#دجل_السوشيال_ميديا
#جلسات_مع_صديقة_الشيطان
#عهد_مع_الجن
#الكاتبة_نورهان_احمد_فتحي
أنا سمر عندي ٢٤ سنه من مصر محافظة الدقهليه الفترة اللي فاتت كنت تقريبا مش في العالم بتاعنا ده مش حاسه باي حاجة في الكوكب و السبب مفسرة احلام ايوا والله جروب لمفسرة احلام مش هقول اسمها خلينا نسميها إحنا سحر مثلا وانا متأكدة أن اللي هيقرا القصة دي هيعرفها كويس اوي أصلها مشهور ...الكاتبه نورهان أحمد فتحي
سحر دي انسانة بتفكير شيطاني مش بس الموضوع متوقف ع السحر والدجل لا..لا ده الموضوع فيه ابعاد تانيه خالص حاجات كدة محدش يدركها ولا يتخيلها الحكايه بتبتدي من أول ما دخلت جروب تفسير الاحلام مع الشيخه سحر كانت واحدة صاحبتي دخلت الجروب ده و بعتتلي دعوة إني ادخله و بالفعل دخلت قولت بردو اوقات بحتاج اعرف تفسير بعض الاحلام فأدخل يمكن احتاجها يعني المهم أن صاحبتي هدي ماقلتليش قبل كدة خالص عن هي تواصلت معاها ولا لا ..للكاتبة نورهان أحمد فتحي .. بدأت أتصفح الجروب ولاحظت أن في بنات كتير هي بترد علي تعليقاتهم بأنهم يتواصلوا معاها خاص و بتحذف بعد كدة الحلم من الجروب فأنا قولت عادي جايز الحلم تفسيره وحش ولا حاجة و قعدت فترة كبيرة مش بيظهرلي الجروب لحد ما حلمت حلم غريب كدة وكان بيتكرر حلمت اني في المقابر و إني بخرج من تابوت في المقابر تابوت وأوقات كان بيبقي في ظلال بتجري ورايا و بيجي شخص يفتح التابوت ده ويخبيني فيه ... لما الحلم اتكرر كتير جه علي بالي الجروب دخلت وكتبت حلمي و نزل ع الجروب وقعد يوم و اتنين لدرجة اني نسيت اني كنت بدأت انسي إني كتبته لحد ما جالي الرد ... للكاتبه نورهان أحمد فتحي
كان الرد إني اتواصل معاها خاص ضروري و بالفعل كلمتها خاص الاول سألتني إسمك ايه وسنك كام و اسم امك و جدتك ايه وطبعا استغربت علي انها سألت علي اساميهم لكن كان الرد إنها محتاجه الحاجات دي عشان تقدر تفسر الحلم بدقه قولتلها كل المعلومات حتي أنها سألت علي تاريخ ميلادي فقولتلها التاريخ غلط واكتشفت أنها بتصححه ليا وبتقولي
سحر :متحاوليش تكدبي عليا عشان مبقتش ضرر عليكي
سمر : ضرر ... ضرر ايه
سحر : اقصد التفسير ... الحلم ممكن يتفسر غلط
سمر : تمام
لاقيتها سكتت شويه وبعد كدة قالتلي
سحر: انتي اتكشفتي علي حد وانتي صغير
سمر بتعجب : ايه يعني ايه اتكشفتي علي حد من قرايبك دي ؟
سحر: يعني اتعريتي قدام حد من قرايبك أو كنتي مرتبطة بواحد واتكشفتي عليه
سمر بصدمة وغضب : ايه اللي انتي بتقوليه دا انتي عاقله ولا في حاجة في مخك ولا ايه بالظبط اكيد لاء طبعا.. هو دا بردو ليه علاقه بتفسير الحلم
سحر : بصراحة مالوش علاقه بالحلم هي الصورة اللي انتي حاطاها دي بتاعتك
سمر بغضب : اه بتاعتي ليه خير بتشبهي ولا حاجة !
للكاتبه نورهان أحمد فتحي
ردت سحر : حديثة الصورة دي ليكي ؟
سمر: ايه كل الاسئله دي ياست انتي بتفسري احلام ولا بتحققي معايا
سحر : اصلي شوفتك وعرفت أن ليكي خدام وحراس من الجن ومنهم واحد مسلم بقولك ايه مش حابه تستغليهم!
سمر : تصدقي انتي واحدة مجنونه وانا غلطانه إني كلمتك اصلا
سحر : أنا مجنونه.. طيب أنا هوريكي الجنان اللي بجد انتي هتعيشي في جحيم.. جحيم من انهاردة حضري نفسك للعذاب مميت ع الارض ..
سمر بسخريه : ابقي وريني هتقدري تعملي ايه دانتي مش مفسرة وشيخه بقي .. دا انتي دجاله قذرة .
وعملتلها بلوك و خرجت من الجروب بتاعها و بعد يومين جاتلي صاحبتي وقعدت معايا من أول اليوم نتكلم ونهزر لحد ما جت بالصدفة سيرة الجروب و لاقيتها بتشكر في سحر دي اوي و إنها مفسرة شاطرة
هدي : ايه اللي طلعك من الجروب دا الشيخه سحر دي شاطرة اوي
سمر : شاطرة ايه و زفت ايه دي دجاله يا هدي .. للكاتبة نورهان أحمد فتحي
هدي اتغيرت ملامحها : لا مستحيل بقولك ست مبروكه
سمر : مبروكه والله انتي اللي دماغك مبروكه استني هوريكي الشات .. خدي اقري الشات من ع الموبايل لحد ما اقوم اعملنا نسكافيه
هدي : تمام
دخلت المطبخ اعمل النسكافيه و خلصتوا ورجعت بيه لهدي..
سمر : ها .. صدقتي
هدي : بصراحة عمر ما كلمتني بالاسلوب ده ابدا .. ممكن تكون حساباتها اتهكرت بقي
سمر : هي ولا مش هي أنا عملتلها بلوك دي واحدة مجنونه
هدي بتشرب النسكافيه
هدي : ايه دا يا سمر انتي نسيتي تحطي سكر ولا ايه
سمر : لا أنا حطيت
هدي : لا دا مفيهوش سكر خالص
سمر : طيب استني اجيبلك السكر من المطبخ ... للكاتبه نورهان أحمد فتحي
دخلت وجبت السكر وطلعت وشربت النسكافيه وكملنا اليوم سوا وكنت كويسه جدا وهي كمان قالتلي انها هتعملها حظر عشان لو حسابها اتهكر وعدت الايام وبعد حوالي اسبوع بدأت احلم بكوابيس مريبه ناس بتجري ورايا شكلها بشع بتحاول تقتلي مرة واحلم بكلاب بتجري ورايا ومنهم كلي بيعضني وأقوم احس مكان العض في وجع رهيب و الجاثوم كل يوم تقريبا بيجيلي بقيت تعبانة وماليش نفس اكل دائما ...مع الوقت بقيت بنام بشكل كبير تقريبا طول اليوم نايمه بدأت اتعب اكتر و احس إن في نار في ايدي الشمال كأن في حد بيكتب علي ايدي بالنار و أتألم ألم شديد معرفش مصدره و احلم بكوابيس ابشع لدرجة أن الحلم القديم كان بيتكرر بس المرة دي حارس التابوت مابيلحقنيش و اخر فترة كنت بحلم دائما إني باكل شعر او اكل في شعر كنت بقوم من النوم حاسه اني بموت بدأت ابعد عن القرآن والصلاه و مش قادرة حتي استغفر و مبقتش بسيطر علي تصرفاتي لدرجة اني قصيت شعري برغم اني عمري ماقصيته و لحقوني قبل ما اقص لساني بدأت تجيني نوبات صرع مكنش حد يقدر يسيطر عليا الموضوع زاد عن حده.. للكاتبه نورهان أحمد فتحي .. قرر بابا ياخدني لدكتور نفسي لما كشف عليا قال اني عندي اكتئاب وفي حاله متأخرة وكتبلي مضادات اكتئاب و طبعا مفيش اي جديد بدأت اتعب اكتر ..حالتي تدهورت جدا لدرجة أن ماما كلمت اصحابي عشان الحق اودعهم كلهم جم ماعدا هدي .. مكنش في بالي حاجة لأني كنت فعلا بموت .. لكن بابا جه بعد كام يوم من توديعي لاصحابي و قالي أنه معاه إمام الجامع اللي عندنا في الشارع صلوا في الجامع وبابا حكاله حالتي وطلب منه أنه يدعيلي معاهم ساعه صلاه الجمعة ..للكاتبة نورهان أحمد فتحي.. لكن الشيخ بعد ما خلصت الصلاه و دعالي طلب من بابا إنه يرقيني عسي أن الموضوع في جسد او مس لانه شاكك في كدة بابا وافق علي طول وقال إزاي مجاش في بالي الموضوع ده طبعا أنا من أول ما دخل الشيخ مع بابا وانا مش فاكرة حاجة غير اني حسيت اني خائفة جدا و بعد كدة فقدت الوعي وحلمت اني في المقابر و في واحدة شكلها بشع يتدفن حاجة في مقبرة مفتوحه من المقابر و جابت خصله شعر بيضا وحرقتها و أخدت رمادها علي تراب من المقابر و حطيتها في ورقة وإديتها لواحدة و يتتقلب الاحداث وبشوف اليوم إللي هدي جاتلي فيه و اني لما رحت اجيب السكر هي حطتلي حاجة في النسكافيه وكانت نفس الورقة اللي كانت مع اللي كانت مع الست اللي في المقابر ..
اول ما بدأت افوق لاقيت إني حواليا اكتر من شيخ و إن فيه ماية مغرقة وشي .. حسيت بألم شديد في معدتي وبدأت ارجع مادة سودة و شعر كتير لدرجة إن كان في شعر لسه في زوري و الشيوخ يذكروا الله و يقولولي كملي يابنتي شفاك الله و عفاك ولاقيت هدي بتعيط في زاوية في نفس الغرفة اللي احنا قاعدين فيها والكل بيبصبها بغضب وبعد ما هديت و الشيوخ خلصت قراية عليا اتفقوا إنهم هيعملوا كام جلسه كدة لحد ما اتعافي .. بصيت لهدي وقولتلهم
سمر : ايه اللي جابك هنا أنا شوفتك وشوفت كل حاجة في الحلم انتي ايه معندكيش دم ... ازاي تعملي فيا كدة .. لا وجايه لحد هنا برجلك ..
بابا : واحدة .. واحدة عليها يابنتي اسمعيها
الشيخ : طيب نستاذن إحنا
ماما: أنا هقعد هنا معاهم مش هسيب بنتي روح انت وصل الشيوخ يا حاج
هدي : أنا عارفه اني مليش حق إني اجيلك و انك ممكن عمرك ما تسمحيني لكن أنا مفيش في أيدي أي حاجة أنا كنت مضطرة
ماما: ايه اللي خليكي تضري انك تعملي في صاحبتك كل ده
هدي: أنا هفهمكم فاكرة يا سمر الجروب بتاع الشيخه سحر
سمر : اه
هدي : الجروب ده أنا دخلته من سنه وكنت عاوزة أفسر حلم ليا و دخلت وكلمتها و قالتلي نفس الكلام اللي قالتهولك .. لكن أنا مكنتش زيك أنا كنت مرتبطه بشاب وكنت بعتاله صور و يعني حصل بينا تجاوزات يعني مش عاوزة أفسر اكتر من كدة فطبعا اول ما قالتلي الكلمه دي و ارتبكت قالتلي لازم تقولي عشان الشخص ده عملك سحر فقولتلها كل حاجة حصلت و بعتلها صور ليا و اكتشفت في الاخر أنها طلبت مني فلوس كتير أوي مقابل أنها تخلصني من السحر ولما قولت مش معايا المبلغ دة فضلت تهددني بالصور و الشات إنها هتفضجني في الجروب و عند بابا وماما في الشغل لأني حكيتلها كل حاجة عني بدأت أسرق فلوس من ماما و بعد كدة بدأت تقولي طالما مش هتدفعي اعمليلي خدمات ... للكاتبة نورهان أحمد فتحي.. كانت الخدمات عباره عن إني ادخلها بنات الجروب و اسهل علي جوزها و ابنها إنهم يتعرفوا علي البنات دي و يحصل مابينهم كلام و يتقابلوا .. الخو في الاخر يهددوهم واللي معندهاش حاجة تتمسك عليها يسحرولها عشان تكلمهم وتدفعلهم فلوس عشان تفكلهم السحر هو ده والله اللي حصل أنا مكنتش عاوزة حاجة من دي تحصلك بس هي راحت الشغل عند ماما وهددتني أن الزيارة دي مرت علي خير لكن المرة الجايه هتبقي كل حاجة عملتها ومكالماتي وكل حاجة عند ماما وهتفضحني
ماما بغضب : يانهار مش فايت كل ده يطلع منك ياهدي الكلام ده مايتسكتش عليه أنا لو اعرف ان اخلاقك كدة كنت عمري ما دخلتك بيتي ... وانتي ياسمر مقولتليش ليه حكايه سحر دي
سمر : ماجاش في بالي ياماما موضوع مش مهم مكنتش اعرف أن صاحبتي هتوقعني في مصيبه
ماما : الست دي لازم يتبلغ عنها
هدي ببكي : لا ونبي ياطنط دي ممكن تفضحني أو تموتني
ماما : قليل عليكي والله ياهدي
هدي : ارجوكي سامحيني
ماما: الست دي معاكي الشات اللي بتبتزك بيه
هدي : اه .. ليه
ماما : من غير ليه انتي تنفذي اللي بقوله بس وبعد ما اطلعك من الأرف اللي وقعتي نفسك فيه لاتشوفي بنتي ولا تعرفيها انتي فاهمة ولا لا
سمر : هتعملي ايه يا ماما ؟
ماما : هعمل اللي المفروض يتعمل لواحدة زي دي ارتاحي انتي دلوقتي ياسمر .. وانتي يا هانم تعالي معايا نشوف المصيبه بتاعتك .. للكاتبه نورهان أحمد فتحي
طلعوا بره وانا سامعه ماما بتكلم خالي ظابط بس في الجيش وبتحاول تعرف ازاي نحبس الست دي بتهمة الدجل وفعلا جه خالي وسمع مني ومن هدي .. و أخد موبايلاتنا و بدا يسأل بحسابات مزيفة منها إللي كان حساب بنت ومنها اللي كان شاب كان يسأل عن الست دي و اكتشف بلاوي وبنات دخلت في الخاص حظرته منها وأنها ست مش كويسه وبتستغل البنات و قدر يقنع البنات أنهم يقدموا بلاغات وبالفعل ماما قدمت بلاغ و اكتر من بنت.. وهدي مكنش ينفع عشان كانت هتتحبس معاهم وبالفعل الست طلعت مش اسمها سحر طلع ليها اسم تاني ومسجله بيه في قضايا نصب ودجل واتحبست هي وجوزها وابنها وفضيحتهم بقت في كل مكان وجروب والجرايد كتبت كمان عنها .. أنا طول الفترة دي بتعالج وبحاول اعرف اللي اللي حصل في الجلسة الأولي الكل رافض يحكي لكن بما ضغط علي ماما قالتلي إني اتكلمت بصوتي عادي وقولتلهم كل إللي حصل وان روحي محبوسه في عالم تاني و السبب سحر اتعملني وشربته واني فضلت اصرخ بإسم هدي واول ما دخلت الغرفه حاولت اخنقها لولا أن الشيوخ وبابا كتفوني حاولت اعرف اي معلومات تانيه رفضت بشدة وقالتلي أن الشيخ حلفها ماتقول .. وانتهت تجربتي هما .. اتمني إننا مانعملش حاجة غلط و إننا مهما غلطنا نعترف لأهلنا مهما كانت النتيجه .. الأهل هتقدر تنقذ تحتوي تنهي مواضيع إحنا منقدرش نحلها حتي لو كان العقاب شديد .. الطبيعي إننا لو غلطنا تعاقب نفسنا علي اللي عملناه الأهل ممكن يكونوا معاملتهم وطبعهم شديد لكن في النهايه هيقدروا يحلوا الموقف لأنهم بيحبونا حتي لو مظهروش لينا ده
................النهاية............
#الكاتبة_نورهان_احمد_فتحي
#قطي_طبيب_من_الجن
#عهد_مع_الجن
#اعماق_الدارك_ويب
#جلسات_مع_صديقة_الشيطان
#رعب_وغموض_مع_نورهان_احمد
🤗🤗🤗
تعليقات
إرسال تعليق