نار الجن

#حدث_بالفعل

#احداث_حقيقية

#حكاوي_نورهان2

#حكاوي_مقروءة_ومسموعة

ايوا زي ما سمعتي كدة الجن كان بسبب ليا فلوس وعملات معدنية تحت المخدة ...

اسمي كايلا اول موقف ليا مع الجن كان وانا عندي 20 سنه 

انا اصلا عمري ما كان ليا تعامل مع الجن ولا قريت كتب ولا بحب اتفرج ع الر.عب انا حبيت الر.عب بعد الأحداث اللي حصلت لي حياتي كانت حياه طبيعية لحد ما جه اليوم اللي حياتي فيه اتقلبت و اليوم ده كان عند خالتي و الحقيقة أننا مكناش نعرف الأحداث اوي احنا اتفاجئنا بإختفاء بنت خالتي ..

الحقيقة أنها دخلت أعزكم الله 

(الحمام) دورة المياة يعني لو في حد مش من مصر بيقرا .. وقفلت على نفسها من جوا و قامت مو.لعة في نفسها ايوا زي ما بقولك كدة احنا كنا رايحين متأخر لخالتي وهي كانت بقالها حوالي ساعة جوا و الكل حاول حتى يك.سر الباب الباب مكنش بيتك.سر المهم ع ما الرجالة ك.سرو الباب و اتصلوا بالاسعاف و جت خدتها و راحوا بيها المستشفى هي كانت منتهيه بس كانت لسه عايشه بس الجسد منتهي المهم انا معرفش انا نسيت ولا الفضول اخدني ولا وسوسة شيطان ولا ايه حاجة قالتلي ادخلي شوفي المكان ده كدة المهم انا طلعت ودخلت الحمام أعزكم الله و بقيت اتفحصه كدة و كان في سوائل و د.م و بقايا من جلدها ع الأرض انا مكنتش مدركة اوي أن ده بقا.يا من جسدها لاني مشوفتهاش انا كل ده بسمع بس مرضيوش اني اشوفها فقولت اكيد لحقوها وهي مو.لعتش في نفسها اكيد مهنش عليها نفسها و إن اللي في الأرض ممكن يكون صابون أو قماش من هدومها الحقيقة اني مشيت عليه ع إنه بقايا و في منها حاجات فضلت بقاياها في حذائي أعزكم الله ..

بعدها بيومين بنت خالتي توفاها الله رحمه الله عليها .. بدأت اشوفها و شكلها كان بيظهرلي و هي شكلها ب.ش.ع جدا جدا لدرجة أن كان جسمها و وشها كان باين من العظم و كأ.نه محروق و اشوفها وانا صاحبه ووانا نائمة بتجري ورايا و أنا اجري و اهلي بقوا مصدومين و مش عارفينا يه السبب في الاول محدش كان بيشوف حاجة فكروني اني عندي هلاوس .. بس بعد فترة حالي نوبات ه.ل.ع و صر.ع بس التشنجات كانت غريبه اغيب عن الوعي و يتغير مكاني و أنا مش حاسة ابقى نايمة اقوم في مكان تاني و اهلي بقوا متابعين معايا بيراقبوا تصرفاتي و أنا كل ده مش مدركة ايه حاجة .. بعد فترة بدأ بابا وماما في البيت يشوفوا خيالات فعلا ويحلموا بكوابيس وانا اعصابي كانت بتنهار والله كنت بشوفها بتحري ورايا من الشباك أو البلكونة و اصر.خ وبعد كدة أفقد الوعي و لأن احنا اصلا البيت بتاعنا قبل ما يتبنى في واحد مات مح.روق فيه فأحنا خلاص اتعودنا ع اللي بنشوفه بس الاحداث كانت اصعب بكتير بعد اللي حصل لبنت خالتي بابا خلاني اروح عند عمي اقعد شهر لحد ما ابقى كويسه مكنش فيه فايدة فجابلي شيخ يعالجني بالقرآن مرة و اتنين و منفعش معايا حاجة و جه شيخ تاني بردو بدأت اتعالج مع الشيخ التاني و رجعت بيتنا تاني ...

بعد فترة ...

#الكاتبة_نورهان_احمد_فتحي

#part2

بعد فترة بقيت اروح لخالتي انا و بنتي خالتي التانية لاحظت حاجة غريبة اوي أن. لما التليفون بيرن بنسمع صوت جري .. و الله جري في الشقة سواء كنا في الدور اللي تحتهم و لا في شقة البنت اللي حصلها الحا.د.ثة الله يرحمها و لانه بيت العيلة بدأ الكل يحس باللي بيحصل .. اصلا محدش بعد اللي حصل سكن الشقة دي وده لأنها ظهرت لوالدتها و اختها اكتر من مرة كانت دائما لما التليفون يرن شيحها يظهر و يجري من الحمام أعزكم الله لتليفون لدرجة أن اختها فقدت النطق من كتر الأحداث اللي كانت بتحصل وخاصة بعد ما شافت عفريت اختها  يعني ابسط موقف حصل هو أن النور قطع في مرة و أنا خالتي كانت بتذكر الله وبتصلي مش بتخاف اوي يعني لكن يوم النور طلعوا وقفوا في البلكونه كلهم محدش رضي يدخل ينور شمعه فقام جوز خالتي قالها انا هدخل اجيبلكم شمعه ولا حاجة ننور بيها دخل و طلع يجري ع البلكونة شكله غريب علامات الفز.ع و الخو.ف باينين عليه جدا و شعره واقف و شكله كأنه اكبر من سنه و لما سألناه قال شوفتها جوا اول ما و.لعت الشمعة لقيتها قدامي .. طفت الشمعة و جريت ..

طبعا لكثر الأحداث اللي زي دي محدش فينا كان بيسيب خالتي تقعد لوحدها ابدا حتى بعد ما نزلت من شقتها لشقه اللي تحت لأنه كان بيت عيله احنا اصلا شارعنا كله قرايبنا عمامي و خلاني .. المهم الشقة اللي خالتي قعدت فيها في نفس البيت حصل فيها نفس الحاجات يعني في يوم خالتي و بنتها كانوا قاعدين  مع بعض و جوز بنت خالتي كمان سمع قبل الفجر بشويه صوت خبط ع الباب اكتر من مرة فراح يشوف مين من العين السحرية .. الكارثة أنه شاف فعلا البنت اللي ات.ح.ر.قت الله يرحمها العفريت ظهرله ع نفس الهيئة اللي هحكيها دي بالظبط شكل الاذن غريب و طويل الشعر مجعد اسود و منكوش برغم أنه خفيف عينها كانت كلها حمرا و مشق.وقة بالطول ..

 لأن زوجته فاقدة النطق دخل و مترضاش يحكي قدامها حاجة و قال ده قطة هي اللي عامله الصوت بره ..

لدرجة أن من كتر اللي حصل ناس قالت اصل لما عملت كدة في الحمام أعزكم الله اذت جن مس.ي.حي وهو اللي عامل فيكم كدة لدرجة أننا استطعنا بقص من الكنيسة  وكان معاه زجاجه كدة وعمل بعض الإجراءات ... 

لكن بعد فترة كنت باينه عند خالتي و ابن خالتي الصغير كان نايم شوفت كأن وشه محر.وق بعدها بدأت اشوف ملامحها ع وشه ..

للكاتبة نورهان احمد فتحي 

بعد فترة كبيرة شويه كنا كلنا متجمعين في بيت جدي كان في نفس الشارع و خالتي كانت نسيت بخاخ حساسية الصدر في الشقة و طلبت من اي احد بروح يجيب البخاخ من البيت مع بنتها انا كنت شجاعه شويه فقرر اروح مع بنت خالتي نجيب البخاخ و لأن الحوار معروف في الشارع قابلنا صاحب خالي كان كبير الله يرحمه حاليا متوفي قرر أنه يطلع معانا نجيب البخاخ و الصدمة إن حد نده عليه و احنا كنا خلاص جبنا البخاخ و بنقفل الباب ماخدنا ثواني ...

فجأه سمعناها من جوا بتنادي عليا و على بنت خالتي كل مرة تنادي واحدة فينا بصوت مختلف قفلنا الباب و بتجري ع السلم لأن الشقة كانت في التالت اتفاجئنا بيها قاعدة في نص السلم ع هيئه خروف بني ضخم قافل السلم حرفيا مش طريق ننزل منه غير لو عدينا عليها شاورت لبنت خالتي تذكر الله و تقول بسم الله الرحمن الرحيم و تستعيذ بالله و نزلنا هي كانت قاعدة قدام الدور التاني احنا حرفيا دوسنا عليها والله يانور كانت بتتهز و ترتعش و كان خارج من جسدها سخونية رهيبه و روحنا حكينا اللي حصل بس هما كانوا اتعودوا خلاص ..

احنا دورنا في الموضوع اكتشفنا أن السبب هو أننا احتفظنا بملابس البنت دي و خاصة اللي حصل بيها الحادثة مغسلنهاش ولا اي حاجة سيبناها زي ما هي كدة أو في الحقيقة جوز خالتي هو اللي قرر كدة و برغم أن كلنا حذرناه لكن هو مقدرش يتخلص منها و للاسف ليومنا هذا هي بتظهر لينا ولاد.خالتي ..

و دي كانت قصتي مع بنت خالتي فاضل قصتي انا و ....

يتبع ياحلوين 🌝

#نار_الجن

#احداث_حقيقية

#الكاتبة_نورهان_احمد_فتحي

#حدث_بالفعل

#حكاوي_نورهان

#حكاوي_رعب