مسكون

ارجع للبوست ده بعد الساعه واحده بليل هتلاقي القصة كامله و مقسمة للأجواء كمان عشان اللي قرأ جزء ميرجعلوش تاني ... اي خدمة 

#مسكون

#حكاوي_نورهان حكايات مقروءه و مسموعه القصص موثقة بحقوق ملكية فكرية و حقوق طبع ونشر 🖐🏻

#حكاوي_نورهان1

#قصص_حقيقيه

اسمي رامي قاعد مع زمايلي في سكن كدة شقه ع قدنا 

الكل حذرني من الشقه دي أنها مسكونه و كل زمايلي كانوا بيشوفوا فيها حاجات غريبه و ظلال ..

اماكن حاجتهم بتتغير أو تختفي مكنتش مصدق لحد اليوم اللي كانوا كلهم مش موجودين اللي بيجيب طلبات و اللي سافر لأهله و كان الشقه فيها ذباب كتير أعزكم الله وقررت اني اطلعوا من باب الشقه عشان كان الدنيا ليل ففتحت نور السلم و قفلت نور الشقه كله و بدأت اطلع الذباب و اهشه بفوطه عندي و أثناء ما برفع الفوطة و احركها كدة عشان اطلع الذباب في الضلمة دي حد مسك الفوطة و بعد كدة سابها فقول يمكن اتعلقت في حاجة رجعت تاني عملت نفس الحركة في نفس المكان لقيت الشئ ده عباره عن خيال اسود و عينيه بتلمع و بتنور زي القطط و سحب الفوطة مني قولت بسم الله الرحمن الرحيم و جريت افتح النور لقيت الفوطة ع الأرض في نص الصاله ومفيش حاجة ماسكة فيها ولا في اي حاجة ممكن تشبك فيها نزلت ع ركبي اجيب الفوطة فجأة النور قطع و حسيت أن حد ضربني بالقلم و قعد فوقي و فضل يخن.ق فيا يخن.ق فيا لحد ما فقدت الوعي صحيت لقيت ابراهيم زميلنا في السكن بيصحيني 

ابراهيم : انت أغمى عليك ولا نايم ولا ايه ازاي سايب باب الشقه مفتوح كدة و ايه اللي مقعدك في الضلمة دي..؟! 

انا كنت مصدوم وعمال ابصله كدة و اتاكد اني صحيت لما بدأت افوق حكيتله كل اللي حصل ضحك ...

ابراهيم : امال لو عرفت اللي حصل لحسين هتقول ايه ....  

#Part2

رامي : ايه اللي حصل لحسين

ابراهيم : حسين اول واحد جه سكن هنا في الشقة كان قاعد لوحده في البدايه كان بيشوف حاجات غريبة يعني حكالي في مرة إنه كان قاعد بيقرا كتاب و مندمج في القراية جدا و اتفاجئ بإن في شخص طالع من الدولاب داخل في الجدار اللي قدامه وهو قاعد من الصدمة مكنش مصدق هو شاف المشهد بجد ولا بيحلم تاني يوم في نفس المعاد حصل نفس المشهد طلع يجري من الاوضه و قعد في الصاله و شغل قرآن قعد يومين بعدها ميظهرلوش الشخص ده ...

الكاتبة نورهان احمد فتحي 

تالت يوم كان ايمن جه الشقة و بقت الأحداث تحصل للاتنين يعني بليل كانوا يسمعوا صوت حد بيخبط ع باب اوضة كل واحد و يتخانقوا مع بعض إن مينفعش الهزار ده عشان اللي وراه دراسة و شغل طول اليوم يعرف ينام لحد مأنا جيت و بقيت انام انا و حسين في اوضة و ايمن في اوضة ... في يوم قمت ع صوت حسين كان بيشوف كابوس و بيقول لا لا لا متقت.لوش متقت.لوش فضلت اصحي فيه لحد ما بدأ يفوق و بدأ يحكيلي اللي حصل ..

ابراهيم : حسين ..حسين قوم ياحسين قوم بسم الله الرحمن الرحيم

حسين برعب : ايه ايه في ايه 

ابراهيم : قوم ياعم الله يخرب بيت اللي يفكر ينام جنبك في اوضة واحدة .. كابوس ده بقى ولا انت بتتكلم و انت نايم ؟!

حسين : كابوس .. كابوس يا ابراهيم انا شوفته شوفته طالع من الدولاب رايح ناحية الجدار الجدار ده مكنش هو نفسه اللي في الحلم و الدولاب كان مكان الدولاب 

ابراهيم بتعجب : ايه اللي الدولاب مش الدولاب و الجدار مش الجدار و مين ده اللي بيطلع من الدولاب لجدار انا مش فاهم 

حسين : انا قبل ما تيجي كنت بشوف شبح شخص بيخرج من الدولاب ويدخل في الباب الاول كنت مفكر أنه بيتهايألي لكن اتكرر المشهد اكتر من مرة و بعد كدة اختفى لوحده لكن اللي في الحلم ده كان في باب مكان الدولاب و الباب ده بيدخل على مكتب و في شخص بيجري ناحية المكتب ووراه الشخص اللي بيطلع من الدولاب و أثناء ما الشخص ده داخل المكتب كان التاني طلع مسد.س وبيهدده بسبب شئ و الشخص اللي شوفته بيطلع من الدولاب ده كان لسه بيحط أيده في جيبه قام الشخص اللي معاه المسد.س ض.رب عليه ٣ طل.قات 

ابراهيم : اوعى تكون بتقول كدة عشان تنام في الاوضة لوحدك انا الحكايات دي متخوفنيش ولا تهزني 

حسين : والله اللي بقولك عليه ده حصل 

فجأه الباب اتفتح علينا ولقينا ايمن داخل بيزعق ويقول

#part3

ايمن : ايه ياجماعه الهزار السخ.يف ده يعني واحد كان يخبط ع الباب و يجري التاني بيخبطلي ع الجدار انا عايش مع مجا.نين ولا ايه .. 

ابراهيم : لا بقى متستهبلوش هو كل واحد فيكم هيعملي حوار ولا ايه انا لانايم جنبه ولا جنبك انا هنام في الصاله 

ايمن : يعني انتوا مخبطوش و بتتروشنوا وبعدين انتو صاحين ليه لو ع المقالب استحملوا بقى اللي جاي 

رد عليه حسين و حكاله كل اللي حصل 

حسين : يا جماعه اقسم بالله الشقه دي مسكونه انا من يوم ماجيت و انا بشوف العجب ..

أثناء ما كلنا كنا قاعدين سمعنا صوت حد في المطبخ بيطلع كوبايه و بيعمل شاي صوت تقليبه الشاي وخبطها في الكوب ايه واضحة .. 

الكاتبة نورهان احمد فتحي 

بصينا لبعض برعب كدة و دخلنا كلنا ع المطبخ ملقناش حد حسين قرر يدخل الحمام يتمم عليه بالمرة و لقيناه فجأة بينادي 

حسين : ابراهيم الحق يا ابراهيم تعالى يا ايمن عشان تصدقوني 

دخلنا انا و ايمن شوفنا حاجة وحسين نفسه كان شايف حاجة تانية خالص 

انا و ايمن شوفنا حبل نازل من السقف كأنه مشنقة وبيتحرك لورا و أدام كأن حد مشنو.ق فيها وهي بتتحرك بيه ..طلعنا وقعدنا نستيعذ بالله من اللي حصل 

لكن حسين فضل مصدوم شويه قالنا شوفتوا كمية الد.م .. بصينا لبعض انا و ايمن و اتفاجئنا أن انا و ايمن شوفنا نفس الحبل لكن حسين شاف البانيو مليان دم وفيه كف ايد بس هو اللي ظاهر منه ..

المهم قررنا أننا نسأل ورا الشقه دي و جيبنا السمسار نسأله الغريبه أنه أنكر كل حاجة وقال إن إحنا اول ناس نشتكي من الشقة و أن ناس كتير سكنتها ومحدش قال الكلام ده ... 

رامي : كل ده حصلكم و لسه قاعدين فيها  وليه محدش قال الموضوع ده اول ما أنا جيت 

ابراهيم : لأننا مصدقنا أن حسين بدأ يتأقلم و بطل يشوف الحاجات دي في البيت بصراحة و احنا كمان 

رامي : و اشمعنا حسين ..

ابراهيم بصوت هادي: لأن الجث.ث كلمته ..

رامي بتعجب : كلمته ازاي يعني !

ابراهيم : زي ما أنا بكلمك كدة .. حسين فقد النطق ٣ايام بعد حادثة البانيو و دخل قعد في الاوضة و كان طول الوقت شبه نايم .. لكن في الحقيقه كل حاجة حصلت في الشقة دي مفيش غير حسين هو اللي يعرفها ...

رامي : يعني كل ده حصل و انتوا قاعدين 

قمت بجهز شنطة هدومي ..

رامي : انا بقى مش هستني اتجن و لا اتلبس في الشقة السودا دي 

ابراهيم : استنى بس ..متقلقش احنا جيبنا اكتر من شيخ و قروا في البيت و منهم ناس عملت ترضيه للجن اللي في البيت 

رامي : وايه الترضيه دي كمان.. 

ابراهيم : لا ده موضوع يطول شرحه هحكيهولك بعدين .. المهم إن الموضوع ده مخلصش غير بمجموعة شيوخ جابهم إمام الجامع و بقوا يجيو كل جمعه يعملوا حلقة ذكر في البيت واحنا كل ٣ ايام بنعملها منها تقرب من ربنا و منها نحمي نفسنا 

رامي : وايه اللي جابرنا على كدة يا بن الناس طيب ما احنا نشوف مكان تاني 

ابراهيم : انت في موسم و الشقة دي مفيش ارخص منها و كمان متقسمة علينا الفلوس و حالتها كويسه مش زي الشقق اللي بتتسلم للمغتربين اليومين دول و بعدين انا قلبك خفيف ليه كدة ما اتنشف يابني بقولك شوفنا حاجات تشيب الشعر 

رامي : قالوا لا واضح انكم فعلا بتحموا نفسكم بدليل اللي ظهرلي انهاردة ده ..

ابراهيم :  لا عادي ده تلاقيهم مكنوش رحبوا بيك بس و ...

قاطع كلامنا حسين وهو داخل علينا وبيقول .. هو مين اللي فتح أوضة  الخزين و مين اللي كنس الملح اللي كنت رشه قدام الاوضه دي ...

رامي بتوتر : انا .. هو ده كان ملح انا فكرته تراب كان مضايقني فلميته في جنب ...

بصوا الاتنين لبعض .. و قام ابراهيم..

ابراهيم : انا هدخل اقرا الورد اليومي اللي عليا و انام اسيبك بقى مع حسين يكملك اللي حصله ..

حسين بغضب : انت حكيتله اللي حصل 

ابراهيم : متقلقش هو كمان شاف منهم واحد 

حسين : اكيد لما فتح الاوضه مانا قولت عرفوه إنه ميفتحهاش 

رامي : ليه يعني انا كنت بشوف الاوضة ٤ أوض ليه انتوا قاعدين في ٣ بس منوسعها ع بعض وبعدين معرفش أن الجن واخدها يعني 

ابراهيم و حسين ضحكوا ..

ابراهيم: لا تصبحوا ع خير انا بقى عشان انا والجن ورانا شغل الصبح.. هديه كدة و ناموا احسن ده عاوز يمشي 

حسين : حاضر و انت يا عم رامي ايه اللي حصل قلقك اوي كدة ..

رامي : هي شغلانه بقى كل واحد يدخل احكيله 

حسين : معلش اضغط علي نفسك و احكيلي ..

الكاتبة نورهان احمد فتحي 

وبعد ما حكيت كل حاجة لحسين ابتسم كدة و استغفر ع السبحة اللي في أيده وقال 

حسين : بص كل ده عشان فتحت الاوضه دي احنا جمعنا كل حاجة ليها علاقة بالناس اللي سكنت قبلنا فيها الشقة دي كانت نحس علي اللي بيسكن فيها 

رامي : ايوا احنا مالنا بقى و بعدين ايه موضوع الجثث اللي كلمتك دي ..

حسين : انا لما جيت دفعت الايجار مقدم للصاحب الشقة اللي جه مع السمسار و كان من الواضح أن الراجل عاوز يخلص منها لكن انا قولت يمكن مستعجل ع فلوس ومحتاجها مش اكتر و وقتها السمسار قالي أن هيبقى معايا شباب هيدفعولي الايجار و هيبقى شرك بينا فرحت لاني ع طول وحيد و عمري حتى منزلت اقعد ع القهوه مع حد شخص في حالي طول الوقت .. بعد كدة بدأت اشوف ...... بدأ يحكيلي اللي حكاه ابراهيم لحد ما وصل ل٣ايام اللي فقد النطق فيهم 

وقال 

حسين : الشخص الأول اللي اتق.تل هنا كان أبو الراجل اللي اجرنا منه اخو.ه اتخانق معاه ع الو.رث فأخد المسد.س وق.تله و مكنش يعرف أن الأخ اللي مات كان جايب الورق ليه عشان يقوله أنه قسمه بينهم بقسمة العدل و الورق كان في جيبه لما عرف كدة مستحملش اللي عمله فضل يخبط دماغه في المكتب و بعد كدة دخل جاب من البلكونه حبل و ربطة في جنش كان في سقف الحمام و شن.ق نفسه .. أما البانيو ده كان في بنت اخدت الشقة كانت موديل أجنبية ضحك عليها منتج  و اتجوزها اول ما عرف انها حامل هرب و اختفى و اكتشفت كمان أنه مأجر الشقة مش ملكها زي ماكان مفهمها و مش بس كدة ده لما بدأت تهدده وتبعتله مراسيل بإنها هتفضحه سلط عليها صحفي يقول انها حا.مل من اب غير معروف و إنهم عندهم الموضوع بالغرب عادي لكن مشكلتها مع المنتج أنها ماضية شرط جزائي ٥٠٠ الف دولار في حين فسخ العقد أو الإخلال بشروطه و من ضمن الشروط لا تتجوز ولا تحمل ولا حتى تدخل علاقة أثناء العمل معاه بشركته لمدة ٣سنوات انا بصراحة كنت اول مرة اعرف حاجة زي دي .. و ضيق عليها المجال و منع اي حد يشتغل أو يتعامل معاها ولأنها مدفعتش الشرط الجزائي منعها بالعقد من السفر و ضاقت بيها كل السبل فقعدت في الشقه لحد ما الاكل و الشرب خلص و دخلت الحمام قعدت تبكي في البانيو وقامت ق.طعت شراي.نها و مكنتش ماتت ع طول لكن اتصفت لحد ما ماتت ...

رامي : و انت عرفت كل ده منين ؟

حسين : انا لما فقدت النطق انا كنت في عالم تاني شوفت كل حاجة كاني واقف معاهم بس هما مش شايفين كاني رجعت بالزمن .. مقدرتش اساعد حد منهم .. روحهم متعلقة بالمكان لانهم كلهم كان عندهم هدف أو مهمه عاوزين يكملوها بس انا شوفت كل ده ع إنه احلام مجرد احلام لكن مع الوقت عرفنا من الجيران أننا اول ناس تيجي و تقعد في الشقة المدة الطويله دي .. 

رامي : خلصت 

حسين : اه .. بس مفيش حاجة من دي موجوده انت بس تلاقي عمار المكان رحبوا بيك مش اكتر عشان فتحت الاوضه و شيلت الملح اللي مقري عليه من قدامها ..

رامي : لا رحبوا ولا مرحبوش انا هلم حاجتي و سلام عليكم من هنا ..

حسين : يابني هتلاقي فين صحبة زينا ولا حاجة في نص الموسم ده للمغتربين في السعر ده 

رامي : لا شكرا انا هرجع بلدي لو ملقتش 

و فعلا لميت هدومي ونزلت بلدي و مرجعتش لشقة ابدا ولا حتى تواصلت مع حد منهم حتى لما كان حد منهم يتصل بيا مكنتش برد يبعت رسائل مكنتش برد الغريبه بقى اني من ساعة ما رجعت بشوف واحدة في احلامي من اجمل البنات اللي ممكن حد يشوفها أو يتخيلها واقفه ع بير و بتقولي انقذني ..انقذني و بترميم نفسها فيه وانا مش عارف دي حلم ولا حقيقه كل اللي اعرفه اني بدأت احس أني يشوفها وشوش كل الناس حواليا. مش عارف هي مين وليه مبقتش اشوفها غير لما رجعت البيت وهل ليها علاقة بالشقة ولا دي قصتها قصة تانيه خالص 🌝

__________النهاية__________

#الكاتبة_نورهان_احمد_فتحي 

 تخيل دبانه تغير مجرى حياتك