خلصت الرسالة و وسببت القلم وخلعت نضارتي و رحت بعد يوم طويل لسريري أنام و أرتاح حلمت حلم غريب أوي حلمت إني في مكان مظلم كاحل مفيش فيه أي ضوء و أنا فيه نايم حاولت أقوم اتخبط في دماغي كأني نايم في صندوق ومقفول عليا بدأت أسمع صوت بره زي حد بيغني اغنية حزينه صوت نواح و أنا عمال أخبط علي الصطمكان المحبوس فيه و أقول هاتي ياناس أنا هنا أنا عايش أنا هنا سمعت صوت ضحك من بره و حد بيقول إنت ميت خلاص مفيش حد هيقدر ينقذك حاولت اكسر الصندوق فضلت أخبط بإيدي ورجلي في الصندوق لحد ما اتكسر طلعت منه عشان ألاقي نفسي في حفرة كبيرة أوي حاولت اتسلق الجدران كان صعب جداً بس حاولت للنهاية وبالفعل طلعت لاقتني في نص صحرا مفيش اي حد ولا ايه حاجة فيها مش سامع غير صوت الرياح و شايف باب كبير علي مرمي البصر كأنه باب دوله من ابواب زمان شكله غريب .....قديم و ضخم كنت ماشي ناحيته كل ما اقرب لون المكان يبقي أحمر كأن في ضوء أحمر بينور في المنطقة ،،،،قربت جدا من الباب حاولت افتحه و كنت بدفعه بكل قوتي جالي صوت من ورايا قالي : عاوز تدخل ؟
مازن : إنت مين ؟
الصوت : عاوز تدخل ...لو عاوز تدخل أنا معايا الحل
مازن : حل إيه و انت مين أنا مش شايفك .....مش قادر احدد ملامح
الصوت : أنا صديق قديم ....قديم اوي
مازن : انت مين؟ ..أظهر نفسك
بدأ الضوء الاحمر يبان شوفت كيان برأس تيس وجسم إنسان و بيمشي كأنه عنده مشكله في رجله
مش هنكر إني اتخضيت لكن ..
الصوت : متخافش مني أنا مش هئذيك لو عاوز تدخل
مازن بتوتر: إنت عاوزني ادخل ليه
الصوت : انت المنشود إحنا بقالنا سنين مستنين واحد زيك
مازن : أنا مش فاهم حاجة دي مدينتكم
الصوت : ده منفانا .... و إنت كمان اتنفيت هنا تحب تدخل وتبقي معانا ولا تموت هنا
بصراحة الجو كان تلج والرياح كانت بتعمل صوت فظيع فقررت إني هدخل ....
مازن : و ايه الحل اللي معاك بقي ؟
الصوت : إنك تشرب من الكاس ده
مازن : فيه ايه بقي الكاسه
الصوت: فيه سر العبور فيه الدفي فيه للحياة
أخدت الكاس و مسكته في أيدي
مازن : يعني ده اللي هيخليني اعيش هنا و اتسمتع بالحياه
لسه هاشرب من الكاس سمعت صوت أنا عارفه كويس بيزعق و بيقول ماااازن إيااااك لفيت عشان أشوف إيه الصوت ده لاقيته جاي من نفس الشكل تقريبا بس بدل راس التيس راس فهد لاقيت التيس بيقول : متسمعش كلامه نفذ إللي قولتلك عليه
مازن : أنا حاسس إني اعرف ده صوت مين
صوت التيس : ماتسمعلوش بقولك نفذ
مازن : و انت مين عشان اسمعلك أمر وانفذه
رد الصوت بصرخة رحت ابواب المدينة : أنا ناااااااائل
و حاول يهجم عليا لكن الفهد بدأ يبقي مكاني وصحيت علي صوت الفهد وهو بيقول
صوت الفهد : يالا يا بطل كل ده نوم آن أوان رد المعروف يالا عشان قدامنا شغل
مازن وهو بيفتح عينه : ها...مين بيتكلم ....صدمه مستحيييل ....زاهينداار!
يتبع
شير كتير بقي عشان تبقي زي الأولي واخلصهالكم بسرعه
تعليقات
إرسال تعليق