خطوط نازكا

#خطوط_نازكا 

من اغرب الاكتشافات إللي ممكن تسمع عنها هي خطوط نازكا ، سلسلة من النقوش الصخرية القديمة ترجع لحقبة بين (٤٠٠:٦٠٠)م تقريبا و هي (جيوغليف ) يعني تصميم  أو رسم كبير و ضخم بيعدي الاربعه متر او اكثر ، النقوش دي موجودة في صحراء نازكا جنوب جمهورية بيرو و بتمتد الرسومات دي علي هضبة قاحلة ل٨٠كم  مناخها جاف جدا و الهضبه دي بين بلدتي نازكا و بالبا .... طيب ايه بقي الخطوط دي عبارة عن إيه واكتشفوها امتي ؟

الخطوط دي عباره عن رسومات لحيوانات و طيور و بشر و اتوجدت سنه ١٩٦٢ تقريبا ، لما قرر اتنين من علماء آثار الاول بيروفي الأصل و إسمه توريبيو مبيخيا و التاني اسمه الفريد كروبر كانوا رايحين يتفحصوا جبانه قديمة ناحيه جنوب غرب بلدة بيرو اكتشفوا خطوط في الصحرا الحصوية هناك خطوط كتيرة جداً طويلة و مستقيمة الشكل و في الاول فكروا الباحثين إنها خطوط ري لأن المنطقة دي جافة جدا لدرجة أن المطر بينزل فيها ٢٠دقيقة في السنه كلها و مدوهاش أي إهتمام خالص لحد تلاتينات القرن العشرين ، لما بدأت الطيارات التجارية تعدي من فوق الصحراء دي و اكتشفوا مفاجئة لاقوا إنها إن الخطوط دي بتتشاف من مناطق عليا جدا علي إنها مجموعه من الاشكال هندسية وحيوانيه وغيرها لدرجة إنهم صوروها بسبوره مرسوم عليها رسوم ونقوش عشان تتشاف من السما بدأت الأبحاث والعلماء يحاولون يعرفوا إزاي اترسمت و ازاي بقت بضخامة دي وفي نفس الوقت دقيقه جدا كدة في وقت مكنش فيه تكنولوجيا و طيران بدأوا يحطو افتراضات طبعا زي العادة إن اكيد إللي رسمها أو صممها هما كائنات فضائية و إن الرسومات دي كانت مهبط المركبات الفضائية بتاعتهم دا غير رسمه منهم كانت علي شكل رجل فضاء تبعا لكلام العلماء.... طبعا الكلام ده خد شهرة واسعه جداً بسبب كتاب إسمه مركبات الالهه من تأليف الكاتب ايريك فون و مش بس كدة ده قال في كتابه إن اكيد شعب حضارة نازكا عرفوا الطيران بشكل أو بآخر سنه ١٩٤١ صنفت إنها في قائمة التراث عالمي و اعتبروها من عجائب العالم القديم و بدأت الدراسات فيها بشكل جدي أكتر ...... المؤرخ (بول كوسوك ) لما زار المكان ده نظر لسما و الخطوط و بتمعن شديد وبدأ يلاحظ الشمس بتغرب علي نهاية أحد الخطوط دي بالظبط لما راجع تاريخ اليوم دة اكتشف إنه (٢٢يونيو ) و يعتبر اليوم ده اقصر ايام السنه بتغرب فيه الشمس أقصي الشمال الغربي وبدأت تظهر عندنا نظرية جديدة وهي أن النقوش دي ليها علاقه بالفلك والنجوم وإنهم أكيد كانوا بيستدلوا بيها في علم الفلك وقتها و إنهم كانوا بيقدروا يقيسوا بيها الانقلاب الشتوي و الصيفي وقتها من خلالها .

في اواخر التمانينات بقي بدأت تطلع نظرية جديدة نتيجة ربط اكتشافات حضارة الإنكار و نازكا و ألاقي الفخارية وقتها و هي نظرية الدينية إن الخطوط دي كانت بتترسم لآلهة المياة و المطر عشان المطر

يهبط  في الاماكن دي و إن الخطوط تحتفظ بالماية أثناء هبوطها و رأي آخر بردو وهو أن كانت بتقام و قوتها الحفلات و المناسبات إللي اتسمت برقصات المطر  فكانت بتترسم كنوع من أنواع الشعائر الدينية و بدأو يميلوا للاعتقاد إنها كانت لترسم للآلهة حسب معتقد الشعب ده وقتها بسبب ضخامتخا وإنها متتشافش غير من مرتفع عالي جدا بالإضافة إلي  إن أغلب الحيوانات والطيور إللي كانت مرسومه وقتها كانت بتعيش في مناطق فيها مياه وفيرة زي العنكبوت والكلب والبغبغان و طائر الطنان و النسر الأمريكي و البلشون و القرد وغيرها كتير من الرسومات هكمل كلام عنها في وقت تاني .

 هحطلكم الصور في التعليقات 

#norhanne_ahmed