#ابنه_الشيطان
#الطقس_الاول
عمري ما آمنت بأن في قوه ممكن انها تسيطر على انسان او ان في كيانات تانيه عايشه معانا في الأرض وممكن تضرنا او تتسبب في اذيه لينا بس الحقيقه ان فعلا مفيش حاجه بتءذينا اكتر من نفسنا وافعالنا والي عملته نتيجته سايبه أثر عليا لسه بعالج فيه لحد انهارده اسمي نادين عمري ١٩ سنه وانا عندي ١٦ سنة كنت عناديه جدا ومبخافش وعمري ما آمنت ان الجن ممكن يظهر عارفه انه موجود بس عمره ما هيظهرلي يعني كنت رافضه فكره السحر والدجل والشعوذه والطقوس والكلام دا كله شيفاه اوهام وكذب واي كلام الناس بتقوله وخلاص وفي يوم واحنا بنتكلم في جروب الواتس انا واصحابي اميره وياسمين و ودينا حصل الي قلب كل توقعاتي وحول حياتي من واحدة مبتخافش من اي حاجة لواحده بتترعب من اقل حاجه
اميره : بنات شوفتو الي نزل الصبح ع جروب بنات وبس
ياسمين : حصل ايه
دينا : ماشوفتش حاجة
اميره : اصبروا لما نادين تفتح
ياسمين : ماتقول حصل ايه يابنتي انجزي
اميره : رنيت عليها هتبقى اون لاين دلوقتي
نادين : خير يابنات حصل ايه في الجروب يارب متبقاش حاجه تافهه
اميره : تافهه ايه شوفتي مريم عملت ايه الصبح الادمن حظرتها من الجروب ودخلت اسألها في ايه قالتلي انا معملتش حاجه هي السبب ولما قولتلها مين ماردتش وشافت الماسچ من بره
ياسمين : انا مش فاهمه حاجه
دينا : ايوا بردو اتحظرت ليه ماتفهمينا يابنتي
نادين : هي مريم ع طول كده عامله مشاكل تلاقيها نزلت بوست من بتاع السحر والتخاريف والامن شالتها وعملتلها حظر
اميره : ياريتها حاطت بوست سحر دي حطت لينكات لطرق تسخير الجن والقرين واميره الجنيات وحاجات غريبه كده
دينا : بقولكم ايه أعوذ بالله من الشيطان الرجيم سموا الله كده وقفلم ع السيره دي انا بترعب وبخاف وبحس ان الحاجات دي بتحضر كده من مجرد الكلام عنها
ياسمين : ماتسكتي يا بنتي واحنا لسه قولنا حاجه ولا اتكلمنا في حاجه ع طول خايفه من خيالك كده
نادين : ياشيخه بقى مريم نزلت لينكات تسخير عفاريت وانتو مرعبوين ومصحيني من النوم وواجعين دماغي على شويه كلام مايدخلش بال حد
طيب ياجماعه لما مريم تبقى اون لاين ابقوا كلموني
اميره : لا يا نادين انا صحيتك عشان نعرف الي حصل ونفكر سوا لان مريم فونها اتقفل من الصبح وحتى تليفون البيت مش بيرد فقولت لو استمر الموضوع لبكره تبقى مشكله كبيره عندها ولازم نروح ونعرف فيها ايه
نادين : ولا فيها أي حاجه وهي عامله حوار عشان تخوفكم اقولك على حاجة لو معاكي اي لينك من اللينكات بتاعه البوست ابعتيها وانا هاثبتلكم ان مفيش حاجه
ياسمين : يا نادين بطلي بقى عنادك دا الجن موجود والسحر موجود ومذكورين في القرآن
اميره : بعتلك اللينكات ع الخاص
دينا : لو هتفضلوا تتكلموا في الموضوع دا انا هغادر الجروب
نادين : لا لو خايفه يا دينا غادري فعلا عشان انا هقوم اعملكم حاجه من في اللينكات دي قدامكم دلوقتي واثبتلكم ان مفيش الكلام دا
اميره : لا طبعا يا نادين انتي اتجننتي ولا ايه حرام طبعا وبعدين هتجازفي في حاجه زي دي عشان ترضى فضولك وعنادك
نادين : والله الي مش عاجبه وخايف ما يفتحش الفيديو كول
ياسمين : اتقي الله واهدي كده والموضوع مش مستاهل وممكن فعلا يكون الكلام حقيقي وممكن يبقى كدب
نادين : لا كدب اصلا لو حقيقي هيبقى منتشر اوي كده ع الفيس بوك وبطلو رغي بقى خليني اقري الطريقه
دينا : هي ليه محسساني انها بتقرا طريقه عمل مولتن كيك في ١٠ دقايق
اميره : انا مش مرتاحه وهي مفيش فايده في دماغها
ياسمين : انا بفكر البس واروحلها المجنونه دي قبل ماتضر نفسها
دينا : مش هنلحقها انتي عارفه بيوتنا بعيده عن بعض داحنا بنتقابل في المدرسه بالعافيه
ياسمين : مش هترناح الا اما تعمل الي في دماغها
اميره : انا خايفه عليها اوي وفي نفس الوقت حاسه ان مش اي حد يعمل الحاجات دي ينجح فيها عادي ممكن تبقى مزيفة يعني
نادين بترن عليهم كلهم فيديو كول
ها يبنات جاهزين
ياسمين : يابنتي ابوس ايدك ارحمينا وبطلي عند بقى
دينا : انتي فين وايه الضلمه دي
اميره : هو الي منور دا كشاف ولا شمعه ولا ايه انتي فين يا نادين
نادين : انا في الحمام ودي شمعه ايه وانا قريت أسهل طريقه لتحضير القرين واميرة الجنيات
اميره : انتي مجنونه انتي بهزري بطلي هبل واطلعي برا
نادين : لا مابهزرش
ياسمين : عشان خاطري بلاش يانادين
دينا غادرت الفيديو كول
نادين اسكتوا بقى خليني اقرا الكلام الغريب دا هما كاتبين أقف موجهه الشمعه على وشي لمده ٢٠ دقيقه قدام المرايه ومفيش اي انوار تكون موجودة غير الشمعه واقول القسم دا
ياسمين : استغفر الله يابنتي اخرجي بقى انا حيالك
نادين : انا مش عارفه انتو خايفين من ايه
دانا عماله اضحك قال يعني الموضوع سهل اوي كده
نادين بتولع الشمعه بقربها من وشها وبتبص في المرايا وبتكتب اسمها بالمعكوس وبتبتدي تقول
نادين : اقسم عليكم يا خدام........... ياملوك السبع....... ان تأتوني....... أقسمت عليكي يا........ يا ابنه الشيطان......... إن تحضري الان....... وان تقدمي لي كل الولاء وكررته ١٠ مرات
نادين : هووووف اهو يابنات محصلش حاجه ولا الهوا عشان تصدقوا انه
اميره : نادين مين في وراكي دا
ياسمين غادرت الفيديو كول
اميره أعوذ بالله من الشيطان الرچيم وغادرت الفيديو كول
نادين : والله جبانه انتي وهي ومتخلفين
بتقفل نادين الفيديو كول وبتتنور نور الحمام العادي عشان تتفاجئ ان قدامها في المرايه واحده شبها بالظبط ملامحها بارده عنيها بتنور ي القطط ارفع منها في الجسم بتبتسم ابتسامه مرعبه واسنانها مش أسنان دي انياب مدببه بتقول كلام مش مفهوم ومن الصدمه والرعب مكنتش حتى قادره تصرخ حاولت تفتح الباب مقدرتش حاولت تصرخ صوتها مطلعش بتلف عشان تروح ناحية الشباك شافت اربع كائنات شبه الاقذام جسمهم كله شعر بدأ يتكلموا بصوت عالي وكتفوها في الوقت دا لمبه الحمام انفجرت فعلا عملت صوت انفجار وانا بصرخ صوتي مش طالع وفجأه حسيت ان حد مسكني من شعر وخبطني في الحيط وسألني تاني وضربني بالقلم على وشي انا حسيت ان مش ايد الي ضربتني دا كأن حد ضربني بصباره على وشي حسيت ان جلد وشي مش في مكانه وحسيت بتعب شديد فقدني توازني في الحمام وحسيت اني في حلم الحمام بيكبر ويوسع ويسود وفي ناس كتير أشكالهم غريبه بيزعقو في وشي وبتيجي بنت لابسه تاج شكلها جميل تاخدني من وسطهم بس مش إنقاذ دي بتقيدني هي والاقذام دول وبتسحبني في الأرض لحد ما بلاقي نفسي في صحرا وفي حواليا عقارب وبتقول حاجة بلغه غريبه فالعقارب دي بتتجه ناحيتي بحاول اقول اي آيه او اذكر الله مش بقدر افتكر اي حاجة لحد ما بقول أعوذ بالله من الشيطان الرچيم عشان الاقيها شداني من الشئ الي انا مقيده بيه دا وبتحدف على حاجه بلاقي نفسي واقفه قدام مرايه الحمام في بيتنا بس انا واثقه مكان الانعكاس بابا بيغسل وشه ومش شايفني قعدت اخبط واصرخ مش سامعني بصرخ جامد واقول يارب يارب انقذني بسمع صوت ماما وهي بتعيط وبحاول اقول الفاتحه بدأت اقول الفاتحه وهي تضرب وتعذب فيا الجنيه دي وانا اقرا لحد ما قريتها وبات اقول ايه الكرسي ولما خلصت الايه بدأت افقد قوتي وبدأت ماحسش بحاجه وغمضت عنيا وقولت ان خلاص دي نهايتي مش هقدر اقاوم اكتر من كده عشان افتح عيني الاقيني في المستشفى واصحابي حواليا وماما بتعيط جنبي لما فوقت عرفت ان اصحابي شافوا حاجه في الفيديو كدبو على اهاليهم وقالولهم اني اغمى عليا وانا بتكلم معاهم ومفيش حد عندي في البيت صاحي وقتها وهما خايفين عليا ولازم يجولي بابا واحدع منهم وصلهم بعربيته وجه معاهم قعده يرموا الجرس كتير لحد ما بابا فتح الباب واميره حكتله اني اغمى عليا فتحوا باب الحمام بيقولوا انهم انصدموا من شكلي لاقو نص وشي مجروح كأن أسد او فهد ضربني بايده وجالي حاله صرع وكنت تقريبا بموت خدوني وجريو بيا على المستشفى وبقالي في المستشفى ٣ ايام
اول ماطلعت من المستشفى اصحابي حكوا لأهلي الحقيقه وقالولهم كل الي حصل وبابا بدا يجيب شيخ يرقيني كل يوم وبدأت اتحسن بس الحكايه مانتهتش لحد هنا والغريبه ان مريم فضلت مختفيه طول الفتره دي حتى بيتها هي مش فيها لا هي ولا أهلها واصحابي بقوا يخافوا مني ومن شكل وشي في المدرسه الحمد لله وشي دلوقتي احسن وشكله احسن من يوم الجرح بس بحاول إدارية لانه مارجعش زي الاول ولسه لحد انهارده بقالي ٣ سنين بعالجه وبعمل عمليات فيه العالم دا موجود والله موجود احنا الي دايما فضولنا مودينا في داهيه احنا الي بنروح نجيبهم من عالمهم ونخليهم يؤذونا ويؤذو غيرنا بلاش عند بلاش فضول بلاش جن آمنوا بالله واسألوا والجأوله وبلاش نعمل حاجه احنا مش قدها ونخاطر بنفسنا وبالي بنحبهم اه الموضوع منتهاش بس انا لحد انهارده بنام والنور مفتوح وبحلم بالكوابيس ولو مقولتش الورد بتاعي بحس انهم حواليا انا خايفه ومازلت خايفه ادعولي........
..............{النهايه}...............
انتظروا
#ابنه_الشيطان
#الطقس_الثاني
تعليقات
إرسال تعليق