نركز مع بعض كدة ياجماعه عشان القضية دي غريبة غريبة غريبة ٣غريبةفي يوم من الايام في فترة من الفترات في سنه من السنين ١٩٥٧تحديداً يعني كان في طفلة جميله عندها ٤سنين إسمها ماري جين باركر راحت قالت لمامتها ياماما أنا رايحة العب مع ماريا جارتنا و الكلب بتاعها في الحديقة و للأسف مامتها وافقت أمهات اخر زمن المهم البنت راحت لصاحبتها وقعدت ولعبت و إتاخرت فالأم ققرت تروح نجيبها من عند صاحبتها راحت ورنت الجرس فتحت مامت ماريا وقتلها ايه بقي قال إيه ماري أخدت ماريا وراحوا لعبوا وماري لما جت مادخلتش البيت اصلا وهي مروحة مشافتهاش بردو طبعاً الام إتجننت يعني إيه بنتك في البيت وبنتي مجتش ولا دخلت عندكم و بدأ البحث عن ماري في ولاية نيو جيرسي وتم الابلاغ عن اختفاء ماري ذات الأربع سنوات مش بس اهل البنت والشرطة اللي كانوا بيدورو عليها لا كمان الأهالي المجاورين ولما فقدوا الأمل و شكوا في إنها مخطوفة بدأ الام والاب يطلعوا في التلفزيون ويخاطبوا الخاطف إنه يرسل البنت لأقرب كنيسة أو حتي يرجعها بفدية فضل البحث قائم بعد كدة لمدة أسبوع الكنيسة بتدور والشرطة بتدور والأهالي في في نيو جيرسي كلها تقريباً كانت بتدور حتي الfbi ‎تدخل وكان بيدور لدرجة إن عملية البحث عن ماري كانت وقتها إسمها أكبر عميلة بحث في تاريخ ولاية نيو جيرسي ومع ذلك مقدروش يتوصلوا لحاجة تخيلوا حاجة غريبة مش كدة الأغرب جاي بقي بعد اختفاء البنت بكام يوم كان وصل اتصال لاهل الطفلة من المخطتف وإنه عاوزة فدية ٥٠٠دولار عشان يرجعها لما الشرطة توصلت ليه وحققت معاه و اكتشفوا أنه مش الخاطف وإنه كان مجرد مقلب بعد كل البحث إللي دام اسبوع متواصل وشرطة فتشت كل البيوت تقريبا مقدروش يتوصلوا لأي حاجة غير اثار اقدام طفل والراجل وجرو صغير بالغ في اتجاة بحيره ، كان في مجرم سابق في الفترة دي إسمه فيرين لوفرينج ده كان مشهور بإنه بيتحرش بالأطفال ومهتم بقضايا كتير من النوع ده وبالصدفه الباحتة في التحقيقات ناس شافوه واقف عند بيتها قبل الحادثة ولما جابوا وحققوا معاه وفتشوا بيته ملاقوش أي دليل عليه إن ليه أيد في القضية دي غريبة مش كدة الأغرب اوي بقي إن بالصدفة الباحتة تاني ماريا واهلها يحبوا ينقلوا بعد اسبوع من اختفاء ماري ويروحوا بيت لسه مبني جديد عشان يشوفوه فبالصدفة بردو فتتسحب ماريا وتطلع أوضة من الأوض إللي بالصدفة فيها دولاب فاتفاح الدولاب فتلاقي الكلب بتاعها بينط عليها وبتتفاجئ بوجود ماري في وضعيه الجلوس بدون أي إصابات في الخزانة طبعاً كانت صدمة و الشرطة حتت وحققت وكان تفسيرها غريب جداً وهو إن البنت دخلت بشكل أو بأخر الخزانة الدولاب يعني و قفلت الباب بالغلط ومكنش الباب سهل تفتحه تاني عشان كان في مشكله ومن الصعب إن طفله في عمرها تفتحه مع العلم إن ماري كانت اربع سنين و ماريا إللي فتحته كانت ست سنين يعني طفله بردو وطبعا الطب الشرعي والتحقيقات قالت إنها قعدت ٣ايام عايشة من غير أكل و لا شرب وكانت بتتنفش من ثقب في الدولاب كانت بتتنفس منه وماتت في اليوم الرابع ومفيش حتي اثار لأي حاجة في معدتها غير إنها كانت شارب حليب بالشيكولا يوم الاختفاء وكمان كان في اثار خربشة في الدولاب قالوا إنها منها ومن الكلب الصغير محاولة منهم لفتح الباب وإن الكلب عاش وهي لا عشان النوع ده يقدر يعيش فترة كبيره بدون اكل بالإضافة إلي إنه اتغذي علي فضلاته الأغرب والإعجب بقي إن أثناء البحث تاني يوم من الاختفاء و قبل ما ماريا تروح هي و أهلها البيت ده الشرطة دخلت وفتشته والأهالي ولا سمعوا صوت كلب ولا صوت حتي البنت بتنادي علي حد و انتهت القضية علي كدة إنها ماتت من الخوف والجوع في ولاية فلادفيا بقي في نفس يوم اختفائها تقريبا يوم ٢٥ فبراير ١٩٥٧ لاقوا طفل مقتول في صندوق كرتون وكانت اسمها قضية طفل الصندوق و اتسجلت ضد مجهول ايه بقي التشابه اللي يخلي الناس تربط بين الجرمتين أنا اقولكم اولاً بين فلادفيا و نيو جيرسي ١٠كيلو وقتها كان ساعة ونص بين الولايتين بالعربية ثانياً الاتنين اتفقدوا في نفس اليوم بس واحد لاقوه والتانية لا ثالثاً التشابة بين جثة الطفل والطفلة نفس العمر الاتنين ٤سنين ، نفس لون البشرة الابيض ، الاتنين شقر ، والاتنين نفس الملامح تقريبا والاتنين اتلاقو في أماكن مغلقة من اربع جهات صندوق ودولاب والناس كانت في حالة فزع بسبب الحادثتين وبدأو يرجحوا أن أكيد فية قاتل متسلسل هو إللي عمل الجريمتين لكن مكنش فيه دليل قاطع للأسف فقضية الطفل كانت ضد مجهول وقضية ماري كانت وفاه طبيعيه وللاسف ماتت يوم عيد ميلادها هل بعد ما قريتوها حاسين أنها كانت موت طبيعي ؟ طلعوا المحقق كونان إللي جواكم وقولوا رأيكم في التعليقات