عمة أحد الركاب .. لو دفعولي مليون دولار مش هدخل الغواصة و ابن اخويا كان خايف يروح لكن كان عاوز يقضي عيد الاب مع والدة و يحسسه بالفخر
******************************************
#الكاتبة_نورهان_احمد_فتحي
زي ما قولتلكم يا ولاد جاية احكيلكم حكاية ال 5 مليارديرات اللي راحوا في غمضة عين كدة و السبب غريييب ..
مين بقى الاول الناس دي
#####################
1-ستوكتوس راش .. المؤسس و الرئيس التنفيذي لشركة اوشن جيت إكسبيديشنز اللي هي بتدير الغواصة دي اصلا يعني و ده كان القائد الغواصة ركزوا كدة معايا عشان نبرق كلنا مرة واحدة واحنا بنربط الأحداث ببعضها في الاخر الاستاذ راش ده خبرة ما بعدها خبرة في مجالات النقل النفاث لدرجة إنه كان اصغر طيار مصنف وقتها للمحال ده كان عنده 19 كدة و ع فكرة جرب ينزل بالغواصه لتيتانك مرتين بس يحراام محلفهوش الحظ مرة البرق صاب الغواصه مره حصل مشكله مع السفينه الام ..
######################
2- هاميش هاردينج .. رجل اعمال بريطاني وعالم و مستكشف و خريج علوم و هندسة كيميائية وحاجة كبيرة اوي اوي كل دة نقرة و إنه محطم الأرقام القياسية في موسوعة جينيس في إنه قضى اطول وقت في عبور أعمق جزء في المحيط في غوص واحد رحلة واحدة يعني ها ركزوا و ايه كمان دخل تحدي 2021 في الوصول لأعمق نقطة في كوكب الارض و قعد مدة لا تقل عن 4ساعاات في خندق اسمه ماريانا مش بس كدة لا.. لا ده طلع كمان الفضاء في رحلة لشركة بلو اوريجين
.. الله الوكيل جاب كوكب الارض من فوقه لتحته ماشاء الله مخلاش طياران و طار فضاء و راح اعماق البحار ونزل ولا عقله الاصبع المهم .. يعيني كان طائر من الفرحة وفخور وهو رايح يشوف تيتانك في غواصة تيتان كان كاتب كدة ع الفيس بوك بتاعه ع فكرة بجد 🌝
######################
3-بول هنري نارجوليت .. خبير بحري يا ولاد ده خبير بحري بقى ومش بس كدة لا لا ده نزل زار حطام تيتانك ده 35مرة يعني انت ياقارئ المقال يا غلبان حد زارك 35 مرة ؟ ومش بس كدة ده كان أول قائد للرحلة الاستكشافية اللي نازله لتيتانك سنه كام بقى ياولاد 1987 و مدير البحوث لشركة اصلا اللي بتملك حقوق إنقاذ رفات السفينة دي و تنزيلها في المعارض الشركة دي لوحدها بس عامله 8بعثات للحطا.م السفينة عشان يطلعوا القطع دي .. يعني مش بس خبرة دي الموقع ده زي بيته كدة ..
#####################
4- شاه زادة داوود و إبنه كان معاه إسمه سيلمان .. ده بقى رجل أعمال بردو بس بريطاني من أصول باكستانية يعتبر هو إبنه اصغر ناس ع الرحلة هو 48 وابنه19 ..
العيلة دي شغلتها التجارة بشكل عام ولكن أشهرها الأسمدة و توليد الطاقة و المنسوجات و كان نائب رئيس مجموعه انجرو للمنسوجات والأسمدة داوود و إبنه كانو في الرحلة بس مش غريب شويه إنهم ملهمش علاقه بأي حاجة من مجالات اللي معاهم ع الرحلة و اشمعنا دة معاه ابنه يعني يمكن شبط فيه .. يمكن اشمعنا ده يطلع و إبنه التاني لا و الغريب إن متقالش عنهم معلومات كتير اوي غير إنهم محبين لتصوير و الحيوانات و إنه داوود كان من المغرميين بسفينة تيتانك من وهو صغير العجيب بقى إن اخت داوود صرحت إنها كانت مش عاجبها اللي بيحصل و إنها لو اتعرض عليها مليون دولار مكنتش ابدا هتخطي حتى الغواصة و إن سليمان كان مرعوب من المهمة دي و إنه عملها عشان يبهر والده مش اكتر مش كنت تبهر والدك وانت ماسك أحد شركاته احسن يا سولي ولا ايه المهم إن انا احساسي و أنا بجمع المعلومات إن الناس دي دخلت الموضوع ده بالعافية كدة مالهمش في الموضوع خالص و مكنوش حابين الرحلة و كمان هما رايحين هما الاتنين رحلة أو مهمه غوص ايه اللي يخلي العيله كلها تسافر من لندن لكندا علامات استفهام عند الراجل ده كتير اوي 🙄🙄🙄🙄🙄🙄🙄🙄🙄🙄🙄
عرفنا الناس اللي ع الغواصة و هدف المهمه ينزلوا يتفرجوا ع السفينه و ياخدوا معاها سيلفي يصورها يعني ..
المهمه حصلت الحد اللي فات 18/6 المهمة مدتها ساعتين بالظبط و طبعا بعد ما اتكلمت عن كل شخصية بعينها فوق اظن واضح جدا إنهم عشان يعملوا حاجة زي دي اخدوا حذرهم و كل احطياتهم واحتماليات اللي ممكن يحصل الأكسجين ع السفينه كان يكفي لمدة 4ايام مش ساعتين بس اللي اصلا ده كان المفروض وقت المهمه الغواصة نفسها وحدة فيها زي العاب البلاي ستيشن كدة و الgps اللي يحدد موقعها مش مقياس ليها و اي تواصل مع الغواصة بيبقى بالرسائل النصية الغواصة ضيقة مش كبيرة هي بتاخد 5افراد بالعافية و اكبر مكان فيها الجزء الامامي عشان يتفرجوا ع المحيط الغواصة دي تاهت قبل كدة بسبب العوامل الطبيعيه في القاع سنه 2018 قعدت ساعتين تائهة يعني دي حاجة حصلت و اكيد اتحطت في الاعتبار ..
الغواصة فيها استشعار يدفيها لما تبرد و الإضاءة فيها معتمدة ع المصابيح المثبته في جدرانها و طبعا فيها مرحاض.
######################
.. رحلة للموت ب 250 الف دولار ..
بعد أقل من ساعتين بالغوص انقطعت الاتصالات و اخر رساله وصلت إن داوود و سليمان بيطلبو إن الناس تصلي و تدعيلهم بعد كدة مفيش اي رسائل وصلت
الموضوع مكنش مطمئن خالص و بدأت الشركة تبعت خفر السواحل و بعثات تنزل تدور ع الغواصة و ملاقوش منها سوى رفات الغواصة و اللي مرجح إنها انفجرت اه والله زي مابقولك كدة انف.جرت و مفيش امل حتى نلاقي بقايا ج.ثث اللي كانوا عليها .. موضوع الانف.جار قالوه يوم الخميس اللي فات ده و قالو إن السبب نتيجة الضغط الزائد و إنهم مأخدوش حذرهم و إنهم نزلوا بسرعة ماهولة و الأكسجين قل فجأه حاجات متدخلش دماغ طفل مش 4 محترفين غوص و نزلوا قبل كدة المكان ده اكتر من مرة ..
الغريب إن بعض المقالات كتبت إن البا.كستاني و أحد طاقم السفينه .. عندهم مشا.كل سياسيه و مضايقين ناس مهميين .. فهمني طبعا .. وده زاد شكوك الناس إنها مدبرة مش بس كدة سفينة تيتانك لما غرقت بردو قالوا نفس الكلام و مش بس كدة ده كان عليها اغلب اثرياء العالم بردو مش غريبة شويه بلاش كل ده الحا.دث يحصل بعد 111سنه من غرق سفينة تيتانك الرقم ده مش بيفكرك بحد أو جما.عة بعينها اتقال بردو ايام حا.دث سفينه تيتانك إن آل رويتش.يلد اللي ورا اللي حصل و إنه حاد.ث مدبر و فيه اللي قال لا ده مؤا.مرات تدعم.. الما... سو.. نييييه ... انا كدة خلصت إنت رايك ايه هل هي مدربة ؟
الاعمار بيدي الله احنا بنجتهد لمعرفه الأسباب و ع فكرة الغواصة كان معروف إنها انفج.رت و مستحيل العثور عليها لدرجة إن في اشخاص وجهوا اسئلة اتجاه رئيس امريكا بإن ليه كل الفلوس دي تدفع و الجهود دي عشان نوصل للركاب مع تأكيد عدم إمكانية وجودهم اصلا ..
#الكاتبة_نورهان_احمد_فتحي
#مقالات_حقيقية
#التاريخ_يعيد_نفسه
تعليقات
إرسال تعليق