الاطفال و الجن ميامي

ازيك يا نورهان أنا بنتي قعدت اول ٣ايام من المصيف بتبص ناحيه باب الحمام و تعيط من غير صوت أنا لانا 

الحكايه بدأت في المصيف السنه دي إحنا عندنا شقه في ميامي و الحقيقه كنا دائما بنروحها عادي مكنش في مشاكل لكن المره دي بنتي تعبت جامد هناك وبدأ يحصلنا مشاكل كتير بنتي كارما عندها ١٠سنين شقيه و تحب تلعب و تتحرك كتير من أول ما رحنا الشقه وهي تعبانه وهمدانه و مش عاوزة تلعب أو تبذل اي مجهود وبتنام كتير أوي قولت يمكن حاليا برد أو تعبانه من السفر لكن بدأت أحس بإن في حركة بليل غريبه في الشقه و تحديدا اوضتها و خصوصا إننا رحنا بليل و ماحقناش نروق الشقه وكدة يادوب شلت الملايات و غيرت الفرش بس أنا في الاول شكيت أن في حد دخل الشقه حرامي او حاجة قومت جوزي و قمنا لفينا الشقه كلها ملاقناش اي حاجة صحيتها واطمنت عليها قالتلي انها كويسه مفيهاش حاجة محدش دخل و جوزي قالي اكيد بيتهايئلك المهم تاني يوم لاقيت كارما بتقولي .... للكاتبة نورهان أحمد 

كارما : ماما، أنا عاوزة احكيلك حاجة 

لانا : ايه يا حبيبتي احكي 

كارما : أنا بليل بعد ما طلعتي من اوضتي شوفت ولد صغير حاضن معزة صغيرة و كان بيبصلي جامد وعينه كانت شبه عين المعزه اللي شايلها لون عيونهم كان احمر وفضلت يمشي في الاوضه وعينه عليا و قالي بصوت وحش اوي تعالي العبي معايا و أنا مكنتش خايفه منه بس مش عاوزة العب معاه زعل و صرخ جامدة لدرجة أن وداني وجعتني وبعدها محستش بحاجة و صحيت دلوقتي ... شويه وبثت ناحية باب الحمام و كأنها اتكتفت وفصلت تعيط من غير صوت قرأت ايه الكرسي و فضلت اقول بسم الله بسم الله لحد ما رجعت تاني طبيعيه سألتها 

لانا : ايه ياحبيبتي بتعيطي ليه وبصيتي ناحية الحمام جامد كدة ليه قالتلي مش فاكرة و سابتني وراحت شغلت التلفزيون وقعدت قدامه قولتلها طيب الولد اللي شوفته امبارح ده مقالكيش حاجة تانيه 

ردت رد غريب جدا قالتلي ولد مين ياماما أنا ماشوفتش حد حكيتلها اللي قالتهولي قالتلي مش فاكرة إني قولت كدة ياماما انتي متأكدة أنه أنا استغربت جدا و عديت الموقف بس وانا بحاول اتابع تصرفاتها طول اليوم بردو بتيجي عند الحمام و تقف زي الصنم بدأت اشغل الراديو قرآن مجرد إني أغفل لحظة أو ننزل نخرج أو نروح الشط ارجع تلاقيه اتحول علي قناه اغاني أو مسرحيات بدأت اتكلم مع جوزي اللي قالي بصراحه انا كمان حصل موقف معايا و محكتوش ليكي ..الكاتبة نورهان أحمد فتحي 

. أنا قمت بليل مرة علي صوتك بتنادي عليا من الحمام صحيت ورحت هناك لاقيتك بتسرحي شعرك و بتقوليلي انك جعانه و عاوزة تأكلي قولتلك استني اشوفلك حاجة تاكليها في التلاجه لاقيتك بتقوليلي لا أنا عاوزة لحمه من عند الجزار ... قولتلك دلوقتي وقولتيلي اه قولتلك طيب هروح البس وانزل اشوفه فاتح ولا لا رجعت الأوضه لاقيتك نائمه جريت ع الحمام لاقيته مقفول و الفرشه ع الأرض قريت قران و صليت ركعتين و نمت 

رديت عليه قولتله احنا لازم نسيب الشقه دي و أنا قائمة رايحه اقوم كارما لاقتيها واقفه قدام باب الحمام نفس الوقفة استعذت بالله من الشيطان الرجيم وشغلت قرآن ع الموبايل وعليت صوتي قولتلهم إحنا هنمشي بكرا اياكم تفكروا حتي في إنكم تضروا بنتي عشان انا ممكن ازعلكم مني اوي بنتي لاء بنتي لاء انتوا فاهمين 

بدأت الشبابيك تهز جامد و سمعنا صوت معيز فعلا في الشقه و القرآن شغال و فجأه باب الحمام اترزع للكاتبة نورهان أحمد فتحي 

ولاقيت بنتي بتقولي ماما مش عاوزينكم هنا كانت الولد بتقولي كلكم تمشوا و الا انتي هتبقي ملكنا علي طول صرخت و قولتلها مش هيقدروا يعملوا اي حاجة متخافيش ياحبيبتي و خليتها تقري قرآن و تستغفر لحد ما نجمع الشنط تاني وبدأت كل حاجة تهدأ أول ما جمعنا الشنط وفعلا نزلنا تاني القاهرة وجوزي قرر أنه بعد فترة هيروح معاه شيوخ يشوفوا ايه اللي غير أحوال الشقه المصيبه إني بنتي من يوم مارجعنا و هي بتقولي أنها بتشوف الولد اللي شايل المعزة دايما في الحلم دائما واقف بعيد وبيقولها في يوم من الايام هرجع وهتبقي ملكي للابد أنا مش عارفه اعمل ايه ومش لاقيه حلول و مش عاوزة ادخل بنتي في جانب الدجل والشيوخ والجن من دلوقتي اعمل ايه انا خايفه عليها و أنا خليتها تنتظم في الصلاه وقراءة القرآن و بحاول اخليها تنسي الفترة دي اه في مره اتكلمت معاها بعد مدة من رجوعها وقولتلها انتي ليه قولتيلي انك مش فاكرة يوم ما بصيتي ناحيه الحمام أول مرة و كنتي بتشوفي ايه قالتلي رد صادم بكل المقاييس قالتلي كنت بشوف واحدة شبهك يا ماما بس شعرها كيرلي وعينها زي عيون الولد و حمرا كأنها د.م بتد.بح معزة وتاكل منها بأيدها و وكلها مليانة د.م وبصتلي وقالتلي لو اتكلمتي هد.بحك زيها بصيت ع المعزة تاني لاقيتها بنت شبهي اوي وهي بتاكل منها و انهارت بعدها في البكي بنتي قعدت فترة مش بتعرف تنام لوحدها و وديتها لدكتور يعالجها نفسيا لأن أعزكم الله كان جالها حاجة زي التبول اللا ارادي كدة من اللي شافته و للاسف محكتش اللي شافته غير بعد ما راحت لدكتور بفترة هي تحسنت كتير بس الاحلام لسه زي ماهي ومفيش حاجة نافعه معاها مش عارفه اعمل ايه 

____________النهاية_____________

#الكاتبة_نورهان_احمد_فتحي 

#جلسات_مع_صديقة_الشيطان

#الاطفال_و_الجن

قراءه باقي الجلسات من هنا 👇🏻👇🏻

Norhanne ahmed - نورهان احمد