سحر في منزلي للكاتبه نورهان احمد فتحي

حياتنا اتقلبت من هدوء وسلام لتعب ومرض وخناقات حتى البيت البيت بقت حرارته عاليه جدا كانك جالس في جهنم الكل حاسس بضيق الكل بيشوف خيالات وبنسمع أصوات مرعبه ريحه البيت بشعه مهما نضفنا البيت ريحه بشعه جدا وبعد ما بدأنا نربط الأحداث اكتشفنا السر والخراب جالنا منين الحقيقه انه

#سحر_في_منزلي

الموضوع بدأ من ٤ سنين كان عمري ١٥

كانت حياتنا قبل اليوم الملعون دا مستقره هاديه الحب والود الي في بيتنا كان يخلي اي حد يتمنى يجي يعيش معانا انا منه عندي حاليا ١٩ سنه بنقلكم الي حصل معايا بالظبط بدون اي تفاصيل زياده اليوم الملعون الي بتكلم عنه دا لما جت عندنا صاحبه ماما واتخانقوا؛ ماما وصاحبتها الي كان بيشوفهم كان بيفكر انهم اخوات عشره عمر وكل حاجه عارفينها عن بعض من سنين السنين ماحدش فينا كان بيخاف منها او يتكسف منها حياتنا كلها مكشوفالها في يوم من الايام وماما بتتكلم معاها اتخانقوا جامد انا معرفش الخناقة كانت عن ايه بس الي فكراه ان سمعت ماما بتزعق فيها في التليفون جامد جدا وتقولها انتي اخر واحده كنت أتوقع انها تعمل كده في نفس اليوم لاقيت صاحبه ماما جت بليل وقعدت تخبط ماما شافتها من العين السحريه ومرضيتش تفتح فضلت تخبط تخبط تخبط ماما مش راضيه تفتحلها ابدا

وبعد شويه بدأت صاحبه ماما اسمها مرفت بالمناسبه تعيط جامد وقعدت تقول لماما انتي ازاي تصدقي كده عليا انتي ازاي تصدقي اني ممكن اعمل كده فماما راحت فتحتلها

ماما : قومي يامرفت قومي نتكلم جوا

مرفت : انا مش مصدقه ان انتي تصدقي عليا كده انتي ياسمر

سمر : بصي انا مش مصدقه بس حتى لو مش انتي الي عامله كده فأنتي سبب في الي حصل

شويه وبابا جه وبابا عمره ماحب صاحبه ماما دي ودايما يقولها انا بكرها وبحس انها اكتر واحده حاقده وهتوديكي ورا الشمس لو مشيتي وراها

بابا : سلام عليكم مساء الخير

سمر : مساء الخير ياحبيبي معلش مرفت هتعد معايا انهارده عشان عندها مشكله

بابا : خير.... هي دي بيجي من وراها غير المشاكل

ماما بزعل : ايه الي انت بتقوله دا معلش يامرفت بيهزر معاكي

بابا بسخريه : اها بهزر معاكي

ماما: ثواني هحضرلك الغدا

بابا : لا كلوا انتو انا هدخل انام شبعت منوره يامرفت يارب تحلى مشكلتك

قال كده بابا بستهزاء ودخل قعد في الغرفه بتاعته

مرفت : انا همشي جوزك شكله مش طايقني انا بس جيت عشان اقولك ان عمري ما اعمل كده معاكي دا اكيد حد بيحاول يوقع بينا

سمر : حتى لو بيحاول يوقع بينا انتي كنتي عنده في الشركه بتعملي ايه

مرفت : مفيش انا كنت قريبه من هناك فقولت اعدي اسلم عليه واخليه يوصلني في طريقه

سمر : وبالنسبه للصوره الي اتبعتتلي دي دي متاخده من جوا المكتب مين كان معاكي وليه ماقولتليش انه وصلك قبل كده

مرفت : مكنش جاي في دماغي انك هتعملي كل الخناقة دي انا قولت موقف عادي يعني واحنا اخوات. عمرك ما هتشكي فيا. وبدأت بالعياط

سمر : خلاص خلاص تعالي ناكل وبعد كده نتكلم وماتخبيش حاجه زي دي عني تاني

مرفت : عمري ما هخبي حاجه عنك عمري بس انا مش هقدر اكل انا ممكن ادخل التويلت بس اغسل وشي وانزل ع طول

سمر : اتفضلي ولينا لسه كلام بس انا مش هعرف اكلمك والبيه موجود

مرفت بارتباك : طيب طيب هجيلك بكرا بدري اول ماودي الاولاد المدرسه الصبح وجوزك ينزل هتلاقيني عندك على طول

ودخلت طنت مرفت التويلت وقعدت مده طويله على واحده بتغسل وشها لدرجه ان ماما فكرتها نزلت وهي ماخدتش بالها فسألتني

ماما : منه هي مرفت نزلت

منه : لا ياماما تقريبا لسه في التويلت

ماما : متأكده

منه : انا قاعده هنا من بدري مشوفتهاش نزلت

ماما : طيب روحي خبطي عليها في التويلت كده وانا هرن عليها

منه : حاضر ياماما

وروحت وانا واقفه عند الباب وقبل ما اخبط سمعتها بتتكلم في التويلت جوا بتقول كلام وحروف وأسماء مش مفهومه و كأنها بتوشوش حد قعدت شويه بحاول اسمع مش فاهمه ومش عارفه اجمع جمله بس الي سمعته كويس اسم ماما وبابا واسمي في وسط الكلام الغريب الي كانت بتقوله، فاخبطت عليها وكلي خوف وقولت

منه : طنت مرفت حضرتك جوا لسه

مرفت بارتباك : ها اه يا حبيبتي انا خلاص طالعه اهو

اول ما طلعت سألتها

منه : طنت هو حضرتك كنت بتكلمي حد

مرفت وباين ع وشها الصدمه كأنها بتقول معقوله تكون سمعتني : ها بكلم حد لا طبعا انتي سمعتي حاجه

منه : فكرت شويه..... لا اصل ماما كانت بترن عليكي فافكرتك بتكلمي حد وموبايلك مشغول

راح التوتر عن وشها وقالت

مرفت : لا ياحبيبتي تلاقي مفيش شبكه بس

وطلعت علي الصاله

مرفت : انا ماشيه وهجيلك بكرا يا سمر

سمر : كلامنا مخلصش يا مرفت والي قولتيه مش مريحني بردو

مرفت هفهمك بكرا كل حاجة

سمر : تمام

وماما حضرت الاكل ودخلت لبابا

ماما : الاكل جاهز يلا عشان تاكل

بابا : هو انا مش قولت ميت مره الست دي ما تدخلش بيتنا ومتعتبوش تاني

ماما: ليه خايف اعرف حاجه او تحصل حاجه ولا ايه

بابا : نعم تعرفي ايه يعني ايه انا مش فاهم

ماما : تفهم بقى ولا ماتفهمش مرفت هتفضل تدخل البيت دي صاحبتي الوحيده هي الي فاضله وشيلها شويه من دماغك عشان انا بدأت اتخنق من كلامك عنها

بابا : انا قولت الي عندي الست دي داخله على خراب البيت

ماما بسخريه كأنها مخبيه سر : لاوانت خايف على البيت اوي

بابا : انتي مالك فيكي ايه بتتكلمي بالالغاز ليه كده شوفتي قعدتك معاها تلاقيها لعبتلك في دماغك

ماما : ليه طفله

بابا : بااااس لا طفلها ولا غيره انتي كبيره وعاقله يالا ياعاقله نروح ناكل

المهم اتغدينا وخلصنا ماما طول اليوم دا كانت مش طايق حد فينا كل شويه زعيق زعيق في الاخر نمنا من كتر النكد بدري وروحنا تاني يوم المدرسه والي عرفته من ماما بعد كده

انا طنت مرفت جات الصبح واتصالحوا وجابت لماما ورد كتير عشان ماما بتحبه وصباره وقالتلها ان الصبار في البيت جميل وانه بيجلب طاقه ايجابيه للمكان والهدية البسيطه دا كانت كفيله تخلص النزاع الي بين ماما وطنت مرفت وعدا اليوم دا بخير بدون اي مشاكل تالت يوم بدأنا نشم روايح غريبه في البيت في ريحه بشعه في البيت و احنا نايمين بنسمع صوت رجلين ماشية في الصاله في الأول قولنا يمكن حد من الجيران الي حوالينا مع اننا متأكدين من أن دا مش حقيقي بس كنا بنكدب نفسنا رابع يوم الموضوع تطور بجري في الصاله وصوت وشوشه كنت انا لوحدي الي بسمعه

وفي يوم سمعت ماما بتنادي عليا بليل اوي 

ماما : منه يامنه اصحى يامنه قومي بسرعه 

منه : حاضر ياماما في ايه

ماشوفتش وشها شوفتها من دهرها لابسه عبايه اول مره اشوفها لابساها شكلها غريب وطالعه بره الغرفه وانا عماله اقولها نعم ياماما مش بترد طلعت بره ونادت تاني طلعت وراها لاقيتها واقفه على ترابيزه السفره وشعرها نازل على وشها مش شيفاه وماسكه حاجه في ايديها وفجأه رفعت راسها ووجهت الحاجه الي في ايديها ناحيتي طلعت سكينه سكينه فيها دم وصرخت في وشي وقالتلي هتموتي هقتلك يامنه وانا قعدت اصرخ جامد لحد

Part2

مالا قيت ماما طالعه هي وبابا من غرفتها بيجروا عليا قعدت ابصلها اوي عشان اتأكد انها ماما وعماله أشاور بأيدي على أن كان في حد واقف هنا

ماما : خير ياحبيبتي مالك بتصرخي ليه فيه ايه

منه : ماما كان فيه... كان فيه واحده واقفه هنا شبهك عاوزه تقتلني والله يماما كانت واقفه هنا انا سمعتك بتنادي عليا طلعت لاقيت واحد شبهك ماسكه سكينه وبتحاول تقتلني

بابا : مايمكن كابوس ياحبيبتي ولا كان بيتهايئلك

منه : لا يبابا انا متأكده كنت شيفاها زي ما شيفاك كده واختفت اول ماطلعت من الغرفه

ماما : انا هاجي اقعد جنبك لحد ماتنامي او انام جنبك لحد الصبح

منه : انا خايفه اوي ياماما البيت دا في حاجه متغيره انا خايفه اوي

ماما : متخافيش ياروحي مفيش حاجه ان شاء الله كل حاجه هتبقى كويسه

ودخلت غرفتي انا وماما وكلي خوف من البيت والي بيحصل فيه عدت الليله على هذا الحال الصبح قمت وانا بستعد للمدرسه وبجهز الزي بتاعي وادواتي بفتح الدولاب لاقيت هدومي كلها عليها تراب كتير جدا وريحته وحشه وفي حشرات ماليه الدولاب فضلت اصرخ اصرخ بكل طاقتي وماما تحاول تهديني وبابا واخواتي قاموا على صوتي مهدتش بدأت ماما تاخذني في حضنها وتقرأ القرآن وقالت لا مفيش نزول لازم ترتاحي وبدأت ماما وبابا يشوفوا حل في الموضوع دا وكلمو دكتور نفسي الي بدوره معملش حاجه وقال لبابا

بابا : خير يادكتور دي ٣ جلسه ومفيش اي تحسن

الدكتور :هو انت والمدام بتتخانقو كتير

بابا : بصراحه يادكتور اليومين دول اه شويه

الدكتور: حاولوا تخفوا المواقف دي أدام الاولاد لانه بيآثر عليهم

بابا : يعني هي دي بس المشكله

الدكتور : لا مش دي المشكله المشكله الي فعلا ان بنتك معندهاش مشاكل صحيه ولا نفسيه حاجات عادية جدا الي بتحصل لأي بنت في سنها إنما باقي إلى حكته مش بتاع واحده مريضه نفسيا

بابا : تقصد ايه يادكتور

الدكتور : انا ماحب اقولها بس تقريبا كده بنتك اتعرضت لكيان او حاجه من العالم الموازي

بابا : انت هتخرف يادكتور هو انا جايب البنت عندك عشان تقول كده

الدكتور : دا تشخيصي ومن حقك تتأكد من اي دكتور تاني

بابا : متشكرين يادكتور

وقام بابا وهو مضايقوخدني ومشي واحنا ماشيين

بابا :انا مش عارفه ايه الي حصلنا ومش عارف في ايه وليه انتي اكتر حد تعبان كده في البيت

وانا حاسه اني مرهقه لدرجه عدم الرد ولما روحنا البيت لاقينا ماما قاعده مربعه في نص الصاله وبتقول حاجه بدا بابا ينادي عليها وينكشها بردو مش بترد وفجأه لقيناها ماسكه المقص وبتقص بيه شعرها بابا لحقها اخر لحظه

بابا : ايه الي بتعمليه دا ياسمر فوقي فوقي بدأت ماما تبص لبابا وتقوله انت مين وتصرخ وبعده عنها نحاول نهديها مفيش فايده وتبص لبابا وتعمل أصوات غريبه كأنه مش صوتها وتقوله بكرهك بكرهك لحد ما بابا اتصل بدكتور. جابه أداها حقنه مهدئه وبدأت تنام والدكتور قال إنها عندها انهيار عصبي اكيد حصلها حاجه تعبتها وبعد يوم طويل من المعاناه حلمت حلم غريب اوي حلمت اني في المقابر وفي قدامي جثه بتبصلي من تحت الكفن وبتصرخ جامد جدا جدا فقمت مخضوضه مكنتش اعرف ان البيت كل بيحلم احلام مقاربه للحلم دا محدش قال الا لما اتكلمت وجت في يوم حسيت ان ماما تعبانه اوي وبعدي بالصدفه من قدام الورد والصبر لاقيته دبلان اوي مش عارفه ازاي حاجه طول الوقت بتقولي أن الورد دا حالته مرتبطه بماما وانا خايفه جدا عليها فجيت في يوم بعدي من قدام الورد دا شوفت ضل..... ايوا ضل حد واقف مش وبيبصلي جامد جدا وفجأه جري ناحيتي ووصرخ في وشي واختفي

الشقه رحيتها بقت كان في حاجه ميته فيها قلبنا الدنيا مفيش وبابا كان عمال يبعد عن ماما جدا وبقي كأنها مش موجوده في البيت ومش فارقه معاه ولو كلمها يبقى خناق بيتنا معدش بيتنا معدش البيت الهادي الي الكل فيه بيحب التاني وفي مره حلمت في يوم ان حد ضرب اختي الصغيره على رأسها واحد ضخم وشكله وحش اوي قمت من النوم وانا قلقانه عليها جدا

منه : ريم انتي كويسه ياحبيبتي

ريم : تعبانه اوي يامنه دماغي بتوجعني

منه : هديكي علاج هتبقى كويسه

وروحت لماما الي كانت بدأت تتحسن شويه

منه : ماما انا حلمت ان حد ضرب اختي على دماغها روحت اطمن عليها لاقيتها بتقولي دماغي وجعاني

ماما: متربطيش الأحداث كده يا منه ممكن تكون تعبانه عادي شويه برد ولا حاجه

وراحت ماما تطمن على اختي لاقيتها فاقده الوعي وبتنزف من انفها وخدتها ماما وجريت على المستشفى ودخلت الطوارئ

الدكتور : فين الي جايين مع الطفله ريم

ماما : انا يادكتور أخبارها ايه 

الدكتور : الحاله خطر واحنا مش عارفين للأسف السبب احنا بنعمل الي نقدر عليه فضلت ماما تعيط في المستشفى لحد ما جت واحده عجوزه اوي

 قالت لماما :انتي مسحوره انتي وعيالك وبنتك الي جوا دي واخده ضربه جن وضربه الجن مفيش حد اعرفه نجي منها اما بنتك الي جنبك دي حكايتها حكايه ادعيلها ربنا ينجدها الموت هيبقى رحمه ليها ماما لسه بتقولها انتي مين وبتزعقلها فجأه ملاقناش الست قدامنا اختفت ماما فضلت تعيط وتقولي هي انا حاسه فجأه ان البيت كله انهار

بابا كلمنا وحصلنا ع المستشفى واتخانق مع ماما في المستشفى وأتهمها بالاهمال وانها السبب في كل الي بيحصل المهم احنا قعدنا في المستشفى يومين بابا بدأ يهدأ فيهم

بابا : سمر ايه الي حصلنا دا كان مستخبلنا فين

ماما : انت ضاغط عليا بدون سبب انا مش عارفه انت بتعمل فيا كده ليه

بابا : انا عارف ان الفتره الي فاتت كانت صعبه بس ان شاء الله هنعديها سوا واتفق بابا وماما على أنهم هيجيبوا شيخ يرقينا ويرقي الشقه ومن هنا بدأت

Part3

 المشاكل الأكبر الموضوع مكنش بينتهي وخاصه بعد مع بابا كلم عمي وقاله على كل حاجه

عمي : حلك عندي انا اعرف شيخ ممكن يجي يبصلك على البيت ويشوفه ويخلصكم من كل الي انتو فيه دا لان دا شكله سحر

بابا : ودا بيفهم ويعالج بالقرآن وكده

عمي : ايه..... اها طبعا دا الشيخ حسان أشهر واحد في الموضوع دا في البلد الي جنبنا انت بس تجيبله الحاجات الي هيطلبها ومالكش دعوه بالباقي

بابا : ياعم حاجات اية بقولك عاوز حد يرقي الشقه احنا كده شكلنا رايحين في حته تانيه

عمي : متقلقش ماهو هيرقيها ويطلعك الي فيها انت مش واثق فيا انا هجيلك واحد يخلص الموضوع دا واقولك هات المدام والأولاد وتعالي اقعد عندنا اليومين دول بس لحد مانشوف الدنيا هتبقى فيها ايه

بابا : لا ياحبيبي تسلم مش عاوز اتقل عليك

عمي : ياعم لا هتقل ولا حاجه دا بيت اخوك

بابا : خلاص تمام اتفقنا

جالنا بابا تاني على المستشفى حاله اختي كانت بتسوء اكتر واكتر وجه حكالنا الكلام كله

ماما : بس دا مش شكله شيخ ويعالج بالقرآن ويرقي وكده انا مش مرتاحه

بابا : مرتاحه بقى ولا مش مرتاحه يعني انتي مرتاحه في الي احنا فيه دا وجهزوا نفسكم هناخد ريم من المستشفى وهنروح لاخويا من بكرا نعد معاه عشان الي بيحصل دا وهو هيجيبلنا الشيخ هناك يشوفها ويعرف في ايه

في الوقت دا انا روحت اطمن على اختي ريم مسكت ايديها وبقيت اقولها ريم هتبقى كويسه فوقي بقى عشان انتي وحشتيني وطلعت قعدت جنبها على السرير حسيت ان ايد ريم بارده جدا فكرتها بردانه حضنتها لاقيتها انها كلها بارده جدا ووشها ازرق جدا وبوقها عليه ماده سودا جدا بحاول انادي على ماما وبابا والدكتور محدش سامعني نزلت اجري من على السرير ناحيه باب غرفه المستشفى لاقيت اتقفل وظهر من العدم حد نايم على الأرض انا كنت مفكره نايم على الأرض متغطي كله بقماش ابيض ايوة بالظبط الي في بالكم جثة متكفنه الجثه دي كانت بتتخرك جوا الكفن وبتصرخ حاولت اطلع مش عارفه حاولت اصرخ انا كمان محدش سامعني لاقيت ضل واقف ورا اختي ربيضغط على رأسها وانا اتكتفت كلي حتى لساني مش بينطق ولاقيت المكان الي انا واقفه فيه بيتغير لمكان ضلمة سواد ليل فعلا بدأت اتفك حاولت اشوف اي حاجه معرفتش بدأ احرك ايدي حواليا حسيت.... حسيت اني بلمس حاجه جامده وسامعه أصوات صراخ وانين وناس بتنادي عليا فضلت اتحر بسرعه ومتبعا الجدار الي حاطه ايدي عليه اتعثرت في حاجه طلعت سلم قعدت اطلع السلم دا عشان الاقي نفسي في مكان غريب عمري ماشفته قبل كده خراب وفيه صراخات ناس جايه من كل مكان والحفره الي طالعه منها فيه واحده ست عجوزه جدا شعرها مقصوص بتصرخ في وشي وتقولي:هتموتي كلكم هتموتو مش هرحمكم كنت يجري هي كانت بتجري ورايا ورجليها مش لامسه الأرض ولحقتني محطت ايديها حاولين رقبتي كانت بتخنقني بتخنقني اوي وقعت على الأرض وبدأت افقد وعي اخر حاجه فاكره ان عيني وقعت عليها شاهد قبر لاقيت عليه اسم اختي وضل كبير اوي اوي واسود وعينه حمرا جدا واقف وراه معرفش انا فضلت في الوضع دا اد ايه بس انا فوقت لاقتنا كلنا في البيت انا وبابا وماما وريم

ماما : حمد لله على السلامه ياحبيبتي

بابا : كنا هنموت من الخوف عليكي ياروحي انتي روحتي المكان دا ازاي

منه : ريم فين ريم فين يابابا 

بابا : ريم حالتها أحسنت شويه بعد ما الشيخ قرأ عليها في المستشفى

منه : هو الشيخ الي عمي بعته جه

بابا بسخريه : عمك ماجبش شيخ كان جايب دجال وكان هينصب علينا

منه : وانا كل دا كنت نايمه

ماما وهي بتمسح دموعها : لا ياحبيبتي انتي فجأه اختفيت من المستشفى وقلبنا عليكي المستشفى لحد ما شوفنا الكاميرات لاقيناكي طالعه من المستشفى ونتي بتكلمي نفسك

فضلنا نسأل الي قال كانت هنا كانت بتجري كانت ماشيه بتكلم حد فضلنا ندور عليكي في كل مكان ملاقناكيش لحد ما كان في حد بيزور والدته في الترب (المقابر) ولاقاكي ووداكي أقرب مستشفى وطبعا دي الي كنا فيها لاقينا دكتور بيكلمنا بيقولنا انك هناك بعد محكالنا الشاب الي لاقاكي لاقاكي فين باباكي أصر على أنه يجيب الشيخ في المستشفى فضل يقراأ عليكو ٤ ايام اول ما بدأته تفوقوا جينا على هنا على طول

الحمد لله انكم بخير

منه : يعني ريم كويسه

ماما بصت لبابا

بابا : ايوا ياحبيبتي كويسه متقليش عليها

المهم الشيخ جاي بليل عاوزك ترتاحي شويه كمان عشان لما يجي تقابليه وتقعدي معاه

منه : لا يابابا ونبي انا خايفه بلاش ونبي بلاش

ماما :متقلقيش احنا كلنا معاكي اهو

منه : ماما انتي رابطه راسك ليه كده انتي عمرك ماحبيتي الربطه دي

ماما ملامحها بتتغير : معلش ياحبيبتي تعبانه شويه

منه : سلامتك ياماما حتى انتي تعبتي ازاي بلاش الشيخ ونبي

ماما : متقلقيش ياروحي كلنا هنبقى كويسين ارتاحي شويه بس هو شويه وجاي

ووطلعو وسابني ارتاح ماما كان شكلها تعبان اوي الي يشوفها يحس انها عجزت وكبرت اوي وفعلا معداش وقت كبير والشيخ جه طبعا اول ما دخل لاحظ ان في ريحه بشعه في البيت

الشيخ : الريحه دي عندكم من امتى

بابا : داخله في شهر واحنا مش عارفين مصدرها الحقيقه

الشيخ : مفهوم مفهوم

بابا : حضرتك هترقي البيت الاول ولا هترقي البنات

الشيخ : لا هقرأ في البيت الأول

بابا : تمام

الشيخ طلع ازازه مايه من معاه وازازه تانيه ريحتها حلوه اوي تقريبا كان مسك

وقرأ في البيت

المتوقع ان انا أو اختي الي كنا ننهار في ساعه القراية الا ان الي انهار في الوقت دا كانت ماما ماما ساعتها كانت بتعوي ايوا الصوت الي كان طالع منها كان عامل زي صوت الحيوانات واتخشبت والشيخ كان مكمل قراية وهي كانت مش عارفه تتحرك وبعدها بشويه بدأت تقول لشيخ

ماما: هقتلك هقتلك انت ومراتك وابنك اطلع برا

الشيخ مكمل في قراءه القرآن

ماما : أخرس أخرس وبتجري ناحيته

بابا بدأ يمسك ماما ويكتفها 

والشيخ مكمل بدا الشيخ يرس مايه من الازازه الي معاه وبدأت ماما تتكلم بصوت وحش اوي اوي وتقول

ماما : انا مسلط عليها مش هسيبها موتى بموتها

الشيخ : هتطلع اوهموتك

ماما بتضحك وتصرخ وريم اختي فقدت الوعي بعد حوالي ساعة ونص من كل الي بيحصل دا ماما قالت او الجن المسلط قال انه جاي عن طريق سحر اتحطلنا في البيت وانا واختي وماما اعملنا سحر مأكول ومشروب غير السحر الي في البيت بدأ الشيخ يتصل بحد تاني جه بسرعه جدا

وبدأ يقرأ علينا مع الشيخ وفتشوا في البيت طلعوا سحر من ورا حوض الحمام ومن تحت سرير بابا وماما وسحر من ورا التلاجه بعد السحر الي في الحمام هو الي كان ريحتو بشعه جدا جدا وكان عباره عن كبده حيوان وفيها مصامير وملفوف بكلام

الشيخ طول الوقت يسعيذ ويستغفر ويقول ايه كل دا ايه دا ليه كل دا الشيخ كان رافض ابدا وقال اننا هنعمل جلسات تانيه ماما كانت تعبانه اوي من الجلسه بس بعد يومين بقت كويسه الغريب ان الفتره دي كلها طنت مرفت كانت مختفيه بس بعد تالت جلسه في البيت عندكم الشيخ قالنا حاجه غريبه اوي قالنا بغض النظر عن السحر بس الي منه حكته دا بيدل على أن في سحر في المقابر معداش وقت كبير وا تصلت طنت مرفت

ماما : الو ازيك يامرفت فينك يان له 

مرفت : سمر انا عارفه ان كل الي مريتي بيه كان صعب بس انتي طول عمرك مش حاسه بيا ولا بالي حواليكي انت كل حاجه عندك

سمر : مرفت انتي بتقولي ايه

مرفت : بقول الي كتماه بقالي سنين انتي عندك جوز بيحبك وبيت كبير وجميل وعيال ممتازين وبيحوكي عمرك ما شوفتي الحزن تعرفي ايه انتي عن التعاسة والوحده وانك تبقى مالكيش حد حتى الراجل الي كنت بحبه يوم ماحاولت المحله بحبي ليه راح خطبك انتي واتجوزك كان زمان كل دا بتاعي كل دا كان زمانه ملكي انا انتي اختي كل حاجه انتي ذكرتيني ودمرتي كل حاجه وعشان كدا سحرتلك ايوا انا حاولت بكل الطرق اخد ج زك وعيالك منك بس هو عمره ماانجرف ناحيتي وعمره ماحبني حتى عيالك بعد ماكلتهم سحر عشان يحبوني ويبعد ا عنك محصلش حاجه اضطريت اني اسحرلك تاني وتالت

مرفت : ايه كل الكره والحقد دا لدرجادي مكنتش شيفاكي على حقيقتك

سمر : لأنك ساذجه ساذجه لدرجه اني كنت بحط العمل وانتي واقفه ومكنتش بتشوفيني لكن كل دا منفعش معاكي بردو بردو خفيتي وبقيتي كويسه حتى بنتك الي المفروض تموت ومتجيش نجت معرفش انتَ ازاي كل دا ماجراش ليكم غير الحاجات البسيطه ذي انا كن نفسي تموتو كلكم واخلص منكم واشفي غليلي

مرفت : ربنا مجانا عشان واثقين فيه ومأمنين بيه هو وحده القادر على المستحيل 

سمر : خلي بالك الموضوع لسه مخلصش لسه في حاجه هتفضل في بيتكم ومش هتعرفوا تصرفوها

مرفت : ربنا أقوى منك ومن خططك المعونه حسبي الله ونعم الوكيل فيكي انا مش هسكت انا هحذر كل الناس منك ومن أمثالك

وقفلت ماما السكه وبدأت تلم كل الهدايا والحاجات الي طنت مرفت كانت جيباها واتصلت بالشيخ جابته وقلتله اعمل فيهم ايه

الشيخ قالها دول مافهمتش حاجة مؤذيه ومنعا للخطر قرر يحرقهم بعيد عن البيت بس الشيخ وهو نازل سمع صرختي وانا بقول

منه : ماما الحقني في حد في البلكونه

جريت ماما عليا هي والشيخ وراها اعتقد انه حرامي

ماما : مفيش حاجه ياروحي مالك

منه : لافيه شوفت واحد متكفن واقف هنا

بص الشيخ بره وقالي مفيش حاجه وبعدين رجع تاني وبص على الزرع والصباره

الشيخ : مين يابنتي الي جايب الزرع دا وجابه منين

ماما بصت وهي مصدومه : قالتله واحده صاحبتي

الشيخ : حسبي الله ونعم الوكيل الورد والصبار دا جاي من المقابر ودا الي خلي بنتك بتشوف المقابر والأموات

واخد الزرع دا معاه ومشي اول ماجه بابا ماما فضلت تبكي جامد وتحكيله بابا قالها انا طول عمري مش برتاحلها وبقينا دايما نشغل في البيت قرآن والتزامنا كلنا في الصلاه بس الحقيقه ان انا فضلت اشوف كيانات غريبه على فترات بعيده

طنت مرفت بعد يومين من أخذ الشيخ للصبار من عندنا انتحرت او بيقولو انها انتحرت لأنهم لاقوها قاطعه شراينها ومشوهه وشها وجسمها بسكينه او مشرط وكان فيه رسمه عملاها بالسكين على ايديها بس محدش يعرف دا بتاع ايه ولا هي انتحرت ليه لما دخلو عليها لاقوا شقتها كأنها كانت محروقه قبل كده مع ان مكنش العفش محروق الحيطان بس هي الي محروقه وهي لاقوها في الحمام بالشكل دا في الحمام

بابا شك أن دا بسبب الي كانت عملاه لينا بس الشيخ كان ردو غريب قال ممكن فعلا يكون سبب وممكن لا بس مش هي لوحدها الي كانت عمالنا سحر و اذينا وان في حد من دمنا بردو اذينا واكتفي بكده وقال اننا نلتزم بالتحصينات والمفروض وربنا خير حافظ.......... تجربه عمري ماهنساها ولا هنسي انها كانت السبب اني بشوف كيانات لحد دلوقتي وبعرف لو حد مأذي او لا

.....................{. النهايه .}...................

 

Norhanne ahmed