#دمي_بشرية
بتحكي إلينا و بتقول
كانوا مغميين عيني ركبوني عربيه كان فيها بنات كتير أنا مكنتش شيفاهم كنت سامعة صراخهم أنا الرعب إتملكني أنا مش عارفة رايحة فين و إيه مصيري أنا معملتش حاجة غير الفضول هو إللي إتسببلي في المصير المشئوم أنا إلينا كان ليا صاحبة إسمها صوفيا وقت الحادثة دي كان عندنا ١٦سنة صوفيا كانت مش جميلة أوي و كانت دايماً مش واثقه في نفسها أغلب صحابنا كانوا بيتنمروا عليها وكانت بتزعل جداً و أنا كنت في الفترة الاخيرة صاحبتها الوحيدة وفضلنا كدة لحد ما صوفيا إنعزلت وبقت منطوية و مش بتكلم حد بس كان باين عليها في الفترة دي أنها سعيده كانت بتكلمني من وقت لآخر بس مش زي الأول بس كانت بتطمني عليها و علي أخبارها وأنها سعيدة أوي وإنها قريب هتحكيلي علي كل حاجه وفي يوم جاتلي البيت وحاكيتلي علي حاجه قالتلي إنها عرفت حد من علي غرف الدردشه بتاعه النت و إنه مش في مواقع عادية و إنه في موقع سري و الشات بيبقي سرى ومحدش يقدر يعرف عنهم حاجه وأنه حذرها إنها ماتقولش لحد و إنه معجب بيها جداً و بيحبها و شايفها إنسانة جميلة جداً و أنها في عيد ميلادها ١٧ هتهرب معاه و إن هي بتحكيلي عشان هي مالهاش حد غيري وعشان كان فاضل شهرين ويبقي عندها ١٧سنة و عاوزة تعمل إحتفال أنا في الأول حاولت أمنعها و أفهم منها يعني إيه نت سري وموقع سري بس هي ماكنتش بتقول ولا حابة تقول المصدر إيه و لا جايبة المعلومات منين كل إللي قالته أنها عرفته من غرفة دردشة و متكلمتش تاني معايا في أي شئ لحد يوم عيد ميلادها عشان نتفاجئ كلنا بأن مش صوفيا إللي إختفت و هربت لا دي إللي إختفت چوليا أختها الي عندها ٩سنين والغربيه إن مكنش فيه آثار عنف في البيت ولا آثار مقاومة أنا كنت مع صوفيا اليوم دا إحنا دورنا علي چوليا كتير جداً لكن مالاقينهاش ولا حتي أي أثر ليها وأهل صوفيا بلغوا الشرطة و للأسف مكنش ليها أثر بعدها بفترة شوفت صوفيا جاتلي البيت كانت تعبانة وهزيلة وملامحها غير طبيعية أوي حاولت أتكلم معاها
إلينا : صوفيا مالك أنا بقالي ٣ شهور بحاول أتواصل معاكي و انتي رافضة و كنت كل ماجي متنزليش تقابليني إيه إللي وصلك لحالتك دي ؟ انا عارفه إن إختفاء أختك مش شئ سهل بس لازم تتماسكي علي الأقل عشان أهلك
صوفيا بتبكي : أنا السبب أنا السبب أنا إللي خليت كل دا يحصل و........ أخيراً هاخد عقابي .
إلينا : انتي السبب في إيه ، وعقاب إيه إللى بتتكلمي عنه ؟
صوفيا بحزن شديد وبكي : ألبرت ..... ألبرت السبب في كل دا .
الينا : مين ألبرت الشاب إللي إتعرفتي عليه من فترة؟!
صوفيا : اه هو ...... هو السبب في كل دا و دلوقتي بيهددني إني لو إتكلمت هيقتل چوليا وبعتلي فيديو عروسة لعبة صغيرة علي شكل أختي و هو بيقطع أيديها و رجليها و بيخلع عنيها من مكانها وبيفتح بطنها و بيحط جواها حبوب مخدرات و بيقولي مع كل مره بتكلم فيها عنه هيعمل كده فيها أنا مش عارفة أعمل إيه
ألينا بصدمة و زهول: طيب إحنا كده نروح نبلغ عنه مش انتي عارفة شكله ؟
صوفيا : لا
إلينا : إيه يعني إيه انتي مش كنتي بتكلميه فيديو كول إزاي مش عارفة شكله ؟
صوفيا : كان دايماً حاطط ماسك علي وشه عمري ما شوفته هو كان وعدني إنه يوم عيد ميلادي هيجي و يعرفني بيه و يبينلي وشه
إلينا : انتي مجنونه بتكلمي واحد و تحبيه وتدخليه بيتك في مناسبة و انتي مش عارفة شكله
صوفيا : مكنتش أعرف إنه هيعمل فيا كدة و لا إن الأذي و الضرر و الخيانة دي هتيجي منه، دا كان الإنسان الوحيد إللي عمره ما كرهني عمره ما شافني وحشه عمره ما قالي حاجة تزعلني الوحيد إللي حسسني إني ملكة و إني أتحب و أستاهل حب الدنيا كله، وكل حاجه حلوه كنت عاوزاني أعمل إيه تفتكري واحد حسسني بكل دا كان هيفرق معايا شكله ؛ حتي لو كان شكله مش حلو كنت هاحبه .
دا الوحيد الي بصلي بنظره اهتمام ورجعلي ثقتي بنفسي و خلاني أحب الحياه تاني.
إلينا : ها وبعدين وبعد كل دا كانت النتيجة إيه في الاخر إنه خطف أختك وبيهددك و مش عارفين نبلغ عنه و مش عارفين شكله ولاحتي ............أستني انتي عندك في بيتك كاميرا ع باب البيت صح؟
صوفيا بتمسح دموعها: اه عندي ليه
إلينا : اكيد صورت كل إللي انتي كنت عزماهم
إحنا نفرغ الكاميرات و الشخص إللي متعرفيهوش يبقي هو دا .
صوفيا : انا مستعدة أعمل أي حاجه عشان أختي ترجعلي ومحدش يجراله حاجة بسببي .
بيرن موبايل صوفيا وبتطلع رسالة من رقم مجهول و مش ظاهر نص الرسالة بيقول ( أنا مش قولتلك إنك ما تتكلميش مع حد ولا تقولي لحد ولا تفرجي حد حاجة و إنك لو عملتي كده هطبق العقاب علي أختك انتي السبب في كل عذابها ....لكي هذا ) صوفيا قعدت تصرخ وتعيط
إلينا : مفيش وقت لازم نلحق نروح بيتك ونفرغ الكاميرات ونعرف هو مين قبل ما يعمل حاجة فيها
بيت صوفيا كان قريب جداً من بيتي كان بيني وبينها بيتين بالظبط روحنا وخلينا مامتها ساعدتنا في تفريغ الكاميرات إلا إن المصيبه الي اكتشفناها بعد تفريغ الكاميرات مفيش حد غريب فيها كل إللي داخل وطالع عارفينهم حاولنا مره و اتنين إننا نشوف حد غريب مفيش فايدة وهما بكت مامت صوفيا ونزلت وهي مقهوره حتي الأمل الوحيد ليها اختفي و خصوصاً الشرطة موصلتش لحاجة .
أول ما نزلت مامتها أتبعت لصوفيا من إيميل مجهول علي حسابها في النت السري إللي هي بتقول عليه كدة الي طلع بعد كده إنه الدارك ويب فيديو لأختها متكتفه من أيديها و رجليها و يعنيها مربوطين و جه واحد لابس ماسك ذئب و قطع اتنين من صوابعها وحلقلها شعرها كله في الفيديو وبعد كده وقف قدام الكاميرا وقالها إن دي البداية كل ما هتعمل حاجة هيعذبوا أختها أكتر
إلينا : إحنا لازم نبلغ و نبعت الحاجات دي لالشرطه
صوفيا بهلع : لا لا لا محدش هيعرف حاجة تاني عن الحاجات دي ولا حتي أهلي و انتي مش هتحكي أي حاجة انتي فاهمة خلاص أنا هعمل كل حاجة يطلبها المهم يرجع أختي حتي لو هبقي أنا مكانها .
إلينا ودموعها سابقه كلامها : متقوليش كده هترجع والكلب دا لازم ياخد عقابه .
صوفيا : إلينا إمشي و أنا هحل الموضوع دا بنفسي وهكلمك أرجوكي إمشي و متحكيش لحد حاجة
إلينا : لا أنا مش هسيبك و انتي في الحاله دي طب نقول لمامتك حتي !
صوفيا: أقولها إيه إني ضيعت أختي بسبب غبائي ولا أخليها تشوف فيديو من دول عشان أبقي خسرتهم كلهم ، دي ممكن تموت لو شافته إمشي ومترجعيش هنا وماتجبيش سيرة لحد إمشي
مع الوقت اضطريت أمشي و أسيبها و روحت البيت فضلت قافله علي نفسي الباب و بعيط من المشهد إللي شوفته و أنا الخوف و الرعب محاوطني لحد الساعة واحدة بليل جاتلي رسالة من صوفيا علي الواتس اب الرسالة كانت فيديو 😭😭😭😭فيديو لصوفيا و هي بتنتحر كانت في الفيديو بتعتذر و بتقول إن هي السبب وانها قتلت أختها ورمت جثتها في بحيرة في نفس المقاطعة إللي إحنا فيها و إنها هتموت نفسها زي ما قتلت أختها وبعدها شنقت نفسها .
أنا فضلت أصرخ و ابكي لحد ما أهلي صحيوا و شافوا الفيديو و روحنا لبيتها وسألنا مامتها عنها و طلعنا فوق عند اوضة صوفيا وفتحنا الاوضة و الغريب إن إحنا ملاقيناش حد ولا حتي الكرسي إللي كانت واقفه عليه مامتها بلغت الشرطة في نفس اللحظه وشافت بعدها الفيديو أغمي عليها وراحت المستشفي مع جوزها و أهلي وفضلنا معاها لحد ما إطمنا أنها فاقت وبقت احسن و بعدها روحنا عشان أول ما أدخل أوضتي ألاقي رسالة من إيميل مجهول باعتلي (أنتِ التالية).
انا أول ما جاتني الرسالة فضلت أبص حواليا شمال ويمين وفتحت نوافذ الأوضة كلها وبصيت منها أشوف مين ممكن يكون ماشي ورايا أو بيراقبني ملاقتش أي حد فضلت أدور هط عندي ممكن يكون في حاجه غريبه حد جبهالي يكون فيها كاميرا مراقبة و لا حاجة ملاقتش أي حاجة بس لاقيت لاب توب صوفيا عندي أنا مش فاكرة إنها سابته عندي حاولت أفتحه وبالفعل إتفتح ولاقيت عليه آخر حاجة كانت مفتوحة علي اللاب هي أحد مواقع الدارك ويب أخدني الفضول إني أفتح أكتر من صفحة عليه يمكن ألاقي أي حاجهة تدل علي الخاطف.
مكنش فيه أي حاجه تدل عليه بس المصيبه إني لاقيت حاجات تانيه لاقيت أن في مجرمين وخاطفين مأجورين عليه وأنك ممكن تعمل أي حاجة ومحدش يعرف و الدخول صعب جدا لأني حاولت أدخل من عندي ومن علي لابي معرفتش بس أنا قاعده و بشوف الحاجات دي علي اللاب توب ظهر عندي فجأه فيديو لشخص لابس قناع ذئب وماسك في أيدة سكينة وبيعذب بنت البنت دي....... دي صوفيا إزاي..... إزاي أنا لسه شايفاها وهي بتموت نفسها و فضل يضرب فيها لحد ما الدم بقي مغرقها وهي بتترجاه أنه يسيبها أثناء ما كانت بتترجاه قرب من الكاميرا وشاور للكاميرا كأنه بيشاور عليا وعمل بأيده علامه الدبح وقفل اللاب توب كله ومعرفتش افتحه تاني أخدت اللاب توب ورميته وبعدت عن كل حاجة و قعدت شهر مش بخرج حتي من بيتي شكل الراجل وشكلها مكنش بيروح من بالي وتهديده ليا مكنش بيروح من بالي .
وفي يوم جه زارنا جارنا إللي ساكن معانا في نفس الشارع إسمه چون وعنده ٣٨سنه وعايش لوحده وعنده شركه تصنيع الكمبيوترات و إنسان طيب ومحترم جداً كان دائما بيسال عليا أنا صوفيا ولو أحتاجنا حاجة أو أي تصليحات في أجهزتنا كنا بنكلمه حتي أجهزتنا كانت من عنده وعرف إني منهاره وتعبانة بسبب إللي حصل في صوفيا فطلب من بابا إنه يقعد معايا وينصحني جه و قعد إتكلم معانا وحاول يهديني وبدأ يتكلم عن إللي حصل و أنا كنت رافضة إني أقول أي حاجة وخصوصاً قدام بابا وماما لحد ما هو فهم .
چون : انتي كويسه
إلينا : اه أنا كويسة أنا بس حزينة عشان صوفيا
چون : يعني موتها بس هو سبب حاله الانهيار إللي انتي فيها دي
إلينا : اه طبعا دي كانت صاحبتي جداً وكنا ع طول مع بعض .
چون لبابا:ممكن كوباية ماية لو سمحت
بابا : أكيد
وراح بابا يجيب كوبايه مايه
چون مسك موبايله و وراني فيديو صدمني
چون : إيه دا أنا عاوز تبرير قبل ما أخلي أهلك يشوفوه
إلينا بصدمه : دي....... دي مش أنا دي حد شبهي دي مش أنا ..... انت إتبعتلك الفيديو دا صح إتبعتلك منه مش أنا مش أنا
چون : لا متبعتليش الفيديو دا أنا إللي صورته
إلينا بإستغراب و خوف و بكي : يعني إيه انت إللي صورته و صورته أمتي و إزاي ؟
چون : في حاجات كتير أوي أنا عايز أفهمها منك أنا متأكد إنك معملتيش كده من فراغ !
إلينا : بقولك دي مش أنا .... أنا عمري ما طلعت علي سطح البيت بتاعنا أصلاً
چون :ما دا لو مش انتي يبقي انتي في خطر عليكي حاولي تخرجي من البيت وتقابليني بره الأسبوع دا بدل ما هقدمه لأهلك والشرطه
إلينا بخوف :حاضر ....حاضر بس صدقني دي مش أنا
چون : عارف و محتاج أفهم أكتر أنا عارف إنك ماتقدريش تعملي كده بدليل إنك قدامي دلوقتي
الفيديو كان عبارة عن إني واقفة وشعري نازل علي وشي من الجانبين وبأقتل كلب چون و بعدين بأدبح نفسي
بابا :اتفضل المايه
چون : خلاص يا إلينا أشوفك بعدين
بابا : تعالي أوصلك
چون وهو طالع من البيت :حاولو تخلوها تخرج متخلوهاش تنطوي علي نفسها كده
في الوقت دا انا طلعت أجري علي السطح أشوف جثه أو كلب چون الغريبة إني طلعت وقعدت أدور علي أي حاجه أي دليل وكان المفاجئه لاقيت بعض قطرات الدم علي جدار السور ومش بس كده أنا كمان لاقيت زرار و خاتم أيوا الخاتم دا أنا شوفته قبل كده كان في أيد الراجل إللي بيهددني و ساعتها عرفت إن في حاجه تمت هنا فعلا بس معقوله أكون أنا عملت كده و أنانا فاقده الوعي مثلا أنا مابقتش عارفة حاجة ولا فاهمة حاجة و بدون تفكير نزلت وبلغت أهلي إني خارجة عشان في واحدة صاحبتي هتشرحلي بعض الدروس إللي فاتتني بس أنا كنت رايحة أقابل چون كنت عاوزة أفهمه أنه مش أنا و أحكيله إللي حصل و أستفسر عن حاجة انا شاكة فيها وبالفعل كلمته وخرجت أقابله و أول ما شوفته بدأ يسألني :-
چون : أنا عاوز أفهم إللي بيحصل ؟؟ هل إنتي فعلاً إللي عملتي كده إنتي إللي قتلتي كلبي ؟ هل ممكن تكوني السبب في موت صوفيا واختفاء أختها ؟
إلينا بحزن شديد: أنا مقدرش أعمل كده أنا عمري ما أفكر حتي إني أجرح شخص مش أقتله أنا إللي حصل معايا انا و صوفيا أنها اتعرفت علي شاب .........الخ طبعا قعدت حكيت كل حاجه حصلت لحد ما چون زارنا في البيت
چون :ممممم أنا كده بدأت أفهم يعني انتو بطاردكم عصابه من بتوع الدارك ويب تمام أنا أعرف حد ممكن يساعدنا أننا نلاقي حل تعالي معايا
إلينا:هنروح فين ؟
چون : تعالي بس يلا مفيش وقت هفهمك في الطريق
إلينا لاحظت أنه داخل علي بيته
إلينا : هو إحنا مروحين ولا إيه ؟
چون : لا بس انا هتواصل مع حد من عندي في البيت وانتي هتشرحيله كل حاجه وهو هيساعدك
إلينا : هكلمه يعني ؟طيب كنت كلمته في الموبايل أحسن
چون : لا هتقابليه
إلينا : هيجيلنا هنا يعني ؟
چون : لا هو عايش هنا
إلينا : هو انت عايش معاك حد
چون : اها
إلينا : مين ؟
چون : هتعرفي دلوقتي
دخلنا البيت وقعدت دقيقه بالظبط قالي :-
چون :
أقعدي هنا دقيقه أجيبلك حاجه تشريبها و أنادي إللي هيساعدنا .
إلينا : تمام .
چون دخل المطبخ و أنا بدأت أسمع صوت كأن حد نفسه مكتوم قمت وقفت حاولت أسمع الصوت جاي من فين لاقيته جاي من الاوضة إللي قدامي علي طول .
قمت جريت و أنا مفكره إني هلاقي صوفيا معرفش ليه حسيت كده ، لكن الصدمه لما فتحت الباب عشان ألاقي إن الاوضه دي إللي كان حبيب صوفيا بيكلمها منها و إن في حد متكتف ومرمي قدامي علي الأرض لابس قناع اسود مغطي كل وشه نزلت علي الأرض وبرفع القناع و كلي خوف عشان أتصدم بإن إللي متكتف قدامي دا يبقي .........لا لا مش معقول دا چون لما دا چون أمال إللي أنا جيت معاه دا يبقي مين ....
وفجأة اتخبطت بحاجة حادة علي دماغي مافوقتش غير و أنا متكتفة و مغميين عيني ركبوني عربيه كان فيها بنات كتير أنا مكنتش شيفاهم كنت سامعه صراخهم أنا الرعب اتملكني انا مش عارفه رايحة فين و إيه مصيري و بدأت العربية تقف و الباب يتفتح و أسمع صراخ البنات إللي أنا من ضمنهم حد بيشدنا من شعرنا وبيعاملنا بوحشية بنتجر بسلاسل لابسينها في أيدها ورجلينا وبننزل سلالم و إحنا مغميين عنينا كل دا ، في الاخر فكولنا أيدينا ووشالو إللي كان علي عيونا وبدأ واحد يصورنا علي حالتنا دي واحدة ورا التانية أنا مكنتش شايفة كويس لحد ما بدأت أركز عشان أشوف صوفيا مضروبه ومتعذبة وغرقانة في دمها و أختها كذلك بس كانت مش بتتحرك حسيتها مغني عليها وباقي البنات وبيتصوروا بالمنظر دا بعدها كل إللي بيصورونا مشيوا و غابوا فترة ورجع واحد بس خد بنت من وسطنا وقال انها أطلبت للعبة اليوم الشخص دا يبقي شبيه چون ( ستيڤ )إللي طلع الأخ التوأم لچون وكمان صاحب الجرائم و الخاتم و الزرار إللي لاقيتهم ملكه مش ملك چون .
هو إللي خطط لكل دا و حاول يقتل أخوه چون كمان قررت إني لازم أخد البنات دي ونمشي من هنا و إننا لازم نلاقي حل عشان نهرب وبدأنا نعمل خطه عشان نهرب في بنت كان معاها موبايل حاولت تكلم الشرطة ، بس المنطقه مفيهاش شبكه المهم قررنا أننا هنعذب واحد فيهم زي ما عذب البنات المهم كل شويه كان واحد يدخل ياخد بنت إستنينا إللي هيدخل و أتفقنا إننا أول ما يدخل نعمله كمين و نكتفه و نضربه و بالفعل عملنا كده لكن مقدرناش عليه وبدأ ينادي على الباقيين عشان يقترح منهم واحد إننا لازم نتقطع ونطبخ صاحيين إحنا اتصدمنا وبدأ يبقي في صريخ وعياط و إعترفوا البنات عليا إن انا و صوفيا إللي حردناهم علي كده و أتكتفت أنا وصوفيا و أخدونا لأوضة تشبه الاستوديو وجه إللي لابس قناع الذئب وكان في ايده خاتم علي شكل ذئب وضربني بيه في وشي .
ألبرت : الموت البطئ لكم .
وبدأ يجهز أدوات التعذيب وسكاكين باردة جدا وبدأ يجربها علي صوفيا وهي تصرخ بدأ يجرح ايديها ورجليها ورقبتها و كل دا بيتصور و بعدها بلحظات تحصل مداهمة علي المكان و نلاقي الضباط قدامنا بينقذونا لكن صوفيا كانت فقدت دم كتير و أختها كانت بتصارع الموت لأنها طفلة مستحملتش و أتنقلنا علي المستشفي وكل واحدة فينا الشرطه روحتها بعد ما إتعالجنا وحرفياً مكلمناش بعض أبداً من يومها و إتضح إن چون كان عرف من يوم العيد ميلاد صوفيا حاجه غلط وهي حضور أخوه الحفلة مكانه وأن ليه أخوه يحضر العيد ميلاد .
فاكر لما قولت إن محضرش حد غريب العيد ميلاد هو حضر فعلاً أخو چون التوأم ستيف بس إحنا معرفناش إنه أخوه مش هو.
بدأ چون يعرف إللي حصل وبدأ يدرب كلبه علي إنه يشم أماكن تواجد ستيڤ الغريبة أن المكان إللي كنا محبوسين فيه دا كان أوضة علي بعد كليو من نفق بياخدنا لمخزن مكتوب بإسم چون و الحقيقه إن چون كان هو المسئول عن كل حاجه لأن اخوه مريض نفسي و تسبب في موت اتنين قبل كده فهو أخفاه عن الأنظار ولكن لما چون كشف حقيقته وعرف عملية الاتجار بالبشر الي بيعملها حاول يبلغ عنه فكانت النتيجه إن ستيڤ حاول يقتل أخوه لكن أخوه كان مبلغ قبلها بفتره المباحث الفدراليه ومديهم كل الدلائل ومراقبين الأجهزة في الأول مقدروش يحددوا المكان لكن مع الوقت چون كان حط جهاز تتبع في ساعة ستيڤ و قدرو يوصلو لأقرب نقطة قبل قطع الإشارة و ابتدأ البحث لحد ما وصلوا النفق وقدروا بعد كده ينقذونا والحقيقه إن كان فيه مصيبه كبيره جداً حصلت للبنات إللي كان بيتم إختيارهم البنات دي كانوا ضحايا لنوعين من التعذيب حسب الإثباتات و الفيديوهات النوع الأول تم تحويله حي لدمية (لعبة) يعني هتقولي إزاي هقولك أنهم بدلوا عيونهم الحقيقيه ببلاستيك وفصلوا فروة رأسهم و خلوها شعر مستعار و أيديهم و رجليهم قطعوها ركبولهم مكانها رجول ووايادي شمع وبلاستيك تخيلوا أيوا خلوا الشمع في درجه الغليان وصابوه عليهم مما أدي لموت بعض البنات منهم مستحملوش أما النوع التاني فا دا كان الموت ليه رحمة لأن دول بقي كانوا بيتباعوا قطع يعني بيقطعوا أيديهم ورجليها في بعض الأحيان الاذن وفي جثث وجدت بلا أعين بس هما علي قيد الحياة كانوا بيعملوهم دمي مصمطه لملاذتهم البشعه المريضه الكلام يفوق الخيال لكنها للأسف حقيقه التجربه إللي بحكيها لحضرتك دي كانت من أبشع التجارب إللي مرت عليا و أنا لحد انهاردة حاسه إني مراقبه ولحد انهاردة حاسه اني مهدده وعارفه إن سيتيف هيطلع في يوم و هيدور عليا أنا عارفة إنه مش هينساني ...علي رغم من إن الكلام دا فات عليه فتره كبيرة إلا إن إللي خلاني ابعتلك التجربة دي هي رسالة جاتني إمبارح علي بيتي مكتوب فيها (مرحبا دميتي المستقبلية ستكونين دائما أجمل و أذكي دمية صادفتها علي الإطلاق إحترسِ فقد عُدت )
..النهااااااااية.
نورهان أحمد فتحي
تعليقات
إرسال تعليق