غريب يق.سى عليا هو الكل حبه و أنا الكل كر.هني انا شي.طان انا شي.طان بسببه هو السبب و لسه بيحققه معاه و طبعا القرية مقلوبة قولتلوا طيب انا كدة خلاص مش هشوف كوابيس ابتسم بنظرة حزن وقالي يابنتي احنا في كا.بوس اكبر و اخ.طر من اللي احنا فيه ده ..
قالي داومي ع الاذكار و سورة البقرة و ابتعدي عن اي حاجة ممكن تكسر حاجز التحصين و الحماية ده و أنا هحل كل الامور دي لأنها كانت في بيت صاحب عمري و يعتبر اخويا كمان انا كنت راقي انا و خمسة اصدقائي زمان و كنا بنطلع السحر من المقابر و نقرأ للناس في بيوتهم و نعمل جلسات ذكر ..
فوالدي قاله اظن احنا مش مطلوب مننا حاجة دلوقتي قاله كل المطلوب انك تحمي بنتك و تحصنها...
روحت البيت و أنا مداومة ع الاذكار و سورة البقرة و بعد شهر كانت ليلى بدأت تتحرك و تفوق طلعت من المستشفى ع كرسي متحرك و بدأت تستعيد ولو جزء من جمالها كان اهو.ن عليها تمو.ت ولا أنها ترتكب مع.صية ولا أنها تعمل ذ.نب حتى لو غ.ص.ب عنها كانت قويه و شجاعة حبيت فيها قوتها اللي مستح.يل كانت ممكن تبقى في حد تاني و اول حد حبت تشوفه كان انا جاتلي مخصوص و قالتلي انا كنت بشوفك في الحلم بتجري عليا تفتحيلي الباب و تفكي الاساور و تقوليلي ماتخفيش مش هسيبك انا معاكي و جنبك مش هسيبك الا لما احررك ...
و قعدنا اتكلمنا كتيير و طلع دمها خفيف جدا و جميلة الروح و الشكل ...
و بعد كدة الحياه كانت جميلة ومكنتش بشوف حاجة لحد ما حلمت بنفس حلم جدي وهو متكتف و مربوط و فمه متخ.يط و المره دي عينه مجو.فه و بيخرج منها ...
★★★★★★
النهاية
★★★★★★
لا دي قصة تانية احنا كدة و صلنا للنهاية القصة دي اشوفكم ع خير في قصة جديدة
#الكاتبة_نورهان_احمد_فتحي
#سحر_بالاثارة
#احداث_حقيقية
#حكاوي_رعب
#حكاوي_رعب_مع_نورهان_أحمد
#الكاتبة_نورهان_احمد_فتحي
تعليقات
إرسال تعليق