الاطفال و الجن

#الاطفال_و_الجن

#جلسات_مع_صديقة_الشيطان

#للكاتبة_نورهان_احمد_فتحي

#حدث_بالفعل

عن اي غدر تتحدثون فقد قتلت من أمنتها و احتويتها في بيتي ابنتي و حاولت إغواء زوجي ..

مساء الخير يا نورهان أنا حبيت احكيلك تجربه صعبه مريت بيها و أنا في الامارات بدون اي مزايدات في الكلام انا اسمي وسام و عندي ٤٠ سنه .. التجربه دي كانت من حوالي ١٢سنه

 اللي حصلي إني كنت بشتغل في شركة من الشركات المنظمه للحفلات الكبيرة زي حفلات المطربين كدة المهم في حفله من الحفلات دي و أثناء تنظيمنا للمكان اللي هتقام في الحفله طلعتلي حرفيا من تحت الارض بنت عندها حوالي ٢٠سنه بتجري وخايفه و داخله منطقه العمل اللي احنا بنظم عليها الحفله طبعا كان في حراس امن بيبقوا تبع الشركة بيكونوا معانا عشان لو حصل مشكلة أو اي حاجة المهم الأمن وقفها و هي عماله تعيط و تصرخ إن في حد جاي وراها عاوز يقتلها فأنا رحتلها بروح المصرية الشهمه الشجاعه وسألت الامن ايه اللي بيحصل فلاقيتها منهاره وبتقولي هيقتلني .. هيقتلني  وشها مليان كدمات و اثار الضرب علي أيدها واضحه حاولت ادخلها الأمن رفض فطلعت أنا جبتلها مايه و اخدتها قعدتها في عربيتي  و حاولت افهم منها ايه اللي بيحصل هي كانت بتتكلم عربي بس مش كتير فعرفت بعد كدة إنها برتغاليه و جت الامارات عشان تشتغل لكن الراجل اللي كانت بتشتغل معاه في المحل حاول يعتدي عليها لما صرخت و ضربها و طلعها برا المحل بالضرب وقال إنها سرقته و أنها هي اللي حاولت تتحرش بيه حكايه كدة ماتدخلش عقل طفل بس أنا اللي قلبي رهيف ..

للكاتبة نورهان أحمد فتحي 

المهم صعبت عليا قررت أخدها البيت ولا سألتها علي باسبور و لا اوراق ولا ايه حاجة أخدت إجازة اليوم ده من الدوام و اخدتها و روحت اول ما دخلنا البيت قعدتها في الصالة و رحت اجيب الاسعافات الاوليه من الدولاب كان عندي ولد وبنت الله يرحمها كانت قمر و جميلة و شقية و ماليه عليا البيت فرحة المهم نرجع للهانم اللي أول ما بنتي شافتها خافت منها جدا و جريت عليا وقالتلي مين الست دي يا ماما قولتلها دي واحدة كانت معايا في فريق العمل و طاحت وانا جبتها هنا تقعد معانا شويه بنتي وقتها قالتلي انا خايفه منها اوي اوي بنتي كانت عندها خمس سنين وقتها فقولت يمكن عشان أول مرة اجيب حد غريب البيت وهي صغيرة قولت يمكن خافت عشان كدة المهم قولتلها تتفرج شويه ع الكارتون ومتخافش من حاجه وانا معاها و اكيد وهمشي البنت اللي بره دي كمان شويه 

#part_2

بنتي كان ردها عليا صادم قالتلي تمشي هي و اللي دخلت معايا يا ماما ..

فأنا استغربت ورديت 

وسام : مين ياحبيبتي اللي معاها ؟ دي بنوته بس اللي بره 

بنتها : لا ياماما اتنين واحدة شكلها عادي و التانيه شكلها كبيرة و وحشه زي ساحرة سنو وايت ..

بصراحه انا وقتها ضحكت وقولت ده اكيد خيال طفله ..

وسام : طيب يا قلبي انا هروح دلوقتي اعملها الاسعافات و اشوف مين الساحرة الشريرة اللي معاها دي ..

اخدت بعضي و طلعت للبنت و بدأت اعالج الجروح البسيطه و حاولت اتكلم معاها اعرف عنها أي حاجة بيتها سكنها اي حاجة بالعافيه كدة فهمت إن اسمها كاتيا و نزلت هنا الامارات مع صديقتها لكن صديقتها سرقت كل حاجة منها حتي الباسبور وده بعد ما خدرتها و إنها مكنش ليها مكان نبات ولا تقعد فيه غير المحل اللي كانت شغاله فيه ودلوقتي ملهاش مكان ..

كانت بتبكي ومنهارة شكلها و حالتها صعبوا عليا ولاقتني بقولها بدون إدراك مني ولا وعي طيب خلاص في اوضه بره في الجاردن ممكن تباتي فيها بحد ما تشوفي هتعملي ايه ..

كاتيا : أنا ممكن اساعدك في تنظيف المنزل مقابل الجلوس في الغرفة..

بصراحة أنا كنت مترددة لأن الراجل كان متهمها بالسرقه فقولتلها لا خليكي في الغرفة أنا مش عاوزة مقابل .. 

وبالفعل اخدتها و وريتها الغرفه و خليت حارس الأمن اللي ع الباب بره يحط عينه معاها وقولت كلها يومين وتمشي الحقيقه إنها طولت و مش بس كدة دي ماكنتش بتفوت فرصه الا لما تدخل معانا وتحاول تساعدني في اي حاجة وبشكل لا ارادي مبقتش استغني عنها في البيت و بنتي بعد ما كانت بتخاف منها بقت ساكته خالص قعدنا اسبوعين ع الحال ده لحد ما جيت في يوم لاقيتها عامله عروسه قماش لبنتي و زيها لابني العرائس كانت في الشكل تشبه الاولاد اوي وقالت أنا عملتهم عشان ميخافوش مني ويحبوني الولد اخد العروسه بتاعته و فرح اوي بنتي اول ما اخدتها فضلت تبصلها بزعر قولتلها لو خايفه منها اشيلها في اوضتي لاقيتها بصت لكاتيا وقالتلي لا هاخدها ياماما 

و من بعدها بيومين بدأت احسن أن أنا وولادي مش بنرفضلها طلب اللي هو أنا مش عاوزة اعمل كدة بس بعمله عشان هي موجودة جوزي كان الفترة دي مسافر بحكم شغله بدأت بنتي تتعب مابقتش تقف علي رجليها مش عارفه تقف ابني بينام كتير جدا اخدتهم الدكاترة التحاليل سليمة فجاه بليل اقوم علي بنتي بتصرخ بشكل هستيري بطنها وجعتها فجأه كشفت ع بطنها في اثار كأن حد غرز في جسمها حاجة ابني كانت بتحصله حاجات بردو غريبه بس مش زي البنت بدأنا نشم روايح سيئه في البيت وهي معانا بتجري معانا و بتروح المستشفي معانا و بتبكي من إللي بيحصل في اولادي وبتحاول تلاقي معايا حلول بنتي بقي يجيلها نوبات صرع وهي سنها صغير ياحبيبتي وتقولي يا ماما عاوزين ياخدوني ياماما الحقيني وانا اضمها و اقولها محدش هيقدر ياخدك مني اتصلت بجوزي قولتله تعالي ارجع من السفر عيالك بيموتو مني و أنا مش عارفه اعمل ايه حجز اول طياره ورجع حكيتله اللي حصل كان ليه دكتور صاحبه دكتور نفسيه وعصبيه حاول يساعدنا بردو و نعمل اشعه و تحاليل مفيش نتيجه مفيش اي استجابه 

للكاتبه نورهان أحمد فتحي

اول ما جوزي جه حارس الأمن قالي أنه عاوز إجازة يومين بس لان مراته مريضه ووافقنا أنا كل ده دائرة في دوامه بين الشغل و الاولاد لما التعب اشتد ع بنتي سيبت الشغل سألني جوزي عن كاتيا حكيتله قصتها معجبوش الوضع و قالي لازم تمشي و حاول يربط مرض الاولاد بكاتيا لكن أنا مقتنعتش وقولتله مستحيل بس الغريب إن جوزي مكنش عجبه حالنا خالص ومن تاني يوم جه حسيته مشمىز مني و من الأولاد ومش طايق يقعد في البيت بدأت افوق لما حارس الأمن جه في يوم قالي أنه لما رجع من الإجازة شاف حاجة غريبه في من شباك غرفه كاتيا قال كان صوتها عالي عن المألوف وبتقول كلام مش مفهوم في أنا قولت بتكلم حد من بلدها لكن بصيت علي الشباك كدة لمحت ضوء شموع فقربت شويه لاقيت عينها شكلها غريب. وفي حواليها اربعه او خمسه عرايس قماش أنا استعذت بالله من الشيطان وبعدت جريت علي اوضتي 

#part_3

طبعا أنا أخدت كلام الحارس من هنا و روحت رايحه الأوضه مخبطة عليها و زقتها ودخلت فتشت الأوضه لاقيتها عادية مفيهاش حاجة حسيت اني ظلمتها مش بس كدة اعتذرتلها كمان..

 تاني يوم الحارس مشي ورفض يجيلنا  تاني و قال إنه مسافر راجع بلده الأصلي و مش هيرجع الامارات تاني  بنتي تعبت اكتر و فقدت النطق و بدأ ابني يشتكي من وجع في رأسه بقيت مقيمه بيهم في المستشفي مجاش علي بالي ابدا أنه سحر بدأت أحس أن جوزي اتغيرت معاملته اتجاها ومش بس كدة دا بدأ يسيبني في المستشفي ويقولي هيروح يجيب شويه طلبات لينا و يغيب وفي يوم جه وقالي أن كاتيا لازم تمشي و سألته ليه قالي حاولت تتحرش بيا في البيت و وكانت قاعدة في البيت شبه مش لابسه حاجة أنا معرفش ازاي دخلت لحد اوضه نومك جوا وكانت بتعمل ايه و ساعتها افتكرت اللي حصل يوم الجواهرجي و كلمت الشرطه من المستشفي وقولتلهم ع أنها في حرامي موجود في البيت و راحت الشرطه اخدتها من هناك و أثناء التحقيق رحت و أنكرت معرفتها وقولت أنها عندي بقالها حوالي ٣ايام  مش شهور وفضلت عندي بحجة أنها هتشتغل عندي بس الباسبور مع صاحبتها ولما ماجبتش اي تعريف لهويتها بلغت ومش بس كدة دي دخلت الفيلا وسرقت مجوهرات ليا وفلوس ..

وانا طالعه من مكتب المحقق بصتلي بنظرة كلها شر و قالتلي كلكم هتدفعوا التمن بس اقسملكم عينها قلبت قدامي بقت كلها بيضا بس اول ما روحت البيت قررت اخيرا اكلم شيخ كان في شيخ قريب جارتي تعرفه حكالي عليه من فترة أنه بيجي يرقي الاولاد والبيت واول ما قررت اتصل بيه بنتي تعبت جدا واضطريت اروح المستشفي..

  للكاتبة نورهان أحمد فتحي 

بنتي نظراتها رايحه جايه في الغرفه بتثتغيث بدموع مش قادرة تتكلم جسمها بدأ يتنفض بشكل هستيري عينيها بتقول كان في حد تاني في الاوضه حاولت تتكلم الكلام طالع منها انين بدأ تخرج سائل اسود من بؤها اعزكم الله بقيت اصرخ وابكي واقوللدكاترة ابوس اديكم اعملوا اي حاجة ارجوكم اعملو اي حاجة الدكاارة طلعتني بره وبعدها بدقايق سمعت أسواء خبر ممكن اسمعه ڤي حياتي روحي راحت مني كنت همو.ت في اللحظة دي البقاء لله البنت مستحملتش و فقدناها سبب الوفاه سكته قلبيه كنت بتقطع من جوايا حسيت أن الدنيا اسودت في وشي جوزي من الصدمة وقع في الأرض بقيت مش عارفه اعمل ايه و اروح فين اخر حاجة فكرتها وقتها إني كلمت جارتي قولتلها روحي ماتت عيني اللي بشوف بيها و كانت ماليه عليا الدنيا ماتت الوردة اللي كنت مستنياها تكبر و افرح بيها وبنجاحها اللي من يوم ما اتولدت وانا بحلم تكبر قدامي و ألبسها فشتان زفافها ماتت و فقد الوعي صحيت لاقتني لسه في المستشفي جالي انهيار عصبي أنا وجوزي بس جوزي فاق قبلي  اول ما فوقت قالتلي حمد الله علي السلامة الشيخ عبد الله موجود معانا عشان يرقيكي انتي و ابنك وزوجك فضلت اعيط واقولها إني بنتي ماتت خلاص انا كمان عاوزة اموت وراها مش عاوزة اعيش و حاولت انتحر في المستشفي أدوني مهدئات و الشيخ قال هاجي وقت تاني بعد يومين الشيخ جه قرأ علي ابني  تعب جدا الشيخ وابني كانوا تعبانين جدا و بدأت أثناء القرائه أنا وزوجي نتعب جدا وب الفعل فقدنا الوعي أثناء فقداني الوعي شوفت بنتي نائمة علي السرير و كاتيا بتربط رجليها وبتضربها عليها لحد ما انكسرت و بتغرز مسامير في بطنها و أنا متكتفه ومشلوله وبنتي عماله تقولي الحقيني يا ماما عاوزين ياخدوني هي بتجهزني ليهم عشان يخدوني و قالت كاتيا طلسم اتحولت بيه لفعلا ساحرة أو عفريته شكلها وحش اوي وبدأت تجيب سائل اسود و كتمت نفس بنتي وشربتها السائل كله و بدأت أشوف حواليها كيانات كتير وظلال طويله و سودة و غريبه و فجأه بيتحول المنظر و اشوف ابني و بنتي داخلين من باب و بيجروا وبينادوا عليا اجي ادور عليهم لاقيت ابني بس أخدته في حضني وقولتله يالا نمشي من هنا بسرعه لاقيت بنتي بتنادي عليا من بعيد بتقولي و أنا ياماما تعالي خديني أنا كمان انتي وحشتيني اوي كنت بجري بأبني و أقرب عليها احسن المكان بيبعض بدأت اسمع صراخ ممزوج بصوت قرآن ولاحظت إني بجري علي نور ابيض وانا ماسكه ايد ابني وفوقت لاقيت صوت الصراخ ده كان صادر مني وانا و ابني و جوزي جاتلنا حالي من القىئ مريعه كانت كلها شعر و تراب و سائل اسود ريحته كريهة و لاقيت حوالينا حوالي ست مشايخ او سبعه و بعد ما فوقنا  واحد منهم أعطانا مايه مقري عليها شربناها كانت نازله في معدتنا زي النار ابني كان تعبان جدا اكتر مننا كلنا الشيخ بدأ يسألنا عن شويه حاجات وقالنا أن دي تالت جلسه ليكم جماعيه اقسملكم ما كنت فاكرة ولا اي حاجة من إللي كانوا بيقولولها لكن شيخ منهم قال اننا لازم نروح الفيلا و ونقرأ فيها ونفتش و للاسف الصدمات كانت لا تنتهي السكر فيه سحر الشاي والقهوة فيهم سحر الحلل مرشوشه سحر الصالات الغرف الحمامات كلها فيها اسحار ورا المرايات ورق عليه طلاسم و اوضه كاتيا كانت

للكاتبة نورهان أحمد فتحي

الصدمة الكبري كانت مخبيه تحت السرير و حرفيا حفرت تحت السرير وخبت عرايس قماش عرفنا بعد كدة أنه يا من ملابس مو.تي يا اكلات مو.تي دبابيس و مسامير زي اللي شوفتها في جسم بنتي الله يرحمها خيط حصل شعر منها شعري و شعر عيالي وشعر ابيض واحد من الشيوخ اللي كانوا موجودين كان سوداني الأصل هو الوحيد اللي قدر يتعامل مع الأوضة بتاعه كاتيا  وقالنا إنها اعوذ بالله شيطان متجسد في صورة بني ادم و إنها كانت لتمارس عليكم سحر الفودو و الكابلات وده باين من الكتب اللي موجودة و اخد كل حاجاتها طبعها بره و قرأ في الاوضه هو وست شيوخ و فصلنا كدة حوالي ست اسابيع لحد ما بقينا كلنا كويسين لكن أنا لسه مش كويسه أنا بشوف بنتي في كل مكان بشوفها وهي بتتشاقي هنا وهناك وبترسم و تشخبط في كل حته بمناسبه الرسم أنا شوفت في كراسه الرسم بتاعه بنتي رسومات غريبه جدا متخيلش أن طفله ترسمها بس انا مقولتش لحد عليها و احتفظت بيها والتزمت دينيا أنا و جوزي و ابني وبدعيلها كل يوم وبفرح اوي لما بتجيلي في الاحلام لحد دلوقتي منستهاش برغم إن ربنا عوضني خير كتير بعدها أما عن كاتيا فهي اختفت فجأه من الحبس معرفناش هي راحت فين و احنا سافرنا خالص من الامارات بس أنا من يومها محدش بقي يدخل بيتي معرفوش ولا اي حد بقي يصعب عليا و الخير بعمله لليستاهلوا من بعيد لبعيد وعلاقتي أنا وجوزي اتحسنت كتير جدا و الغريبه إن جوزي في مرة حكالي إنه كان بيجي البيت مسلوب الإرادة و أنا مش موجودة و المرة اللي فاق فيها كان صلي في الجامع و دعي لبنته قبل ما يروح للبيت و اول ما فتح باب الفيلا شاف كاتيا بالمنظر القذ.ر اللي كانت عليه وشكلها مكنش حلو حاولت تتقرب منه هو رفض و قام جري بره الفيلا كلها وحالي علي طول بس حقيقي إحنا قلبنا الصفحه دي ومبقناش نفتحها تاني خالص أنا بس حكيتها تاني عشان نتعظ ..

***********النهاية********

#جلسات_مع_صديقة_الشيطان

#الاطفال_و_الجن

#للكاتبة_نورهان_احمد_فتحي

#ضحية_الكابالا