جلسات مع صديقة الشيطان

#جلسات_مع_صديقة_الشيطان

#الجلسة_الثانية 

#نورهان_احمد

#ممنوع_السرقة_هحبسك 

#شبح_المقابر 

أنا اسمي حسين من مصر من محافظة الغربية المنطقة إللي انا عايش فيها لازم اي مواصله تعدي علي المقابر وده كان عادي بالنسبة لي مكنتش بحط موضوع المقابر ده في دماغي لحد ما في يوم العربية اللي راكب فيها عطلت عند طريق المقابر ده قبل المقابر بشويه .... ونزلنا كلنا من العربية و أنا قررت اني اتمشي للبيت عشان الطريق مش طويل و يومها الجو كان حلو كان الوقت بين المغرب و العشا و بالفعل مشيت و عديت من علي المقابر وقولت ادخل اقرأ الفاتحة لجدي و امشي دخلت وقررت الفاتحة حسيت إن في حركة غريبة في المدافن ....(نورهان أحمد فتحي )

حاولت أركز أشوف مين سبب الحركة دي معرفتش احدد الشكل شوفت واحد لابسه طرحة سودا و بتجري بسرعه مبالغ فيها أنا استغربت ..... رُحت عند المكان اللي كانت واقفه فيه ملاقتش حد واقف لكن رقيت ورقه كدة كان فيها حروف و ارقام و رموز و مش محتاج أقول إنها كانت عمل او سحر لأنها كانت كدة فعلاً.... أثناء ما كنت بحاول أفهم الكلام ده حسيت ببرودة شديدة في جسمي ... حسيت كأن في شخص بيدفعني اني اطلع من المقابر ، و بالفعل قررت اسيب الورقة في مكانها و أطلع أجري من المقابر و مدخلش ابدا في الوقت ده عند المنطقة أصلاً....لكن و أنا طالع سمعت حد بينادي عليا فبصيت ورايا أحدد مصدر الصوت جاي منين ....شوفت شاب من بعيد بينادي و بيشاور ملامحه مش باينه ياحسين ....ياحسين تعالي حاجة جوايا بقت تقولي متسمعش كلامه اهرب ..... أهرب كنت كل ما اجرب احس اني بجري في مكاني لحد ما سمعت آذان العشاء لاقيت قدامي راجل كبير جدا في السن بصلي بغضب و مسك ايدي و شدني في لحظة كنت بره المدافن كلها وقالي الأماكن دي ليها معاد للزيارة متجيش هنا تاني أنت ضيف غير مرغوب فيه ولو فكرت تيجي تاني متجيش في الوقت ده ... رديت علي الراجل ده وانا كلي فزع ححاضر ...حاضر ورجعت البيت و أنا مش عارفه أنا مشيت الطريق ده إزاي كل إللي فاكرة اني كنت بردان ومتلج مع إننا كنا في أغسطس .... بابا و ماما قلقلوا عليا و سألوني ايه سبب حالتي دي قولتلهم إللي حصل قالولي مكنش ينفع تروح في الوقت ده و اتخانقوا معايا بعد شويه سابوني ارتاح و أنام عشان حالتي وقتها كانت صعبه جدا و بمجرد ما خرجوا من أوضتي نمت .... بس الكارثه بقي إني نمت وحلمت بالشاب ده دخل علينا البيت وكلنا كنا قاعدين أنا وماما وبابا واخواتي وعمتي وبصلي بغضب شديد اوي وراح عند عمتي و مسك ايديها واخدها معاه ومشي وهو طالع من البيت قفل الباب بقوه شديده اوي لدرجة أن البيت كان بيتهز كأن فيه زلزال لدرجة إن حصل شروخ في جدران البيت وقمت من الحلم علي كدة و أنا كلي خوف و رعب علي عمتي أول حاجة جت في بالي اني اتصل بيها اطمن عليها ..... وفعلاً اتصلت لاقيتها كويسه جدا 

*نورهان احمد فتحي *

وسألني عن سبب الاتصال قولتلها إني بس بطمن عليها و من يومها و أنا بشوف نفس الحلم كل يوم و مش بس كدة أنا كل ما اركب اي مواصلة تعدي من قدام المدافن بشوف الشاب ده قدام المدافن بيبص عليا فضلت كدة لمدة أسبوع لحد ما دخلت البيت في يوم لاقيت الكل حزين و بيبكي ولما سألت .... قالولي إن عمتي ماتت وإني لازم الحقهم علي المقابر أنا فضلت ابكي وحسيت إني السبب و من يومها و أنا أي حد في العيله أو في المعارف أو القرايب بيموت بحس و بحلم إنه هيموت بس اللي خايف منه إن بقالي فترة بشوف خيالات كتير في الشقة و اختي بتحلم بكوابيس مرعبه وبتقول إني أنا السبب في اللي هيا فيه و إن كان بإيدي أساعد حد معملتش كدة و سيبته يتعذب و إنه بيتعذب بسببي أنا .... كلام اختي وجعني وبقيت مش عارف اعمل ايه ولا عارف مين الشخص اللي أنا اتسببت في أذاه و كان ممكن تساعده و معملتش حاجة ... بس أنا كل ما بيحصلها حاجة أو بتقولي الكلمه دي مش بفتكر غير الورقة إللي مسكتها ورميتها من ايدي في المقابر هناك وجريت .... مع العلم إني مدخلتش المقابر تاني حتي في دفنه عمتي .....

 ************النهاية***********

#جلسات_مع_صديقة_الشيطان

#الكاتبة_نورهان_احمد_فتحي

#قطي_طبيب_من_الجن

#جن_المرايا

#دمي_بشرية

#إبنة_الشيطان

#تماثيل_تتحدث

#الجلسة_الاولي