انتقام العمار

#نار_الجن

#انتقام_العمار

يارب القصة تعجبكم عن احداث حقيقية

حاولت ا.ق.ت.ل جوزي لأنه قص شعري و الشيخ قال إني اتلبست (اتمست) من جن كبير خادم النار...

الموضوع بدأ بعد زواجي بأسبوع زواجي كان عن حب وهو بصراحة استحملني كتير .. المهم اسبوع من زواجي مكنتش مرتاحة في الشقة ابدا بعد فترة بدأت احس إن في حد معايا في الشقة وكنت احكي لزوجي يقولي مجرد شعور بس لانك مش واخدة الشقة ودي بيتك ومملكتك و يحاول يصبرني لحد ما كنت في يوم بغسل اسناني في الحمام أعزكم الله و عيني في المراية المراية بتجيب انعكاس الباب من برة بمعني إن أي حد معدي من الصالة لأوضة النوم انا بشوفه في المراية او انعكاس الباب ، بدأت الاحظ إن في خيالات كتير رايحة جاية في الطرقة و الموضوع اتكرر اكتر من مرة  بعد كدة لا ده انا بشوف زوجي نفسه داخل من الصالة للأوضة و العكس الغريبة إن أغلب الوقت اللي كنت بشوفه فيه كان بيبقى مش في البيت و في يوم كان بره و أنا كنت بردو واقفة قدام المراية بالصدفة و زوجي عدى قدامي فأنا كنت بتكلم معاه سمعت صوته في الصالة .. الاااه و امال مين اللي عدى من قدامي دلوقتي فضلت اقوله انا لسه شيفاك داخل الاوضة حالا و أحدنا الموقف بهزار و خلاص بعد فترة بدأت اسمعه بينده عليا اقوله نعم يقولي منادتش عليكي كنت مفكره بيهزر أو بيضحك عليا بس بعد كدة بردو بدأت اسمع صوته بينده وهو مش موجود الحقيقة الموضوع بدأ يكتر لدرجة أني بقيت احس إن عندي هلاوس و فضلت ع الحال ده فترة كبيرة ..

بعد ما حملت و خلفت  ماما جت تاخد بالها مني و تراعيني  ماما لاحظت أن في حد بينادي ع أهل البيت كله بإسمهم .. يعني الموضوع مش هلا س و لا انا بس اللي فاكرة كدة لكن عدت الموضوع عشان مخافش بس انا كنت اتعودت اصلا خلاص  المهم بعد ما روحت ماما كنت أنا اتعودت اني انام مع بنتي في اوضة الاطفال وجوزي شغله شهر شيفت ليلي و شهر صباحي مش مستقر و أنا طبعا مش بنام طول الليل من البنت بدأت الاحظ حرگة في أُكرة باب اوضة الاطفال كأن حد بيحاول بيفتحها مفيش حد في البيت و جوزي في الشغل و أنا مرعوبة بعد كدة بقيت اسيب الباب مفتوح .. الباب بقى يجي ع معاد معين و الاُكرة تعمل نفس الموضوع حتى وهو مفتوح بدأت اخاف من النوم لوحدي و رجعت انام انا وبنتي جنب زوجي و طلبت منه يغير الشيفت وعمل كدة فعلا بقيت اصحى بليل الاقي زوجي بيبرقلي كأن عينه هتطلع من مكانها و يبتسم ابتسامة مخيفة الصحيه و احكيله و نقعد نضحك ويطمني و ننام و بقينا واخدين ع التصرفات و بيت الرعب اللي عايشين فيه ده لحد ما نشوف بيت تاني و نعدي المواقف و ناخدها بضحك مرة و نتخانق مرة و هكذا ...

للكاتبة نورهان احمد فتحي

بعد حوالي سنتين كنت في الحمام أعزكم الله الساعة اتنين و نص بعد نص الليل و كنت بغسل و بعقم حاجات بنتي و الحوض اتسد فجاءة مع إن مكنش في حاجة سداه و قررت اعمل اغ.بى حركة ممكن حد يعملها في التاريخ جبت ماية مغلية حرفيا من الكاتل و حطيتها في الحوض ونسيت اسمي في سري حتى ..و قد كان خلصت و دخلت نمت ..

حلمت حلم غريب اوي ، حلمت بشخص قاعد في اوضة الاطفال و معاه طفل رضيع ع أيده و الولد ده بيصر.خ بشكل غريب جدا وقام الشخص أو الكيان ده يجري ورايا لحد ما وصلت لباب الشقة معرفتش افتحه لقيته وقف ناحية باب الحمام أعزكم الله و قال انتي السبب انتي السبب هنت.قم منك لازم تتحاسبي ع اللي عملتيه و جري ناحيتي بكل طاقته .. صحيت.. صحيت  الساعة تسعه الصبح أثناء نزول جوزي الشغل كنت بصر.خ هداني و حكيتله اللي حصل قال .. لا الوضع معدتش يتسكت عليه لازم اجيب شيخ يشوف حل في الكلام ده ...

#الكاتبة_نورهان_احمد_فتحي

#حكاوي_رعب

جوزي جاب شيخ و اتنين منفعش جاب واحد بردو كان بيقول دي روح شريرة و طرد الأرواح و الكلام ده بردو منفعش حالتي بقت تسوء ..

بقيت احاول امو.ت نفسي بكل الطرق لدرجة إن جوزي جاب اهلي كلهم يبقوا عندي بقوا عايشين معايا.. بقى يوصل بيا الحال اني بكسر الكوبايات بسناني و امدغها ازايز الماية الكبيرة اشربها ع مره واحدة مخدش نفسي كنت ممكن اقوم امسح الشقة خمس مرات ست مرات في نفس اليوم و مش مسح عادي بشيل الاثاث كله احطه في مكان و اعمل كل ده وارجع امسح وافرش تاني في الست مرات .. بقيت احاول الذي بنتي بشكل لا إرادي وهما يلحقوها مرة هي و مرة انا بقى الجن يهمسلي إنه يا يمو.تني يا يمو.ت بنتي .. 

للكاتبة نورهان احمد فتحي 

لحد ما وصلت لمرحلة محدش يتخيلها بقين ابرق للحاجة تسكت أو تتحرك لو اتعصبت بقط.ع الكهربا عن البيت كله كنت بقطعها عشان ماما متشغلش قرآن ولا تعرف تتوضى وتصلي اعمل الاكل و اخد الحلل من ع النار احطها ع السفرة مو.لعة و اكل زي الوحو.ش مكنتش يحب اللحمة كنت بحط كيلو اللحمة في رغيف صغير واكله كله لوحدي و اكتر من كدة ..

 كل ده و أنا مش حاسة كل ده هما بيحكوليو العلامات و اثار كل حاجة بتبقى ع جسمي لكن انا مش ببقى حاسة الفترة اللي بعدها بقيت اتحكم في اي حاجة ليها علاقة بالكهرباء في البيت بمجرد النظر و مش بس كدة انا كنت بحلم اني بروح اماكن ز ببقى كأني طايرة و الاقي فلوس ع الارض و كنت افضل اجمع فيها لحد ما الاقي كيان بيحاول يسحبني لعنده كنت اصحى و اوقات كنت الاقي في الشقة و أنا صاحية دهب و عملات من اللي كنت بجمعها في الحلم .. كل ده و هما بيحاولوا يعالجوني طول الوقت ده لدرجة اخر شيخ قال أصلها اتل.بست من جن من خدام النا.ر و ده كبير و شديد و لازم تكون إذ.ت حد منهم عشان يعمل فيها كدة فحكيت اللي حصل يوم ما كنت بغسل حاجة بنتي .. معرفش بردوا يعمل حاجة .. بعد فترة كان جوزي بيحكي لواحد صاحبةفي الشغل عن اللي بيحصلي  فقاله صاحبة انا عندي الحل عند شيخ في بلد ارياف كانت بعيده اوي عننا و بيعالج بالقرآن و لوجه الله .. 

يوم ماجه وحكالي شاف حركة صوابع في شعري كأن حد بيلعب في شعري وبيحركه يومها استعاذ بالله و قرر يقصه ليا الجزء اللي شاف في الموضوع ده مش هو لوحده ده كلهم وهما قاعدين شافوا الموقف اتفقوا عليا و قرروا أنه يقصه من غير ما اخد بالي اول ماحسيت كتفوني و قصوه فعلا بعدتهم عندي و دخلت المطبخ جيت س.ك.ي.نه و حاولت ا.ق.ت.له و بقيت اصرخ و مش طايقة كلام من حد من ساعة ما جاب سيرة الشيخ ده .. 

فين لحد ما رحنا للشيخ كأننا رايحين نغير جو بس هما اخدوني عنده وهو قابلنا في مكان مختلف عن مكانه و كنت حاسه و بعمل بردو حركات هستيريه لكن الحمد لله بعد ما شوفت الشيخ و اكتر من جلسه خفيت و بقيت اصلي و اصوم و اخد بالي من بيتي و اهلي و مبقتش اق.طع القرآن من البيت ..

********ألنهاية***********

#حكاوي_رعب

#حكاوي_نورهان

#الكاتبة_نورهان_احمد_فتحي

#نار_الجن

#انتقام_العمار