كيان التولبا للكاتبة نورهان احمد فتحي

فاكرين الصديق الوهمي والصاحب الخيالي الي كنا بنلعب معاه واحنا صغيرين طيب تخيلوا معايا لو جيت قولتلك أن ممكن بشويه طقوس بسيطه تقدر تحول الخيال لحقيقيه بس خلي بالك أنه لما يتحول لحقيقه يخرج برا سيطرتك ويتحول لوحش وانت نفسك مستهدف منه ومتملكش السيطره عليه الكائن دا أو الكيان المرعب دا اسمه تولبا كائن التولبا لو قريت عنه في الاول هتفكر أنه مرض نفسي او حاجه كده شبيها بالصديق الوهمي بتاع الاطفال إلا أن الموضوع ممكن يتطور معاك لانك بتشوفه وبتكلمه في عقلك الباطن إلا أنه يتجسد ادامك أو يبقي عندك وسواس  وترتدي افكارك تخرج عن السيطره عشان تلاقي نفسك في النهايه باش ف هلاوس وحاجات غير مبررة الا ان في نهايه المطاف بيتهي بيك الحال في مصح عقلي أو بتلجأ لدجل والشعوذه عشان تتخلص منه البوذيين زمان كانو بيقولوا التولبا دي كمصطلع للارتقاء الروح لسفر في ما وراء الجسد

وبرغم من شكلها بيوحي الا أنها مرض نفسي وفي دكتور عمل تجربه كامله يثبت بيها أنه دي مش اشباح وان كائن التولبا دا من خيالنا الا أن التجربه الي عملها حطت علامه استفهام كبيره جدا وقتها

دكتور أوين عالم رياضيات 

الدكتور دا قالك ايه بقي قال إن الحوار دا كله كدب واي حاجه فيها اشباح وجن وعفاريت وكلام من دا  وان كل دا بيجي من عقلنا الباطن وانا هبرهن بكده  عمل ايه بقي جاب ٨اشخاص اصحاء يعني عندهم مرض نفسي  وكل واحد فيهم ليه وظيفه وحياه مختلفه عن التاني وقرروا أنهم يتجمعو ويألفوا قصه بطلها شخصيه كلهم هيشاركو في كتابه حياته دا المفروض أنه التولبا ياجماعه نركز

 وبدأوا بقي يسموه فليب وان هو انجليزي الأصل ومن عيله أرستقراطية ايش في القرن ١٧وكاثوليكي ومتجوز سيده حلوه اوي وغنيه ومن عيله بس كانت مش بتكنله مشاعر بارده المشاعر اتجاهه وفي يوم وفليب ماشي في المدينه شاف واحده غجريه جميله بتتمخطر كده عيونها وتسعين وسعرها اسود وفائقه الجمال واسمها مارجو وقع في حبها من اول نظره ياحرام وهي بادلتو المشاعر وبقوا في علاقه مع بعض استغفر الله يعني وبعدها في برج الحراسه الخاص بيه ولأن الحرام مابيدمش والكدب مالوش رجلين بعد فتره زوجته عرفت بخيانته وراحتله البرج شوفو الست العاقله بما تعزز تنتقم ومتخربش بيتها اتفرجو 🤣 مش تخش تقتلهم ولا تضريهم ولا حتي تقولو ياخاين ياحيوان ابدا خدت الغجريه من شعرها رمتها بره البرج وقالتلها يا مشعوذه سحرتي  لجوزي عشان تاخديه مني يا سراقه الرجاله المهم الراجل ساعتها قال الحمد لله انا ربنا نجدني وقالها صح ياموراتي ياحبيبتي هي سحرتلي بنت الغجر  دي وطبعا لأن في الفتره دي الشعوذه كانت محرمه وكانت عقوبتها الإعدام بالحرق راحت مرات الراجل مقدمه شكوي في للقاضي والزوج شهد مع مراته عشان شكله وسمعته والغجريه ماتت محروقه وطبعا موتها اثر عليه جدا جدا فااكتئب وعيط شويه وبعدين راح ع البرج الي كانوا ليعيشوا مع بعض فيه وانتحر دي القصه الي ألفها ٨ أشخاص العاقلين الي مش مرضي نفسيين امال لو مرضي كانوا عملوا ايه كانوا كاتبولنا رعب تركي المهم طبعا القصه دي بعدو يألفوها كتير وكانو بيتجمعوا كل اسبوع عشان يكتبوها ويألفوها بكل تفاصيلها وظروف البلد ووظيفته حياته مع مراته والحقبه الي كانوا عايشين فيها كل التفاصيل حطوها لدرجه انهم رسملوه صوره 

الرعب جاي اهو

اسمعوا بقي النتيجه 

اول حاجه كانوا كل مايتجمعوا يحسو بطاقه قويه مجهوله المصدر محوطاهم ومعاهم بس طبعا مفيش دليل يثبت دا ولأن مفيش اي حاجه ملموسه ولا محسوسه فا كده تبقي التجربه فشلت ومنقدرش نطلع عفاريت من دماغنا زي ما دكتور الرياضيات دا قال.

الدكاتره النفسيين يسكتو لا يعدوها لا جه دكتور نفسي أمور شاطور قالهم بقولكو ايه احنا هناخد التجربه دي ندخل عليها شويه تعديلات وهوبا نعملها تاني قالوله ايه التعديل قالهم احنا هنخدع العقل البشري ازاي بقي هنعمل جلسه تحضير أرواح ونجيب الصوره الحلوه الي رسمت ها وشويه اغراض من العصر الي انتو كتبتو فيه أن القصه مواكباه ونشوف ايه هيحصل المفاجئه أنها نجحت وفي شبح حضر فعلا وكل دا موثق فيديو كمان وبدا يبقي في تواصل مع فليب بالخبط ع التربيزه نعم خبطه لا خبطتين وكل الاسئله الي كانوا بيسالوهالو كانت إجابتها زي القصه الي كتبوها بالظبط لدرجه انهم قالوله اتنفس كده سمعنا صوت نفسك من قوه الهوا زق التربيزه بالشخص الي قاعد مواجهه للهوا لزقه في الحيطه وبدأ بقي يلعب في الانوار زي اي شبح شاطر في شغلته طبعا التجربه كده نجحت نجاح ذريع بالنسبه لدكتور اوين وبدأ ناس كتير تجربها وتنجح إلا أن في علماء وأشخاص تانيه قالو أن الكيان مش ليحضر غير في جلسه تحضير أرواح أو بعمل طقوس شيطانيه وانتقدوا الفكره انتو بقي رايكم ايه انا راي هقولو اللايف الجاي أن شاء الله انتظروني