جلسات مع صديقة الشيطان ١

#جلسات_مع_صديقة_الشيطان

#الجلسة_الاولي

                    ****************

أنا اسمي نادية عندي ١٨ سنه لسه بدرس عايشه في اليمن  من فترة انتقلت لبيت جديد كان جميل جدا و اكبر و أوسع من البيت القديم مكنش فيه أي حاجة بتحصل فيه كان هادئ جدا و احنا كنا مستقرين فيه لحد اليوم إللي صحينا فيه علي صوت هبدة أو خبطة قوية جداً علي الارض طبعا كلنا اتفزعنا علي الصوت ده وصحينا و كل الناس اللي كانت ساكنه معانا في البيت ده لانه كان مكون من ٣ ادوار وفتحنا الباب لاقينهم كلهم طالعين زينا يعرفوا فيه إيه كلهم طلعوا ما عدا شقه الشيخ زين مفتحش حتي الباب يعرف فيه إيه طبعا بعد ما كلنا إطمنا علي بعض ونزلنا لحد الشارع ملاقناش حاجة طلع بابا و الشباب اللي في البيت كلهم يشوفوا السطح و يطمنوا علي الشيخ زين لانه كبير جدا في السن 

و طبعا ملاقوش حاجة و راحوا للشيخ زين لاقوه بخير ولما سألوه قالهم عادي ماحطتش في بالي الصوت و طبعا الكل استغرب لأن الصوت كان مسموع وواضح و بعد كدة بابا طلع و قالنا خل و نقفل الباب و إن مفيش حاجة بس أنا منمتش يومها لأني فضلت طول الليل سامعة صوت انين حد كأنه بيلفظ أنفاسه الأخيرة و من بعدها كل يوم في نفس الساعه اللي كان فيها صوت الخبطة دي في صوت حد بيجي ينادي عليا و يقولي هما السبب انا مليش ذنب قومي يانادية الحقيني فضلت كدة اسبوع رفضت الاكل و الشرب اعصابي تعبتني بقيت انهار من العياط و البكاء و اخبط راسي في الحيط عشان الصوت ده يطلع من دماغي بقيت أشوف ظل بيجري في الشقه كل يوم في نفس الساعة لأني بطلت أنام بقيت اقرأ قرآن و أصلي و أنا مش سامعه غير صوت البكا و و الأنين ده و في يوم حلمت أن فيه شاب قاعد علي سطح البيت بيعيط و حزين جدًا طبطت عليه و سألته عن سبب حزنه قالي إن والدته خانت أبوه مع صاحبه إن لما شافهم مع بعض مستحملش الصدمه و فقد النطق ٣ أيام كان بيبصلها بكل حزم مصدوم فيها  ولاقيته فجأه قام وجري و نط من السطح وقع سايح في دمه في المدخل و الاسعاف جت كأني بشوف فيلم و اخدوه المستشفي و كان لسة عايش مامتش بس كان في غيبوبه لمدة أسبوع  لكن  والدته صاحبه خافوا يعترف عليهم لما يفوق و الشيطان لعب بدماغهم و فصلوا عنه المحاليل و الأجهزة و قالوا إنه خلاص مات وبالفعل اخدوه المدافن كل ده أنا شيفاه قدامي زي الفيلم و أنا مش قادرة اعمله حاجة فضلت أعيط و ادعيله و اصرخ في وشوش الناس أنه لسه عايش مامتش وشوفته و هو بيتحرك جوا الكفن و هما بيدفنوه عايش مقدرتش استحمل و قعدت علي الارض أعيط لاقيت حد بيخبط علي كتفي وبيقولي عرفتي أنا اختارتك ليه ؟كان هو ....هو الشاب اللي أدفن ده.... صحيت من النوم علي صوت ماما وهي بتقولي بسم الله الرحمن الرحيم مالك يا حبيبتي انتي بتتشنجي كدة ليه .... أول ما فوقت بصيتلهم كلهم بزهول و حاولت افتكر أنا شوفت صوره الشاب ده فين ..... افتكرت أن أول ماجينا البيت ده جارتنا عزمتنا عندها و شوفت صوره ابنها هناك بس متكلمناش خالص لكن حالتي كانت بتسوق اكتر في اكتر لدرجة اني مبقتش بقدر اتكلم مع حد وبشك في كل إللي حواليا لحد ما بابا كلم الشيخ زين بحكم إنه إمام الجامع إنه يرقيني و فعلا رقاني و مكنتش حاسه بحاجة ولا اتكلمت بصوت غير صوتي أنا قعدت أعيط و اقول كفايه 

...كفايه من غير سبب أنا فعلا مكنتش حاسة بحاجة 

و اتكلم مع بابا و حكاله إن الخبطة إللي سمعناها دي بتحصل كل سنه في نفس اليوم و المعاد بالثانية و السبب إن فيه شاب و قع من السطوح في مدخل البيت و شاب كان محترم و الغريب إللي حصلي لأن ده عمره ماحصل في السنين اللي فاتت و إنهم بالكاد بيفتكروا الواقعه دي لأن مر عليه ٣٠سنه ...مش هنكر اني بقيت احسن و إن الظلال خفت روايتها و إني مابقتش بسمع صوته كتير لكن من وقت لتاني يشوفه واقف في مدخل البيت بيبتسملي و يقولي شكرا ... مابقتش اخاف منه بس أنا معرفش سبب شكره ليا ايه حتي الان.......

انتظروا جلسات القادمة

#الكاتية_نورهان_احمد_فتحي

انتظروا الأجزاء الأخيرة من 

#قطي_طبيب_من_الجن (#القمر_الدموي)

#اشفق_علي_نفر_من_الجن

#لازال_قرينه_ينتقم

#الزار

#مملكةوديان

#مقالات_غامضة

نهاركم سعيد و مساكم ورد