جلسات مع صديقة الشيطان

#جلسات_مع_صديقة_الشيطان

#الجلسة_٣

#ممنوع_السرقة_هحبسك

#غراب_جهنم

جاهزون يا ابطال

اسمي هبة طول عمري بحس ان في حد بيتكلم في ودني من وانا في ٣ ابتداىي مكنتش فاهمة حاجة ولا عارفة مصدر الصوت ده ايه ولا مين... ساعات كنت احس ان في حاجة هتحصل واشوفها قبل ما تحصل و بالفعل بتحصل مكنتس مدركة دة ايه... كبرت شويه لحد ما بقيت في ثانوي وكانت بداية معرفتي بسبب إللي بيحصلي....اتعرفت علي صديقة اسمها شيماء عرضت علينا في الشلة نروح معاها البيت نحضر جلسة لطرد الجن من بنت قريبتها.... بس قالت إللي قلبها جامد هي بس اللي تيجي ... رحت انا و ٣ اصحبنا صلينا المغرب وقعدنا وجه الشيخ وحنا قاعدين....

 قال : اقرؤا آية الكرسي بعد الجلسة ما خلصت لقيت البنت قريبة صاحبتي دي بتقولي علي فكرة انتي معاكي حاجة كويسة انا شايفاه واقف وراكي ماحطتش الكلام في دماغي ومشيت ... بعدها بفترة بابا جاب في البيت كتاب من واحد صاحبه من باب حب الإستطلاع و الفضول و كان مخبيه في اوضته بس أنا كنت عارفة مكانه مش عارفة إزاي بس كنت عارفة كان عندي فضول اوي افتح الكتاب استنيت في يوم الكل يمشي من البيت وبقيت في البيت لوحدي.... طلعت الكتاب وبقلب في صفحاته جذبني مقطع مكتوب الي الملوك السبعة نصفها ثلج ونصفها نار اقسم عليكم ب حق ...... و...... وبحق .....أن تأتوني مسرعين مكبلين ...قريت المقطع عادي كان عامل زي قسم أو دعاء حاجة كدة نفس الشكل بس فيه ٣ كلمات مش مفهومين مقدرتش اقرأهم المهم قفلت الكتاب ورجعته مكانه و تاني يوم كلمتني صاحبتي عشان نروح جلسة طرد الجن و بالفعل ... رحنا تاني جلسه مع صحبتنا لقيت الشيخ حامد بيقطع الجلسة و بيبصلي و بيقولي أنه شايف فيه كيان معايا وقالي استني بعد الجلسة ماتمشيش

 سألني علي احلامي لو بتحصل أو بتتكرر 

 قلتله اللي بحلم بيه بيتحقق وساعات بشوف وانا قاعدة مواقف زي مشاهد و بتحصل بردو سألني حلم بيتكرر قلتله كوابيس كتير مختلفه لكن الاحداث واحدة تقريبا و اكتر واحد بيتكرر إني بحلم أن فيه مجموعه من الافيال بتجري ورايا عايزة تإذيني وبيجي حصان ابيض بيلحقني و بيخلصني منهم 

بعد ما سمع قالي هتحتاجي جلسة عشان انتي ممكن يكون عندك مس..... وقتها كلمت خالي ووالدتي وخطيبي وجه الشيخ وبدأ قراءة شوفت ظلال كتير واقفين حوالين واحدة واقفة في الصحرا وفوق رأسها ٧ غربان .... كل ما يقرا قرآن يتحرق واحد منهم و البنت بقي شعرها منكوش وعمالة تلف حوالين نفسها و أنا شايفة نفسي واقفه قدامها مصدومه .

 الشيخ قال : سبيها وامشي لقيت...و أنا ماشية لاقيت قصر كبير وقفت قدامه مسكت مقبض الباب عشان افتحه ...

الشيخ قالي : لا اوعي تدخلي سيبيه و أمشي مشيت لقيت ناس شكلها مش واضح مع قرأة الشيخ القرآن لقيتهم ٧ مربوطين في جزوع نخل وفوقهم غراب كبير متسلسل بسلسة نازلة من السما

الشيخ قالي : متخافيش مش هيقدر يعمل حاجة اكتر من كدا و فضل يقرأ و الغراب يعمل صوت مرعب و يرفرف بجنحاته بشكل مرعب و أنا فضلت أجري و سامعه صوت الشيخ بيقرا القرآن لحد ما شوفت طاقة نور جريت ناحيتها صحيت لاقيت في دموع كتير علي خدي وجسمي متكسر..

 سألته حصل ايه؟

قالي : إن كان معايا حارس طيب كان بيحميني لحد ما قريت في كتاب السحر ده و إن هو اللي بينقذني منهم كل مرة لكن هو مشي بسببهم و إن معاهم جنية قوية هي سبب الاحلام و الكوابيس و إنها مش هتمشي من جلسة واحدة و إنه لازم يقابل بابا ويعرف هو عمل ايه بالكتاب و هو حضر الجنية دي ليه.

 اللي أنا فهمته إن الجنية دي بنت ملك من ملوك الجن و إني مش أنا اللي حضرتها ...إن بابا إللي حضرها إن الكتاب هو سبب كل إللي حصل و الأذية دي .

 الكلام دة قبل رمضان وكان في جلسه بعد رمضان بعد العيد بس اتجوزت ومجاش الشيخ تاني بس كل فترة بشوف السبعة اللي مربوطين في النخل ... ارجع اقرأ القرآن و الورد اللي الشيخ كان قالي عليه و انسي الموضوع..

 بس بقيت لما أشوف حد فيه سحر او مس احس بيه و ارقيه و مع مرور الزمن نسيت الموضوع وفي يوم بعد ما خلفت ولد وبنت .. و في يوم كنت بحلم إني مخنوقة و متكتفة و إن الجنية دي قاعده جنبي علي السرير وبتبصلي بغضب شديد .. لقيت بنتي بتصحيني بسرعة و الخوف و القلق باين علي ملامحها .... وبتقولي: ماما ... ماما قومي البنت اللي بشوفها كل يوم واقفة ورا باب الأوضة أو جنب السرير قاعدة جنبك علي السرير وبتبص عليكي .

************النهاية************

الي اللقاء في جلسة أخري من جلسات صديقة الشيطان 

القصص الكاملة علي صفحة الفيس بوك Norhanne ahmed - نورهان احمد 

#جلسات_مع_صديقة_الشيطان

#غراب_جهنم

#الكاتبة_نورهان_احمد_فتحي